Issittumi Siunnersuisooqatigiit siulittaasoqarfiata piujuartitsisumik aningaasaqarnikkut ineriartorneq ukkataraa
Nassiussisuuvoq: Nunanut Allanut Naalakkersuisoqarfik
10. – 13. novembarimi Issittumi Siunnersuisooqatigiit Kunngeqarfimmi siulittaasoqarfiata Kalaallit Nunaani pisoqartitsinerit siulliit ingerlappai. Issittumi naalagaaffiit nunallu inoqqaavisa kattuffiisa aallartitaat piujuartitsisumik aningaasaqarnikkut ineriartorneq oqaluuserissallugu Ilulissani naapipput. Akuleriimmik iluseqartumik ilusilikkami, peqataasut ilaasa takkullutik najuunneranni, allallu attaveqaatitigut najuunneranni, ullut pingasut ingerlaneranni akimuisumik aningaasaqarnermi aporfinnit kulturikkut assigiinngissutsit oqaluuserineqarlutillu eqqartorneqarput.
Workshoppertitsinerup ammarneqarnera Nunanut allanut, Inuussutissarsiornermut Aatsitassanullu Naalakkersuisup, Naalakkersuisoqarfimmi pisortaq, Múte B. Egedep sinnerlugu, Kunngeqarfiup Issuttumut Aallartitaata Kenneth Høeghip kiisalu Avannaata Kommuniata Borgemsteriata Lars Erik Gabrielsenip oqalugiarnerisigut ingerlanneqarpoq.
Naalakkersuisoqafiup pisortaa Nunanut allanut, Inuussutissarsiornermut Aatsitassanullu Naalakkersuisoq Múte B. Egede sinnerlugu, ima oqaaseqarpoq: Issittumi inuusugut avatangiisitigut, inuuniarnikkut aningaasaqarnikkullu allanngornerit sukkasuut misigaagut. Taamaammat Issittoq akimorlugu immitsinnit ilikkaqatigiissuteqarnissarput pingaaruteqarpoq. Allannguutit tamarmik isummanit assigiinngitsuneersuunerat, tamarmillu innuttaasutsinnut pitsaasumik siunertaqarneri misigaavut. Immikkoortup tamatuma Issittumi Siunnersuisooqatigiinnit ukkatarineqarnera, maanilu nunatsinni oqaloqatigiinnernik taamaattunik siulersuisinnaanerput nuannaarutigaara.
Issittoq tamakkerlugu piujuartitsisumik aningaasaqarnikkut ineriartornermik ilusiliisumi, piviusut, pingaarnersiuinerit isiginninnerillu tamakkiisumik paasineqarnerata annertusarnissaa, workshoppertitsinermi siunertaavoq. Taamaalilluni Issittumi Siunnersuisooqatigiit, Issittumi suleqatigiinnermi oqallittarfiit siuttuattut, issittumi naalagaaffinni nunallu inoqqaavini ilisimasat naapertuuttut, suleqatigiinnerup misilittakkanillu periutsinillu pitsaanerpaanik avitseqatigiinnikkut ineriartornermik siuarsaanermi periarfissanik suussusersiisinnaapput.
Kunngeqarfimmut sinniisussatut angalaqatigiit ukuninnga inuttaqartut toqqarneqarput:
- Daniel Lyberth Hauptmann, Kunngeqarfiup Issittumi Sustainable Development Working Groupiani sinniisuutitaa Nunanullu allanut Naalakkersuisoqarfimmi atorfilik
- Bodil Marie Damgaard, Royal Greenlandimi HR-mut Attaveqarnermullu Executive Vice President kiisalu Tusassip siulersuisuini siulittaasoq
- Karsten Mathias Høy, Visit Ilulissani CEO Ilisimatusarfimmilu siulersuisunut ilaasortaq. Siusinnerusukkut Nalik Venturesimi pisortaasimasoq.
Paasissutissat erseqqinnerusut pillugit, Issittumut Aallartitaq Kenneth Høegh attavigiuk kenh@nanoq.gl Toqq/direkte +299 34 50 00
Workshoppertitsinerup ammarneqarnera Nunanut allanut, Inuussutissarsiornermut Aatsitassanullu Naalakkersuisup, Naalakkersuisoqarfimmi pisortaq, Múte B. Egedep sinnerlugu, Kunngeqarfiup Issuttumut Aallartitaata Kenneth Høeghip kiisalu Avannaata Kommuniata Borgemsteriata Lars Erik Gabrielsenip oqalugiarnerisigut ingerlanneqarpoq.
Naalakkersuisoqafiup pisortaa Nunanut allanut, Inuussutissarsiornermut Aatsitassanullu Naalakkersuisoq Múte B. Egede sinnerlugu, ima oqaaseqarpoq: Issittumi inuusugut avatangiisitigut, inuuniarnikkut aningaasaqarnikkullu allanngornerit sukkasuut misigaagut. Taamaammat Issittoq akimorlugu immitsinnit ilikkaqatigiissuteqarnissarput pingaaruteqarpoq. Allannguutit tamarmik isummanit assigiinngitsuneersuunerat, tamarmillu innuttaasutsinnut pitsaasumik siunertaqarneri misigaavut. Immikkoortup tamatuma Issittumi Siunnersuisooqatigiinnit ukkatarineqarnera, maanilu nunatsinni oqaloqatigiinnernik taamaattunik siulersuisinnaanerput nuannaarutigaara.
Issittoq tamakkerlugu piujuartitsisumik aningaasaqarnikkut ineriartornermik ilusiliisumi, piviusut, pingaarnersiuinerit isiginninnerillu tamakkiisumik paasineqarnerata annertusarnissaa, workshoppertitsinermi siunertaavoq. Taamaalilluni Issittumi Siunnersuisooqatigiit, Issittumi suleqatigiinnermi oqallittarfiit siuttuattut, issittumi naalagaaffinni nunallu inoqqaavini ilisimasat naapertuuttut, suleqatigiinnerup misilittakkanillu periutsinillu pitsaanerpaanik avitseqatigiinnikkut ineriartornermik siuarsaanermi periarfissanik suussusersiisinnaapput.
Kunngeqarfimmut sinniisussatut angalaqatigiit ukuninnga inuttaqartut toqqarneqarput:
- Daniel Lyberth Hauptmann, Kunngeqarfiup Issittumi Sustainable Development Working Groupiani sinniisuutitaa Nunanullu allanut Naalakkersuisoqarfimmi atorfilik
- Bodil Marie Damgaard, Royal Greenlandimi HR-mut Attaveqarnermullu Executive Vice President kiisalu Tusassip siulersuisuini siulittaasoq
- Karsten Mathias Høy, Visit Ilulissani CEO Ilisimatusarfimmilu siulersuisunut ilaasortaq. Siusinnerusukkut Nalik Venturesimi pisortaasimasoq.
Paasissutissat erseqqinnerusut pillugit, Issittumut Aallartitaq Kenneth Høegh attavigiuk kenh@nanoq.gl Toqq/direkte +299 34 50 00