Imarisassat tusarnaarlugit atuarlugitTasersiami aamma Tarsartuup tasersuani piukkunnaatilinnik toqqaanissamut suliamik ingerlatsinermi kinguartitsigallartariaqalerneq
Nassiussisuuvoq: Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
Tasersisaq aamma Tarsartuup tasersuata suliariumannittussarsiuunneqarnissaannut atatillugu piukkunnaatilinnik toqqaanissamut suliamik ingerlatsineq 2026-mi oktobarip qaammataani aallartinneqartussatut pilersaarutaagaluarpoq. Nunatta, Danmarkip aamma USA-p akornanni illersornissamut isumannaallisaanermullu isumaqatigiissutaasa nutaap atsiorneqartup kingunerisaanik, Avatangiisinut, Pinngortitamut Nukissiuutinut Ilisimatusarnermullu Naalakkersuisoqarfik massakkut suliariumannittussarsiuussinermi tunngavissiassami naleqqussagassaasunik suliaqarpoq.
Tamanna isumaqarpoq piukkunnaatilinnik toqqaanissamut suliamik ingerlatsineq piffissamut pilersaarutaasimasumut sanilliullugu kinguartinneqarallartariaqartoq. Naalakkersuisoqarfik piffissamut pilersaarummik nutartikkamik sapinngisamik piffissami qaninnermi ilisimatitsissuteqassaaq.
Paasinninnissinnut qujavugut aamma suliamut attuumassuteqartunut suliap ingerlanera pillugu paasissutissiisarumaarpugut.
Paasisaqarnerorusukkaanni uunga attaveqartoqarsinnaavoq pan@nanoq.gl.