Imarisassat tusarnaarlugit atuarlugitNaalakkersuisut imigassaq aalakoornartulik pillugu isumaqatigiissuteqarnissamut tunngatillugu isumaqatigiinniarnerit aallartippaat
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Naalakkersuisut Inatsisartuni partiineersut attaviitsorlu imigassaq aalakoornartulik pillugu ukiuni arlalinnik ilisimatusarnermik tunngaveqartumik isumaqatigiissuteqarnissamut tunngatillugu innersuussutit inuiaqatigiit peqqissusaannik aallaaveqartumik anguniagaqarfiusut tunngavigalugit isumaqatigiinniarnerit ukununnga tunngasuni ataatsimut anguniagaqarfiusut aallartippaat: meeqqat, inuusuttut ilaqutariillu imigassamik aalakoornartulimmik aallaavilimmik kingunerluuteqarnissaannut illersornissaat aammattaaq inuiaqatigiinnut tamarmiusunut isumaginninnikkut attanneqarsinnaasumik nukittorsaanissaq.
Innersuussutit suliassaqarfiit akornanni siammasissumik suleqatigiittoqarneratigut pilersinneqarput, tamatumalu kommuninik innuttaasunillu peqataatitsinikkut qulakkeernissaa pingaartinneqarluinnarpoq.
Isumaqatigiissuteqarnissamuttaaq tunngatillugu isumaqatigiinniarnissanut aggersaanissat sioqqullugit, borgmesterit Politikkikkut Ataqatigiissaarisartoqatigiit ukiumoortumik ataatsimiinnerannut NAKUUSA-llu ataatsimeeqatigineranut atatillugu oqaloqatigineqarput. Aammattaaq Sulisitsisut, Brugseni aamma Pisiffik ataatsimeeqatigineqarput, taakkualu imigassamut aalakoornartulimmut tunngasuni isummersuuteqarlutillu tamatumani suliniutiminnik saqqummiussaqarput. Taamaammat tassa suleriaqqinnissamut ilisimasatigut misilittakkatigullu tunngavissaqarluarnissaq qulakkeerumallugu, isummersuutit pisariaqartitallu assigiinngitsut aallaqqaataaniilli tunngavigineqarput.
Partiineersut attaviitsullu peqataaffigisaannik politikkikkut isumaqatigiinniarnerit aallartinneranni siullertut naqissuserneqartoq tassaavoq, meeqqat inuusuttullu toqqissillutik peroriartornissaannut ilaqutariillu atugarissaarnissamut kiffaanngissuseqarnissamullu periarfissaqarnerunissaannut sinaakkutinik pitsaanerusunik inuiaqatigiittut pilersitsinissamut anguniakkatigut ataatsimoorfeqartut. Inuttut ataasiakkaatut kiffaanngissuseqarsinnaatitaanerup illersornissaa aammattaaq imigassap inuit imminerminnut qanigisaannullu kingunerluuteqarsinnaaqisumik iliuuseqarsinnaanerannik killiisuunissaata pinaveersaartinnissaa anguniarneqarpoq.
Ajornartorsiutit imigassamik aalakoornartulimmik aallaavillit inuit ataasiakkaat kisimik eqqorneqaatigineq ajorpaat, meeqqalli peroriartornerannut, ilaqutariittut atukkanut, innuttaasut peqqissusaannut inuillu imminnut tatigeqatigiinnissaannut aamma kalluaarujussuartarput. Kinguneri suliassaqarfiit akornanni kinguaariillu nikikkiartorneranni sunniuttarput, inuiaqatigiittullu ataatsimoornissamut toqqammavigisarput sunnerneqartarluni. Taamaammat suliniutit atajuartuusinnaaqqullugit, aammattaaq inuiaqatigiit aaqqiissutissanut piginneqataasutut misigisimasinnaaqqullugit nuna tamakkerlugu suliassaqarfiillu akornanni katsorsaanerit, pinaveersaartitsinerit, peqqissuunerulersitsiniarnerit, inatsisiliornerit isumaginninnikkullu suliniutit imminnut ataqatigiinnissaat pisariaqarpoq. Siusissukkut iliuuseqarnikkut pinaveersaartitsinerit pingaaruteqarput. Tamatumani iliuutsit meeqqap inunngorneraniit ulluni siullerni 1000-ni inuuneranut pingaarutilerujussuusarput.
