USA-mut isumaqatigiissut Folketingimit akuerineqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut siulittaasuata, Jens-Frederik Nielsenip nuannaarutigaa illersornissaq sillimaniarnerlu pillugit Kalaallit Nunaata, Danmarkip USA-llu akornanni isumaqatigiissut maanna aamma Folketingimit akuerineqarmat.
Ullumikkut taasisoqareerneratigut Inatsisartut Folketingilu isumaqatigiissummut, septembarip 22-ani New Yorkimi isumaqatigiissutigineqartumut, maanna marluullutik akuersissuteqarput.
Jens-Frederik Nielsen:
- Isumaqatigiissut Kalaallit Nunaata nammineq aalajangiisinnaatitaaneranik, soqutigisaanik Issittumilu inissisimaneranik ataqqinninnermut tunngaveqarpoq. Kalaallit Nunaat nunatsinnut siunissatsinnullu tunngasunik aalajangiinermi peqataalluinnassaaq. Inatsisartuni Folketingimilu akuersissuteqartoqarneratigut suliaq maanna naammassineqarpoq.
Tullinnguuttoq tassaavoq USA-mut pisortatigoortumik nalunaaruteqarneq, tamatumalu kingorna isumaqatigiissut atuutilersinnaalissaaq.