Imarisassat tusarnaarlugit atuarlugitNaalakkersuisut Kommune Kujalleq pillugu: Tapersersorpatsigit
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut pingasut maannakkut kujataani angalapput, ilaatigut borgmesterimik kommunalbestyrelsemillu ataatsimeeqateqarlutik.
Angalasut tassaapput Naalakkersuisut Siulittaasuat Jens-Frederik Nielsen, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen kiisalu Peqqissutsimut inunnullu Innarluutilinnut Naalakkersuisoq Anna Wangenheim.
Kommunalbestyrelsi sapiissuseqarluni iliuuseqarsimavoq. Taamatut aalajangerneq imaannaanngilaq. Sapiissuseqartariaqarpoq nutaamillu eqqarsartriaqarluni.
Tapersersorpatsigit. Imigassaq kujataaniinnaanngitsoq ajornartorsiutaavoq, taamaattumik imigassaq pillugu politikkimik nutaamik pilersitsissaagut.
Imigassaq aalakoornartortalik pillugu nunatsinni politikkissamut Naalakkersuisut partiillu isumaqatiginninnialeruttorput.
Sukumiinerusumik paasissutissat pillugit attaveqarfissaq: Naalakkersuisut Siulittaasuanut allatsi Inuujuk Petersen, inpn@nanoq.gl