Politikkikkut isumaqatigiinniarnerit ilisimatuussutsikkut innersuussutit aallaavigalugit ingerlanneqassapput, politikkikkullu ataatsimoorussamik suleriaqqinnissamut tunuliaqutsiissallutik. Naatsorsuutaavoq, partiit oqaloqatigiinnikkut isumaqatigiinniarnikkullu sinaakkutissatut siunnerfiusussap ukioq naatinnagu naammassineqarnissaa. Taassuma kingorna inatsisiliornissamut toqqammavissatut suliniutissat aallartisarneqassapput.
Siunertaq aaqqiigasuarnermik massakkuugallartumut pisariaqartitsinermut suliassaannaanngilaq, ungasissumulli attanneqarsinnaasumik ileqqunik allannguutaasussamut sinaakkutaassalluni. Tamanna politikkikkut ataavartumik, siammasissumik nunalu tamakkerlugu piginneqataaffiusumik, aammattaaq pissutsit ataqatigiinnerannik, akisussaaqatigiinneq, pitsaaliuineq meerartattalu, inuusuttortatta ilaqutariillu suliassaqarfinni tamaginni illersornissaannik suleqatigiinnissamut pisariaqartitsiffiussaaq – aamma siunissami inatsisiliornissamut suliaqarnermi.
Naalakkersuisut qilanaarput, partiineersut attaviitsorlu peqataaffigisaannik suleriaqqinnissamut aammattaaq Kalaallit Nunaanni ilorrisimaarnissamik nukittorsaasussamik, kiffaanngissuseqartitsisussamik toqqissisimatitsinerunissamillu suleqatigiinnissamut tunngaviusussamik inuiaqatigiinni soqutigisaqaqatigiinni suleqataasut peqatigalugit imigassaq aalakoornartulik pillugu tunngavissaqarluartumik siunissamullu ungasissumut attanneqarsinnaasumik politikkiliornissamut.
Paasisaqarnerorusukkaanni Peqqissutsimut inunnullu Innarluutilinnut Naalakkersuisoqarfik attavigineqarsinnaavoq. E-maili: pn@nanoq.gl, oqarasuaat +299 34 50 00.
Innersuussutit suliassaqarfiit akornanni siammasissumik suleqatigiittoqarneratigut pilersinneqarput, tamatumalu kommuninik innuttaasunillu peqataatitsinikkut qulakkeernissaa pingaartinneqarluinnarpoq.
Isumaqatigiissuteqarnissamuttaaq tunngatillugu isumaqatigiinniarnissanut aggersaanissat sioqqullugit, borgmesterit Politikkikkut Ataqatigiissaarisartoqatigiit ukiumoortumik ataatsimiinnerannut NAKUUSA-llu ataatsimeeqatigineranut atatillugu oqaloqatigineqarput. Aammattaaq Sulisitsisut, Brugseni aamma Pisiffik ataatsimeeqatigineqarput, taakkualu imigassamut aalakoornartulimmut tunngasuni isummersuuteqarlutillu tamatumani suliniutiminnik saqqummiussaqarput. Taamaammat tassa suleriaqqinnissamut ilisimasatigut misilittakkatigullu tunngavissaqarluarnissaq qulakkeerumallugu, isummersuutit pisariaqartitallu assigiinngitsut aallaqqaataaniilli tunngavigineqarput.
