Imarisassat tusarnaarlugit atuarlugitNaalakkersuisup Pisiffik suliniuteqarnikkut nammineq iliuuseqarneranut nersorlugulu niuertarfiit meeqqat inuusuttullu illersornissaannut suliniuteqaqataanissamik kajumissaarpai
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Peqqissutsimut Inunnullu Innarluutilinnut Naalakkersuisutut Pisiffiup imigassanik aalakoornartunik aviisitigut neqeroorutiminik ussassaaruteqarnermini nittarsaassissaarniarneranut nersorusuppara. Nammineq taamatut iliuuseqarnera meeqqat inuusuttullu toqqissisimasumik, peqqinnartumik isumassuisumillu ataatsimoorfiusunik avatangiiseqarlutik peroriartornissaannut sapinngisamik pitsaanerpaanik atugassaqartitsinissap sulissutigineqarneranut tapersiinerummat pingaaruteqarpoq.
Kalaallit Nunaat pingaarutilimmik suliassaqarpoq. Imigassap aalakoornartup ulluinnatsinni aammattaaq meeqqat inuusuttullu ornigarsinnaasaanni takussaavallaarunnaarnissaa ataatsimut sulissutigisariaqarparput. Taamaammat Inatsisartuni partiit imigassaq aalakoornartoq pillugu siunissami ungasinnerusumi atuuttussamik atajuartussamillu politikkiliornermut tunngaviusussamik imigassaq aalakoornartoq pillugu isumaqatigiissuteqarnissamut tunngatillugu oqaloqatigileruttorpakka.
Imigassamik aalakoornartumik atuerujussuarneq ilaqutariinnut, meeqqanut inuiaqatigiinnullu kingunerlutsitsingaatsiarsinnaavoq. Meerartatta ilarpassui inersimasut imigassamik aalakoornartumik atuinerisa kingunerisaannik toqqissiviilliortarput, sumiginnarneqartarput artorsartinneqartarlutilluunniit. Taamaammat tassa imigassap aalakoornartup ulluinnatsinni takussaavallaarunnaarnissaanut tapersersueqataanissatsinnut tamatta akisussaaqataavugut.
Imigassanik aalakoornartunik nittarsaassineq saqqumilaartitsinerlu imigassamut aalakoornartumut qanoq isiginneriaaseqarnermut sunniuteqarlunilu imigassap aalakoornartup inersimasut akornanni atugaanerulersarneranik aammattaaq meeqqat inuusuttullu akornanni atugaajaalersarneranik kinguneqarsinnaasartoq, ilisimatuussutsikkut misissuinerit takutippaat. Imigassanik aalakoornartunik nittarsaassineq imigassap aalakoornartup inuusuttut akornanni atugaanerulersarneranik kinguneqaratarsinnaasartoq, misissuinerittaaq takutippaat.
Pisiffik, Kalaallit Nunaanni Brugseni aamma KNI/Pilersuisoq imigassamik aalakoornartumik atuinerup annikinnerulersinnissaanik siunnerfilinnik suliniuteqarnikkut piffissami kingullermi nammineq iliuuseqartaarnerannut nersortariaqarput. Pisiffiup imigassanik aalakoornartunik aviisitigut neqeroorutiminik ussassaaruteqarnermini nittarsaassissaarniarluni aalajangernera niuertarfiit akisussaaffimmik tiguseqataanissamut nammineq qanoq iliuuseqarsinnaanerannut assersuutissaqqippoq.
Pisiniarfiit inuiaqatigiinni pingaaruteqaqalutillu meeqqat inuusuttullu ulluinnarni avatangiiserisartagaannut ilaalluinnarput. Meerartavut inuusuttortavullu illersorniarutsigit, imigassanik aalakoornartunik saqqumilaartitsiffiunngitsunik avatangiiseqartittariaqarpavut.
Taamaammat niuertarfiit tamaasa ima iliornikkut suliniuteqaqataanissamut kajumissutsimik tapersersueqataanissamik kajumissaarpakka:
• Imigassanik aalakoornartunik pisiniarfinni saqqumilaartitsinermik killiliineq,
• imigassanik aalakoornartunik nittarsaassaarneq saqqumititsiunnaarnerlu,
• imigassamik aalakoornartumik atuinerulersitseqataasinnaasartuusunik pilerisaarissaarneq pisinerulersitsiniassaarnerlu,
• pisiniarfinni tuniniaanermi nittarsaassinermilu, meeqqanik inuusuttunillu eqqarsaatiginninneruneq.
Taamaaliornissamik kajumissaaruteqarneq inuiaqatigiittut kivitseqataanissamut akisussaaqataanitsinnut tunngavoq. Imigassanik aalakoornartunik meeqqat inuusuttullu ulluinnarni ornigarsinnaasaanni saqqumilaarunnaarsitsigutta, ileqqunik nutaanik pilersitseqataallutalu siunissamut isumallualersitseqataassaagut.
