Imarisassat tusarnaarlugit atuarlugitNaalakkersuisut Narsap napparsimmavianut pulaarput
Nassiussisuuvoq: Naalakkersuisut Siulittaasuata Naalakkersuisoqarfia
Sisamanngornermi ullaap tungaani Naalakkersuisut pingasut tassaasut Jens-Frederik Nielsen, Anna Wangenheim aamma Mariane Paviasen Jensen Narsap napparsimmavianut pulaarput.
Sulisut naapinneqarput oqaloqatigineqarlutillu, ulluinnarnilu sulinerat ajornartorsiutillu pillugit paasisaqarnerullutik.
- Sulisut annertuumik suliaqarneranni nersualaarusuppagut. Peqqinnissaqarfiup pitsaasumik ingerlasinnaanerani sulisut pingaaruteqarluinnarput.
- Ernumassutigisasi paasisinnaakutsoorpagut. Aaqqiissutissanik ataavartussanik ujartuisariaqarpugut. Sulisoqarniarneq sulisooreersullu paariinnarnissaat sulissutigisariaqarparput.
- Tusaavatsigit tapersersorlusilu. Qujanaq apuussassinnut. Peqqinnissaqarfiup iluani ajornartorsiutit aaqqiissuteqarfiginiarlugit ilungersorluta sulivugut.
- Sulisoq kinaagaluarsorluunniit pisinnaasani sipporlugit sulisussaanngilaq, taamaattumillu aaqqiissutissanik ujartuissaagut.
Sukumiinerusumik paasissutissat pillugit attaveqarfissaq: Naalakkersuisut Siulittaasuanut allatsi Inuujuk Petersen, inpn@nanoq.gl