Imarisassat tusarnaarlugit atuarlugitTasiilami innaallagissamik pilersuineq pillugu paasissutissiineq
Nassiussisuuvoq: Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
Avatangiisunut, Pinngortitamut, Nukissiuutinut Ilisimatusarnermullu Naalakkersuisoq Jørgen Rosbach, Tasiilami inaallagissamik pilersuineq pillugu paasissutissiivoq.
Nukissiorfiit KNR-ip Tasiilami erngup nukinganik innaallagissiorfiup piginnaasaanut tunngasumik allaaserisaa malitseqartillugu, Nukissiorfiup nittartagaani erseqqissaammik saqqummiussivoq, takuuk: Vandkraften i Tasiilaq suppleres allerede med dieselproduktion ved højt forbrug - Nukissiorfiit.
Nukissiorfiit naliliinerat naapertorlugu Tasiilami innaallagissamik pilersuinerup isumannaatsuunissaa ullumikkut qulakkeeqqavoq.
Tasiilami innaallagissamik pilersuineq pingaarnertut illoqarfiup erngup nukinganik innaallagissiorfianit tunngaveqarpoq, tassanngaanniillu illoqarfimmi innaallagissamik atuinerup annertunerpaartaa pilersorneqartarluni. Tamatuma saniatigut illoqarfimmi dieselimik ingerlatilinnik marlunnik innaallagissiorfeqarpoq: innaallagiamik atuinerup annertunerpaaffiani atorneqartartumik, marlunnik generatorilik tamarmik 800 kW-inik nukissallit, kiisalu sillimmatitut innaallagissiorfeqarpoq 370 kW-inik aamma 700 kW-inik nukissalinnik generatorilik. Sillimmatitut innaallagissiorfik pisariaqartitsinerup annertunerpaaffiani atorneqartartoq nammineerluni aallartittarpoq, innaallagissamik atuineq erngup nukinganik innaallagissiorfiup piginnaasaata qaangerneqarnerani imaluunniit erngup nukinganik innaallagissiorfiup allanik pissuteqarluni uninnerani. Sillimmatitut innaallagissiorfik pisariaqartitsineq naapertorlugu tapertatut aallartinneqarneratigut aamma atorneqarsinnaavoq.
Tasiilami innaallagissamik pilersuineq ima aaqqissuusaavoq, erngup nukinganik innaallagissiorfik unittooraluarpat illoqarfik innaallagissamik pilersorneerutissanngitsoq, taamaallaalli innaallagissamik pilersuineq kipillatsiarsinnaasarpoq, pisariaqartitsinerup annertunerpaaffiani sillimmatitut innaallagissiorfiup aallartinneqarnissaata tungaanut.
Innaallagissiorfik pisariaqartitsinerup annertunerpaaffiani atorneqartartoq sillimmatitut pilersuinermut atortuuvoq, innaallangissiorfimmi ajutoornermi nammineq aallartittartoq, sillimmatitullu innaallagissiorfik sivisunerusumik ingerlatsinermi akornuteqartoqarnerani innaallagissamik pilersuinermut tapersiisartoq.
Nukissiorfiit naliliivoq orsussamik sillimmatit naammattut pigineqartut. Dieselitortut innaallagissiorfiit nalinginnaasumik killilimmik taamaallaat atorneqartarput. Nalinginnaasumik innaallagissiorfik septembarip naaneraniit februaarip tungaanut piffissap sivikinnerusup ingerlanerani atorneqartarpoq, innaallagissamik atuineq erngup nukinganik innaallagissiorfiup pilersuinerusinnaassusianit annertunerugaangat.
Innaallagissamik atuinerup uuttortarneqarnerani ersippoq, erngup nukinganik innaallagissiorfik ullup unnuallu ingerlanerani innaallagissamik pisariaqartitsinerup annertunerpaartaa pilersortaraa. Ullaakkut, ualikkut unnukkullu innaallagissamik atuineq annertunerpaaffimmiikkaangat taamaallaat innaallagissamik pilersuineq pisariaqartitsinerup annertunerpaaffiani sillimmatitut innaallagissiorfimmit nammineq aallartittartumik ilaneqartarpoq.
Naalakkersuisut innaallagissamik pilersuinermut isumannaallisaanermut tunngasut nunatsinni ineriartornerat qanimut malinnaaffigaat, nunarpullu tamaat nukissamik ataavartumik isumannaatsumillu pilersuinerup qulakkeerneqarnissaa siunertaralugu Nukissiorfiit ingerlaavartumik attaveqaqatigalugu.
