Naalakkersuisut kujataanukalersut

Naalakkersuisut Siulittaasuat Jens-Frederik Nielsen sap. ak una Qaqortumut Narsamullu angalassaaq. Naalakkersuisuni ilaasortat marluk angalaqataassapput, taakkulu tassaapput Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen kiisalu Peqqissutsimut inunnullu Innarluutilinnut Naalakkersuisoq Anna Wangenheim.

Naalakkersuisut angalanerminni innuttaasunik, politikerinik suliffeqarfinnillu naapitsissapput. 

Angalanerat pingasunngornermi novembarip sisamaani Qaqortumi aallartissaaq, tassanilu ilaatigut borgmesteri kommunalbestyrelselu ataatsimeeqatigineqassallutik. Aammattaaq innuttaasut kaffisoqatigineqassapput, tassanilu innuttaasut Naalakkersuisunik oqaloqateqarnissaminnut periarfissaqassallutik. 

Sisamanngornermi Narsamut ingerlaqqissapput. Tassani ilaatigut peqqinnissaqarfimmut atuarfimmullu pulaassapput. Narsami aamma innuttaasut kaffisoqatigineqassapput.

Angalanerup siunertaa tassaavoq innuttaasut qanimut naapinnissaat, innuttaasunillu oqaloqateqarnissaq – kujataani periarfissat aporfiillu pillugit.

Naalakkersuisut angalaqatigiinnissartik nuannaarutigaat, pissutigalugu kujataani pisut tikillugit paasiniarluartariaqarmata aamma sulisut innuttaasullu paasissutissaataat isumaallu tusarluarusummatigit.

Sukumiinerusumik paasissutissat pillugit attaveqarfissaq: Naalakkersuisut Siulittaasuanut allatsi Inuujuk Petersen, inpn@nanoq.gl