Imarisassat tusarnaarlugit atuarlugitUkiuunerani Tasiilap eqqaani qulimiguulimmik sillimmateqartitsineq pillugu tusagassiorfinnut nalunaarut
Nassiussisuuvoq: Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoqarfik
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfiup nalunaarutigisinnaavaa, ukiuunerani Tasiilap eqqaani qulimiguulimmik sillimmateqartitsinissap qulakkeerneqarnissaa pillugu Air Greenland isumaqatigiissusiorfigineqarmat.
Naalakkersuisoq, Iddimanngiiu Jensen Bianco, imak oqaaseqarpoq:
”Kulusumut, Tasiilamut, Kuummiunullu tikeraaqqammernera tunuliaqutaralugu nuannaarutigingaarlugu maanna Tasiilami, eqqaanilu nunaqarfinni innuttaasunut nalunaarutigisinnaanngorpara, ukiuunerani qulimiguulimmik sillimmateqartitsinissaq isumaqatigiissusiorfigineqarmat. Neriuppunga tamanna innuttaasunut pitsaanerusumik, toqqissisimanerunermillu kiisalu pingaartumik ukiuunerani assartuusseriaatsimik tatiginarnerusumik kinguneqassasoq.”
Taamaalilluni piffissami 2026-mi novembarimit, 2027-mi maaji ilanngullugu qulimiguulik nalinginnaasumik atorneqartartoq timmisinnaatinnagu qulimiguulik AS350 taarsiullugu atorneqarsinnaassaaq.
Politikkikut suliaq pillugu paasissutissanik piniaraanni Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik box909@nanoq.gl-imut attavigineqassaaq.
Angallassinermut tunngatillugu paasissutissanik piniaaraanni Air Greenland idm@airgreenland.gl -imut attavigineqassaaq
Naalakkersuisoq, Iddimanngiiu Jensen Bianco, imak oqaaseqarpoq:
”Kulusumut, Tasiilamut, Kuummiunullu tikeraaqqammernera tunuliaqutaralugu nuannaarutigingaarlugu maanna Tasiilami, eqqaanilu nunaqarfinni innuttaasunut nalunaarutigisinnaanngorpara, ukiuunerani qulimiguulimmik sillimmateqartitsinissaq isumaqatigiissusiorfigineqarmat. Neriuppunga tamanna innuttaasunut pitsaanerusumik, toqqissisimanerunermillu kiisalu pingaartumik ukiuunerani assartuusseriaatsimik tatiginarnerusumik kinguneqassasoq.”
Taamaalilluni piffissami 2026-mi novembarimit, 2027-mi maaji ilanngullugu qulimiguulik nalinginnaasumik atorneqartartoq timmisinnaatinnagu qulimiguulik AS350 taarsiullugu atorneqarsinnaassaaq.
Politikkikut suliaq pillugu paasissutissanik piniaraanni Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik box909@nanoq.gl-imut attavigineqassaaq.
Angallassinermut tunngatillugu paasissutissanik piniaaraanni Air Greenland idm@airgreenland.gl -imut attavigineqassaaq