2026 ukiakkut influenzamut – Covid 19-imullu akiuussutissiineq

Peqqinnissaqarfik akiuussutisseeqqissaaq: 4/11 aamma 11/11-2026

Influenzamut Covid-19 -imullu akiuussutissiinerit Peqqinnissaqarfimmit makkununnga akeqanngitsumik neqeroorutaaqqipput:
- 65-ileereersimasut (15. januar 1961 sioqqullugu inunngortut)
- Innuttaasut nualluummik peruluuteqarsinnaasut ukioq mannalu suli akiuussutissinneqarsimanngitsut
- Naartunerup pingasunngorlugu avinnerisa aappaanni pingajuannilu naartusut

Nualluummut akiuussutissinneqarsinnaanngorputtaaq:
- Innuttaasut nammineq akiliillutik akiuussutissinneqarusuttut – akia 100 kr.
- Innuttaasut suliffimminnit akiliunneqarlutik akiuussutissinneqarsinnaasut.

Nuna tamakkerlugu akiuussutissiisoqassaaq:
• Pingasunngorneq 4/1-2026
• Pingasunngorneq 11/11-2026

Sumi: Najukkami peqqissaavimmi imal. napparsimmavimmi. Peqqinnissaqarfinnit allagarsiinissaq alaatsinaaguk.
Nal.: kl. 12.30 – 16.00

Takkutiinnassaatit siusinnerpaamilli minutsit tallamat sioqqutsissaatit.
Nal. 16.00 nallertinnagu nalunaarsorneqarnissat isumagissavat.
Qanigisaasut qanigisamik akiuussutissinneqarnissaannut tapersersuinissamut ikiuunnissamullu kaammattorneqarput.

Neqeroorfigineqartut avataanniikkuit namminerlu akiliillutit akiuussutissinneqarusukkuit
Neqeroorfigineqartut akornaniinngikkuit namminerlu akilikkannik akiuussutissinneqarusukkuit, ullormi akiuussutissinneqarfissanni akiliillutitv akiuussutissinneqarsinnaavutit.
Nuummi ulloq taanna akiuussutissinneqarfissanni, Dronning Ingridip Peqqissaaviani pisussami, Nunatta Nakorsaataasivianut saaffiginnissaatit akiuussutissinneqartinnallu akiuussutissaq akilerlugu. Sumiiffinni allani najukkami peqqissaavimmi imal. napparsimmavimmi akiliissaatit.

Najukkami suliffeqarfippit akiuussutissinneqarnissat akilissappagu
Suliffeqarfippit akiuussutissinneqarnissat akilerusuppagu, sulisitsisut isumaqatigiissuteqarnissamut Nunatta Nakorsaataasivianut mailikkut: apotek@peqqik.gl attaveqaqqullugu qinnuigissavat.