Imarisassat tusarnaarlugit atuarlugitNaalakkersuisut akisussaaffimmik tigusipput
Nassiussisuuvoq: Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoqarfik
Naalakkersuisut Tunumi angallasseriaatsimi akisussaaffimmik tigusinngitsut, innuttaasunit erseqqissarneqarpoq.
Ajornakusoortumi inissisimavugut, Icelandair-ip niuernermik tunngavilimmik ingerlatseqatigiiffiusup ukiuunera aallarnerfigalugu Kulusuk angallavigisarunnaarniarlugu aalajangersimanera pissutigalugu. Tamanna niuernermit isigalugu pisimavoq.
Ingerlatseqatigiiffiup nunanit allaneersup, Tunumi innuttaasunut ingerlateqatigiiffiup annertoorujussuarmik inuiaqatigiinnut pingaaruteqarnera isiginiarnagu, Kalaallit Nunaanni ingerlatsinini taamaallaat sukannersumik niuernermik aallaaveqartimmagu, tamanna ajuusaarnarpoq.
Naalakkersuisut pisoq ilungersunartorujussuartut isigaat aammalu periarfissat suliniutissallu Tunumi aalajaatsumik ataqatigiissumillu angallannikkut sullissinermik tunngavissiisinnaasut misissorlugit ingerlaavartumik sulillutik.
Peqatigisaanik ingerlatseqatigiiffiup sivikitsumik piffissaqartitsilluni niuernikkut aalajangersimanera tunngavigalugu attaveqaasersuutinik pisariaqartinneqartunik inerisaasinnaannginnatta pilersaarusiorsinnaannginnattalu nassuerutiginissaa pisariaqarpoq. Tamatuma saniatigut nunap immikkoortuani ataasiinnarmi niuernikkut iluaqusiisussamik kiffartuussinissamut isumaqatigiissutinik suliaqarnissaq Naalakkersuisunut immikkut unammillernarpoq.
Tamannarpiaq pissutigalugu patajaannerusunik ungasissumullu aaqqiissutissat, innuttaasunut takorlooruminartitsinissamik pilersuinerullu isumannaassusaanik qulakkeerisinnaanerusut, misissornissaat pisariaqartinneqarpoq. Naalakkersuisut aaqqiissutissarsiniarnissaq suli sulissutiginiarpaat, kisianni maannakkut pisup ingerlatseqatigiiffiup nunanit allaneersup niuernikkut aalajangersimanerata malitsigisaanik pilersoq, tamatumani allanngortinneqanngilaq.
Naalakkersuisoq Iddimanngiiu Jensen Bianco oqarpoq:
”Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisutut Tasiilamit naggueqartutut, pisoq attortissutigisorujussuuara. Taamaattoq Air Greenland-ip inuiaqatigiinni akisussaaffimmik tigusisimanera Kulusummullu timmisartuussisarnerminik annertusititsisimanera nuannaarutigaara – assersuutigalugu maannakkut marlunngornermi Kulusummiit aallartartut marlunngorput. Naalakkersuisut nunap immikkoortuanut ungasissumut aaqqiissutissarsiniarsaripput.
Tunumi innuttaasut nunatta sinneranut attaveqarnerminnut niuernikkut aalajangiineq ataasiinnaq, inuiaqatigiinnut sunniutaasussat eqqarsaatiginagit aalajangiunneqartoq, apeqqutaassanngitsoq, tatigissavaat. Akisussaaffik taanna Naalakkersuisut pimoorullugu tiguaat, taamaattumillu siunissami angallannerup ilusaanut aalajaannerusumik piujuarnerusussamillu tunngavilimmik pilersinnissaa sulissutigalugu. Tamatuma saniatigut oqaatigissavara Tasiilami nutaamik mittarfittaarnissap sulissutiginissaa Naalakkersuisut naalakkersuisooqatigiinnissamut isumaqatigiissutaannut tunngaviusuni ilanngunneqarsimammat. Suliassaq taanna allattuiffinni qaffasissumik pingaartinneqarpoq”
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik attaveqarfigineqassaaq, uunga box909@nanoq.gl
Ajornakusoortumi inissisimavugut, Icelandair-ip niuernermik tunngavilimmik ingerlatseqatigiiffiusup ukiuunera aallarnerfigalugu Kulusuk angallavigisarunnaarniarlugu aalajangersimanera pissutigalugu. Tamanna niuernermit isigalugu pisimavoq.
