Kitaata sineriaani saarullittassiissutinik naleqqussaaneq

Naalakkersuisut kitaata sineriaani saarullittassiissutinik ulloq 23. oktober naleqqussaapput. Sineriammut qanittumi saarullittassiissutit 23.015 tonsiupput. pisassiissutit 92,6%-ii ulloq 20. oktober 2026 pisarineqareerput. Tamanna tunngavigalugu pisassiissutigineqartut sapaatit akunnerini aggersuni tamarmik pisarineqareersimanissaat naatsorsuutigineqarpoq.

Naalakkersuisut tunngaviusumik killeqarfiup 3 sømiliusup avataani sineriammut qanittumi aalisariutit 5.000 tonsinik pisassinneqassasut 2026-mi aalajangerpaat, tassa aalisarsinnaanermut akuersissutinik tunniussisoqareeraluartoq, pisassiissutigineqartut tamakkerneqarsimanngillat. Naalakkersuisut taamaammat pisassiissutinit pineqartunit 3.500 tonsit killeqarfiup 3 sømiliusup iluani sineriammut qanittumi pisassiissutinut nuuppaat. Sineriammut qanittumi saarullinniartut ukioq naallugu aalisarnissaat qulakkeerniarlugu taamaaliorput, taamalu aalisartunut tunitsivinnullu iluaqusiiniarlutik. Pisassiissutissatulli aalajangersarneqartut aamma inuiaqatigiinnut pitsaanerpaamik sunniuteqartinniarlugit.

Tabel 1. 20. oktober 2026-mi pisassiissutinit pisarineqarsimasut aamma naleqqussaaneq sioqqullugu tamatumalu kingorna pisassiissutit (tons)

Aqutsiveqarfik	Pisassiissutit	Pisassanit qaqitat	Nuussereernerup kingorna pisassat
Kalaallit Nunaata Kitaa	23.015	21.306	26.515
Kalaallit Nunaata kitaata avataani tunngaviusumik killeqarfiup 3 sømilit avataanni Aqutsiveqarfimmi avannarlermi (NAFO 1A-1C)*	1.500	0	500
Kalaallit Nunaata kitaata avataani tunngaviusumik killeqarfiup 3 sømilit avataanni	3.500	0	1.000

^{*Avataasiorluni pisassat sinerissap qanittuani aalisariutinit, 2024-mi sinerissap qanittuani aalisarsinnaanissamut akuersissuteqartunit, aalisarneqarsinnaapput.}

Annertunerusumik paasisaqarusuttut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut ugguuna saaffiginnissinnaapput; apn@nanoq.gl