Partiineersut attaviitsullu peqataaffigisaannik politikkikkut isumaqatigiinniarnerit aallartinneranni siullertut naqissuserneqartoq tassaavoq, meeqqat inuusuttullu toqqissillutik peroriartornissaannut ilaqutariillu atugarissaarnissamut kiffaanngissuseqarnissamullu periarfissaqarnerunissaannut sinaakkutinik pitsaanerusunik inuiaqatigiittut pilersitsinissamut anguniakkatigut ataatsimoorfeqartut. Inuttut ataasiakkaatut kiffaanngissuseqarsinnaatitaanerup illersornissaa aammattaaq imigassap inuit imminerminnut qanigisaannullu kingunerluuteqarsinnaaqisumik iliuuseqarsinnaanerannik killiisuunissaata pinaveersaartinnissaa anguniarneqarpoq.
Ajornartorsiutit imigassamik aalakoornartulimmik aallaavillit inuit ataasiakkaat kisimik eqqorneqaatigineq ajorpaat, meeqqalli peroriartornerannut, ilaqutariittut atukkanut, innuttaasut peqqissusaannut inuillu imminnut tatigeqatigiinnissaannut aamma kalluaarujussuartarput. Kinguneri suliassaqarfiit akornanni kinguaariillu nikikkiartorneranni sunniuttarput, inuiaqatigiittullu ataatsimoornissamut toqqammavigisarput sunnerneqartarluni. Taamaammat suliniutit atajuartuusinnaaqqullugit, aammattaaq inuiaqatigiit aaqqiissutissanut piginneqataasutut misigisimasinnaaqqullugit nuna tamakkerlugu suliassaqarfiillu akornanni katsorsaanerit, pinaveersaartitsinerit, peqqissuunerulersitsiniarnerit, inatsisiliornerit isumaginninnikkullu suliniutit imminnut ataqatigiinnissaat pisariaqarpoq. Siusissukkut iliuuseqarnikkut pinaveersaartitsinerit pingaaruteqarput. Tamatumani iliuutsit meeqqap inunngorneraniit ulluni siullerni 1000-ni inuuneranut pingaarutilerujussuusarput.
Politikkikkut isumaqatigiinniarnerit ilisimatuussutsikkut innersuussutit aallaavigalugit ingerlanneqassapput, politikkikkullu ataatsimoorussamik suleriaqqinnissamut tunuliaqutsiissallutik. Naatsorsuutaavoq, partiit oqaloqatigiinnikkut isumaqatigiinniarnikkullu sinaakkutissatut siunnerfiusussap ukioq naatinnagu naammassineqarnissaa. Taassuma kingorna inatsisiliornissamut toqqammavissatut suliniutissat aallartisarneqassapput.
Siunertaq aaqqiigasuarnermik massakkuugallartumut pisariaqartitsinermut suliassaannaanngilaq, ungasissumulli attanneqarsinnaasumik ileqqunik allannguutaasussamut sinaakkutaassalluni. Tamanna politikkikkut ataavartumik, siammasissumik nunalu tamakkerlugu piginneqataaffiusumik, aammattaaq pissutsit ataqatigiinnerannik, akisussaaqatigiinneq, pitsaaliuineq meerartattalu, inuusuttortatta ilaqutariillu suliassaqarfinni tamaginni illersornissaannik suleqatigiinnissamut pisariaqartitsiffiussaaq – aamma siunissami inatsisiliornissamut suliaqarnermi.
Naalakkersuisut qilanaarput, partiineersut attaviitsorlu peqataaffigisaannik suleriaqqinnissamut aammattaaq Kalaallit Nunaanni ilorrisimaarnissamik nukittorsaasussamik, kiffaanngissuseqartitsisussamik toqqissisimatitsinerunissamillu suleqatigiinnissamut tunngaviusussamik inuiaqatigiinni soqutigisaqaqatigiinni suleqataasut peqatigalugit imigassaq aalakoornartulik pillugu tunngavissaqarluartumik siunissamullu ungasissumut attanneqarsinnaasumik politikkiliornissamut.
Paasisaqarnerorusukkaanni Peqqissutsimut inunnullu Innarluutilinnut Naalakkersuisoqarfik attavigineqarsinnaavoq. E-maili: pn@nanoq.gl, oqarasuaat +299 34 50 00.