Nunani avannarlerni imarsiornermi akiuussinnaassuseq piujuartitsiffiusumillu allannguinissaq pillugit siunertanut nalunaarummut Kalaallit Nunaat atsiorpoq
Nassiussisuuvoq: Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoqarfik
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisup Iddimanngiiu Jensen Bianco-p Nordic Ministerial Statement on Maritime Resilience and Sustainable Transition pillugit siunertanut nalunaarut atsiorpaa.
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq, Iddimanngiiu Jensen Bianco oqarpoq:
”Imarsiornermi mingutsitsinngitsunut allannguineq Kalaallit Nunaanniit tapersersorneqarpoq, kisiannili allannguinermi kalaallinut atugassarititaasut malinneqassapput. Pilersuinermik isumannaallisaanitsinnut umiarsuit sikusiutit pisariaqartinneqarput. Umiarsuit sikusiutit ikummatissamik annertunerusumik atuisarput, kisiannili tamanna peqqutigalugu silap pissusianut piumasaqaatinik sakkortunerusunik piumasaqarfiussanngillat.”
Royal Arctic Line A/S-imi pisortaaneq Niels Clemensen oqarpoq:
"Royal Arctic Line-mut umiarsuit sikusiutit toqqagassatut inissisimanngillat, kisiannili Kalaallit Nunaanni pilersuisoqassappat pisariaqarlutik. Nunat avannarliit angalanitsinni atugassarititaasunut paasinninnerannut nalunaarut oqariartuutaavoq pingaarutilik. Siunissami umiarsuaatitsinnut pilersaarusiorsinnaassagutta, aamma nunarsuarmi najukkatsinni ikummatissanik allanik pissarsisinnaanissamut qulakkeerisoqarnissaa pingaaruteqarpoq.”
Umiarsuit angallanneranni mingutsitsinngitsunut allannguineq aamma inuiaqatigiit isumannaassusiat ingerlaqatigiissinnaasut siunertanut nalunaarummi aalajangerneqarpoq. Umiarsuit sikusiorsinnaasut, aammalu umiarsuit tamarmik silap pissusianut mingutsitsinngitsut atorfissaqartinneqartut nalunaarusiornermi Iddimanngiiu Jensen Bianco-p ilanngutsippaa. Tamatuma peqatigisaanik silap pissusia pillugu malitassat naapertuutissapput, taamaalillunilu umiarsuit sikusiorsinnaasut umiarsuarnit sikulinnik imartalinni angalasinnaasutut sanaajunngitsunit oqimaannerunertik peqqutigalugu pillarneqassanngillat.
Siunertanut nalunaarut uani atuaruk: Nordic Ministerial Statement on Maritime Resilience and Green Transition.pdf.
Naalakkersuisoq Iddimanngiiu Jensen Bianco nammineerluni ataatsimiinnermut ilaasinnaasimanngilaq, taamaattumillu atsioqatigiinnermut NaalakkersuisoqPeter Borg sinnerlugu peqataavoq.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik attaveqarfigineqassaaq, uunga box909@nanoq.gl
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq, Iddimanngiiu Jensen Bianco oqarpoq:
”Imarsiornermi mingutsitsinngitsunut allannguineq Kalaallit Nunaanniit tapersersorneqarpoq, kisiannili allannguinermi kalaallinut atugassarititaasut malinneqassapput. Pilersuinermik isumannaallisaanitsinnut umiarsuit sikusiutit pisariaqartinneqarput. Umiarsuit sikusiutit ikummatissamik annertunerusumik atuisarput, kisiannili tamanna peqqutigalugu silap pissusianut piumasaqaatinik sakkortunerusunik piumasaqarfiussanngillat.”
Royal Arctic Line A/S-imi pisortaaneq Niels Clemensen oqarpoq:
"Royal Arctic Line-mut umiarsuit sikusiutit toqqagassatut inissisimanngillat, kisiannili Kalaallit Nunaanni pilersuisoqassappat pisariaqarlutik. Nunat avannarliit angalanitsinni atugassarititaasunut paasinninnerannut nalunaarut oqariartuutaavoq pingaarutilik. Siunissami umiarsuaatitsinnut pilersaarusiorsinnaassagutta, aamma nunarsuarmi najukkatsinni ikummatissanik allanik pissarsisinnaanissamut qulakkeerisoqarnissaa pingaaruteqarpoq.”
Umiarsuit angallanneranni mingutsitsinngitsunut allannguineq aamma inuiaqatigiit isumannaassusiat ingerlaqatigiissinnaasut siunertanut nalunaarummi aalajangerneqarpoq. Umiarsuit sikusiorsinnaasut, aammalu umiarsuit tamarmik silap pissusianut mingutsitsinngitsut atorfissaqartinneqartut nalunaarusiornermi Iddimanngiiu Jensen Bianco-p ilanngutsippaa. Tamatuma peqatigisaanik silap pissusia pillugu malitassat naapertuutissapput, taamaalillunilu umiarsuit sikusiorsinnaasut umiarsuarnit sikulinnik imartalinni angalasinnaasutut sanaajunngitsunit oqimaannerunertik peqqutigalugu pillarneqassanngillat.
Siunertanut nalunaarut uani atuaruk: Nordic Ministerial Statement on Maritime Resilience and Green Transition.pdf.
Naalakkersuisoq Iddimanngiiu Jensen Bianco nammineerluni ataatsimiinnermut ilaasinnaasimanngilaq, taamaattumillu atsioqatigiinnermut NaalakkersuisoqPeter Borg sinnerlugu peqataavoq.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik attaveqarfigineqassaaq, uunga box909@nanoq.gl