Attavissaq:
Paasissutissanik sukumiinerusunik pissarsiniarnermi naalakkersuisoqarfik attavigineqarsinnaavoq, oqarasuaatikkut 34 50 00 imaluunniit e-mailikkut: pan@nanoq.gl
Nukissiorfiit KNR-ip Tasiilami erngup nukinganik innaallagissiorfiup piginnaasaanut tunngasumik allaaserisaa malitseqartillugu, Nukissiorfiup nittartagaani erseqqissaammik saqqummiussivoq, takuuk: Vandkraften i Tasiilaq suppleres allerede med dieselproduktion ved højt forbrug - Nukissiorfiit.
Nukissiorfiit naliliinerat naapertorlugu Tasiilami innaallagissamik pilersuinerup isumannaatsuunissaa ullumikkut qulakkeeqqavoq.
Tasiilami innaallagissamik pilersuineq pingaarnertut illoqarfiup erngup nukinganik innaallagissiorfianit tunngaveqarpoq, tassanngaanniillu illoqarfimmi innaallagissamik atuinerup annertunerpaartaa pilersorneqartarluni. Tamatuma saniatigut illoqarfimmi dieselimik ingerlatilinnik marlunnik innaallagissiorfeqarpoq: innaallagiamik atuinerup annertunerpaaffiani atorneqartartumik, marlunnik generatorilik tamarmik 800 kW-inik nukissallit, kiisalu sillimmatitut innaallagissiorfeqarpoq 370 kW-inik aamma 700 kW-inik nukissalinnik generatorilik. Sillimmatitut innaallagissiorfik pisariaqartitsinerup annertunerpaaffiani atorneqartartoq nammineerluni aallartittarpoq, innaallagissamik atuineq erngup nukinganik innaallagissiorfiup piginnaasaata qaangerneqarnerani imaluunniit erngup nukinganik innaallagissiorfiup allanik pissuteqarluni uninnerani. Sillimmatitut innaallagissiorfik pisariaqartitsineq naapertorlugu tapertatut aallartinneqarneratigut aamma atorneqarsinnaavoq.
Tasiilami innaallagissamik pilersuineq ima aaqqissuusaavoq, erngup nukinganik innaallagissiorfik unittooraluarpat illoqarfik innaallagissamik pilersorneerutissanngitsoq, taamaallaalli innaallagissamik pilersuineq kipillatsiarsinnaasarpoq, pisariaqartitsinerup annertunerpaaffiani sillimmatitut innaallagissiorfiup aallartinneqarnissaata tungaanut.
Innaallagissiorfik pisariaqartitsinerup annertunerpaaffiani atorneqartartoq sillimmatitut pilersuinermut atortuuvoq, innaallangissiorfimmi ajutoornermi nammineq aallartittartoq, sillimmatitullu innaallagissiorfik sivisunerusumik ingerlatsinermi akornuteqartoqarnerani innaallagissamik pilersuinermut tapersiisartoq.
Nukissiorfiit naliliivoq orsussamik sillimmatit naammattut pigineqartut. Dieselitortut innaallagissiorfiit nalinginnaasumik killilimmik taamaallaat atorneqartarput. Nalinginnaasumik innaallagissiorfik septembarip naaneraniit februaarip tungaanut piffissap sivikinnerusup ingerlanerani atorneqartarpoq, innaallagissamik atuineq erngup nukinganik innaallagissiorfiup pilersuinerusinnaassusianit annertunerugaangat.
Innaallagissamik atuinerup uuttortarneqarnerani ersippoq, erngup nukinganik innaallagissiorfik ullup unnuallu ingerlanerani innaallagissamik pisariaqartitsinerup annertunerpaartaa pilersortaraa. Ullaakkut, ualikkut unnukkullu innaallagissamik atuineq annertunerpaaffimmiikkaangat taamaallaat innaallagissamik pilersuineq pisariaqartitsinerup annertunerpaaffiani sillimmatitut innaallagissiorfimmit nammineq aallartittartumik ilaneqartarpoq.
Naalakkersuisut innaallagissamik pilersuinermut isumannaallisaanermut tunngasut nunatsinni ineriartornerat qanimut malinnaaffigaat, nunarpullu tamaat nukissamik ataavartumik isumannaatsumillu pilersuinerup qulakkeerneqarnissaa siunertaralugu Nukissiorfiit ingerlaavartumik attaveqaqatigalugu.
Attavissaq:
Paasissutissanik sukumiinerusunik pissarsiniarnermi naalakkersuisoqarfik attavigineqarsinnaavoq, oqarasuaatikkut 34 50 00 imaluunniit e-mailikkut: pan@nanoq.gl