Allannguiniartilluni suliniuteqaqatigiinnikkut angusaqarfiulluarnerusarput. Politikeriusugut taamaaliornissamut sammiviliisuusinnaavugut, kinguaariinnulli tulliusussanut iluaqutaasussanik atajuartussanillu pitsanngorsaaniarutta innuttaasut, inuussutissarsiortut, kattuffiit oqartussallu suleqatigiittariaqarput.
Paasisaqarnerorusukkaanni Peqqissutsimut Inunnullu Innarluutilinnut Naalakkersuisoqarfik attavigineqarsinnaavoq. E-maili: pn@nanoq.gl, oqarasuaat +299 34 50 00.
Kalaallit Nunaat pingaarutilimmik suliassaqarpoq. Imigassap aalakoornartup ulluinnatsinni aammattaaq meeqqat inuusuttullu ornigarsinnaasaanni takussaavallaarunnaarnissaa ataatsimut sulissutigisariaqarparput. Taamaammat Inatsisartuni partiit imigassaq aalakoornartoq pillugu siunissami ungasinnerusumi atuuttussamik atajuartussamillu politikkiliornermut tunngaviusussamik imigassaq aalakoornartoq pillugu isumaqatigiissuteqarnissamut tunngatillugu oqaloqatigileruttorpakka.
Imigassamik aalakoornartumik atuerujussuarneq ilaqutariinnut, meeqqanut inuiaqatigiinnullu kingunerlutsitsingaatsiarsinnaavoq. Meerartatta ilarpassui inersimasut imigassamik aalakoornartumik atuinerisa kingunerisaannik toqqissiviilliortarput, sumiginnarneqartarput artorsartinneqartarlutilluunniit. Taamaammat tassa imigassap aalakoornartup ulluinnatsinni takussaavallaarunnaarnissaanut tapersersueqataanissatsinnut tamatta akisussaaqataavugut.
Imigassanik aalakoornartunik nittarsaassineq saqqumilaartitsinerlu imigassamut aalakoornartumut qanoq isiginneriaaseqarnermut sunniuteqarlunilu imigassap aalakoornartup inersimasut akornanni atugaanerulersarneranik aammattaaq meeqqat inuusuttullu akornanni atugaajaalersarneranik kinguneqarsinnaasartoq, ilisimatuussutsikkut misissuinerit takutippaat. Imigassanik aalakoornartunik nittarsaassineq imigassap aalakoornartup inuusuttut akornanni atugaanerulersarneranik kinguneqaratarsinnaasartoq, misissuinerittaaq takutippaat.
Pisiffik, Kalaallit Nunaanni Brugseni aamma KNI/Pilersuisoq imigassamik aalakoornartumik atuinerup annikinnerulersinnissaanik siunnerfilinnik suliniuteqarnikkut piffissami kingullermi nammineq iliuuseqartaarnerannut nersortariaqarput. Pisiffiup imigassanik aalakoornartunik aviisitigut neqeroorutiminik ussassaaruteqarnermini nittarsaassissaarniarluni aalajangernera niuertarfiit akisussaaffimmik tiguseqataanissamut nammineq qanoq iliuuseqarsinnaanerannut assersuutissaqqippoq.
Pisiniarfiit inuiaqatigiinni pingaaruteqaqalutillu meeqqat inuusuttullu ulluinnarni avatangiiserisartagaannut ilaalluinnarput. Meerartavut inuusuttortavullu illersorniarutsigit, imigassanik aalakoornartunik saqqumilaartitsiffiunngitsunik avatangiiseqartittariaqarpavut.
Taamaammat niuertarfiit tamaasa ima iliornikkut suliniuteqaqataanissamut kajumissutsimik tapersersueqataanissamik kajumissaarpakka:
• Imigassanik aalakoornartunik pisiniarfinni saqqumilaartitsinermik killiliineq,
• imigassanik aalakoornartunik nittarsaassaarneq saqqumititsiunnaarnerlu,
• imigassamik aalakoornartumik atuinerulersitseqataasinnaasartuusunik pilerisaarissaarneq pisinerulersitsiniassaarnerlu,
• pisiniarfinni tuniniaanermi nittarsaassinermilu, meeqqanik inuusuttunillu eqqarsaatiginninneruneq.
Taamaaliornissamik kajumissaaruteqarneq inuiaqatigiittut kivitseqataanissamut akisussaaqataanitsinnut tunngavoq. Imigassanik aalakoornartunik meeqqat inuusuttullu ulluinnarni ornigarsinnaasaanni saqqumilaarunnaarsitsigutta, ileqqunik nutaanik pilersitseqataallutalu siunissamut isumallualersitseqataassaagut.
Allannguiniartilluni suliniuteqaqatigiinnikkut angusaqarfiulluarnerusarput. Politikeriusugut taamaaliornissamut sammiviliisuusinnaavugut, kinguaariinnulli tulliusussanut iluaqutaasussanik atajuartussanillu pitsanngorsaaniarutta innuttaasut, inuussutissarsiortut, kattuffiit oqartussallu suleqatigiittariaqarput.
Paasisaqarnerorusukkaanni Peqqissutsimut Inunnullu Innarluutilinnut Naalakkersuisoqarfik attavigineqarsinnaavoq. E-maili: pn@nanoq.gl, oqarasuaat +299 34 50 00.