Imarisassat tusarnaarlugit atuarlugitUtoqqalinersiaqarneq pillugu aaqqissuussineq pillugu innuttaasut 4.000-it isummaminnik ullumi saqqummiussinissamut periarfissinneqarput
Nassiussisuuvoq: Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik
Utoqqalinersiutit pillugit immikkut ilisimasallit ullumi e-Boks aqqutigalugu immersugassiamik nassiussissapput. Immersugassiamik nassiunneqartut tamarmik immersuinissamut kaammattorneqarput.
Immikkut ilisimasallit sinnerlugit Naalakkersuisut utoqqalinersiaqarneq pillugu aaqqissuussaq pillugu innuttaasut isumaat paasiniarlugit ullumi tallimanngornermi oktobarip ulluisa 30-anni immersugassiamik nassiussipput. Innuttaasut 4.000-it nalaatsortumik toqqagaapput, immersuinissamullu qaaqqusissummik e-Boksikkut tigusaqassallutik.
“Innuttaasut isumaat misilittagaallu immikkut ilisimasallit suliaannut pingaarutilimmik tunngaviliissuupput. Immersugassiami akissutit inaarutaasumik innersuussutinut pingaaruteqarput. Taamaattumik kikkut tamarmik peqataanissaannut kaammattuivugut", immikkut ilisimasallit siulittaasuat, Maliina Abelsen, oqarpoq.
Siunissami utoqqalinersiaqarnerup aaqqissuunneqarneranik ilusilersuinermi innuttaasut ilisimasaat misilittagaallu misissuinermi ilanngunnissaat siunertaavoq. Akissutigineqartut utoqqalinersiat aaqqissuuteqqinneqarnerannut immikkut ilisimasallit innersuussiassaminnut ilanngukkumaarpaat. Immersugassiamik nassiunneqartut tamarmik isummaminnik oqaasertalersuinissaminnut periarfissinneqarneri qulakkeerniarlugit SMS-ikkut oqarasuaatikkullu attaveqarluni malitseqartitsisoqassaaq.
Attavissaq
Paasissutissanik amerlanerusunik pissarsiniaruit Naalakkersuisoqarfik mailimut uunga: isn@nanoq.gl attavigineqarsinnaavoq, imaluunniit oqarasuaatikkut: (+299) 34 50 00.
Immikkut ilisimasallit sinnerlugit Naalakkersuisut utoqqalinersiaqarneq pillugu aaqqissuussaq pillugu innuttaasut isumaat paasiniarlugit ullumi tallimanngornermi oktobarip ulluisa 30-anni immersugassiamik nassiussipput. Innuttaasut 4.000-it nalaatsortumik toqqagaapput, immersuinissamullu qaaqqusissummik e-Boksikkut tigusaqassallutik.
“Innuttaasut isumaat misilittagaallu immikkut ilisimasallit suliaannut pingaarutilimmik tunngaviliissuupput. Immersugassiami akissutit inaarutaasumik innersuussutinut pingaaruteqarput. Taamaattumik kikkut tamarmik peqataanissaannut kaammattuivugut", immikkut ilisimasallit siulittaasuat, Maliina Abelsen, oqarpoq.
Siunissami utoqqalinersiaqarnerup aaqqissuunneqarneranik ilusilersuinermi innuttaasut ilisimasaat misilittagaallu misissuinermi ilanngunnissaat siunertaavoq. Akissutigineqartut utoqqalinersiat aaqqissuuteqqinneqarnerannut immikkut ilisimasallit innersuussiassaminnut ilanngukkumaarpaat. Immersugassiamik nassiunneqartut tamarmik isummaminnik oqaasertalersuinissaminnut periarfissinneqarneri qulakkeerniarlugit SMS-ikkut oqarasuaatikkullu attaveqarluni malitseqartitsisoqassaaq.
Attavissaq
Paasissutissanik amerlanerusunik pissarsiniaruit Naalakkersuisoqarfik mailimut uunga: isn@nanoq.gl attavigineqarsinnaavoq, imaluunniit oqarasuaatikkut: (+299) 34 50 00.