Ingerlatseqatigiiffiup nunanit allaneersup, Tunumi innuttaasunut ingerlateqatigiiffiup annertoorujussuarmik inuiaqatigiinnut pingaaruteqarnera isiginiarnagu, Kalaallit Nunaanni ingerlatsinini taamaallaat sukannersumik niuernermik aallaaveqartimmagu, tamanna ajuusaarnarpoq.
Naalakkersuisut pisoq ilungersunartorujussuartut isigaat aammalu periarfissat suliniutissallu Tunumi aalajaatsumik ataqatigiissumillu angallannikkut sullissinermik tunngavissiisinnaasut misissorlugit ingerlaavartumik sulillutik.
Peqatigisaanik ingerlatseqatigiiffiup sivikitsumik piffissaqartitsilluni niuernikkut aalajangersimanera tunngavigalugu attaveqaasersuutinik pisariaqartinneqartunik inerisaasinnaannginnatta pilersaarusiorsinnaannginnattalu nassuerutiginissaa pisariaqarpoq. Tamatuma saniatigut nunap immikkoortuani ataasiinnarmi niuernikkut iluaqusiisussamik kiffartuussinissamut isumaqatigiissutinik suliaqarnissaq Naalakkersuisunut immikkut unammillernarpoq.
Tamannarpiaq pissutigalugu patajaannerusunik ungasissumullu aaqqiissutissat, innuttaasunut takorlooruminartitsinissamik pilersuinerullu isumannaassusaanik qulakkeerisinnaanerusut, misissornissaat pisariaqartinneqarpoq. Naalakkersuisut aaqqiissutissarsiniarnissaq suli sulissutiginiarpaat, kisianni maannakkut pisup ingerlatseqatigiiffiup nunanit allaneersup niuernikkut aalajangersimanerata malitsigisaanik pilersoq, tamatumani allanngortinneqanngilaq.
Naalakkersuisoq Iddimanngiiu Jensen Bianco oqarpoq:
”Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisutut Tasiilamit naggueqartutut, pisoq attortissutigisorujussuuara. Taamaattoq Air Greenland-ip inuiaqatigiinni akisussaaffimmik tigusisimanera Kulusummullu timmisartuussisarnerminik annertusititsisimanera nuannaarutigaara – assersuutigalugu maannakkut marlunngornermi Kulusummiit aallartartut marlunngorput. Naalakkersuisut nunap immikkoortuanut ungasissumut aaqqiissutissarsiniarsaripput.
Tunumi innuttaasut nunatta sinneranut attaveqarnerminnut niuernikkut aalajangiineq ataasiinnaq, inuiaqatigiinnut sunniutaasussat eqqarsaatiginagit aalajangiunneqartoq, apeqqutaassanngitsoq, tatigissavaat. Akisussaaffik taanna Naalakkersuisut pimoorullugu tiguaat, taamaattumillu siunissami angallannerup ilusaanut aalajaannerusumik piujuarnerusussamillu tunngavilimmik pilersinnissaa sulissutigalugu. Tamatuma saniatigut oqaatigissavara Tasiilami nutaamik mittarfittaarnissap sulissutiginissaa Naalakkersuisut naalakkersuisooqatigiinnissamut isumaqatigiissutaannut tunngaviusuni ilanngunneqarsimammat. Suliassaq taanna allattuiffinni qaffasissumik pingaartinneqarpoq”
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik attaveqarfigineqassaaq, uunga box909@nanoq.gl