Imarisassat tusarnaarlugit atuarlugitSiunissat periarfissaqarpoq – aamma inuuneq artornaraangat
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Podcasti nutaaq Atorfissaqartippatsigit inuusuttunut sammititaavoq, inuunermi unammilligassat, takorluukkat ingerlaqqinnissamullu sapiissuseq pillugit ammasumik oqaloqatigiiffiulluni.
Naalakkersuisut podcastinik videonillu nangeqattaartut aallakaatitassiat saqqummersippaat: Atorfissaqartippatsigit –piumassusiat, takorluugaat periarfissaallu pillugit. Kalaallit Nunaanni tv-kkut aallakaatitassianik aqutsisartut tusagassiortullu misilittagaqarluartut ilaat, Nûno Pedersen, aallakaatitassiamik aqutsisuulluni, avatangiisit toqqissisimanartut pilersinneqassapput, tassani inuunerminni ajornartorsiutinik qaangiillutik nalinginnaasumik ingerlariaatsimik allannguisimasut namminneq misigisimasaminnik oqaluttuartarlutik, unammilligassallu qaangerlugit qanoq ingerlariaqqinnertik pillugu ammasumik oqaluttuartarlutik. Immikkoortoq siulleq ulloq 21. oktobari 2026 saqqummersinneqassaaq.
Kalaallit Nunaanni inuusuttut amerlasuut ilinniagaqarnermut inersimasunngornermullu ikaarsaarnerminni inuttut ilungersuutinik sakkortuunik nalaataqartarput. Taamaattumik podcastiliap tunuliaqutaraa kissaatigineqarmat ilaatigut peroriartornermi atugassarititaasut ajornakusoortut, kinaassutsimik nalornissutit, atornerluineq aamma tarnikkut kingunerlutsitsinerit pillugit nipangiussisarnerit atorunnaarsinneqarnissaat.
Siunertaavoq inuusuttut sanngiinnerusut maligassiuilluartunik tigussaasunik saqqummiussivigineqarnissaat, aamma takutinnissaa ajornartorsiuterpassuit naak atuukkaluartut siunissaq toqqissisimanartoq pitsaasorlu pilersissallugu periarfissaasoq. Tamanna ilinniagaqarnissamut, ilaqutaqalernissamut pilluarnissamullu periarfissaqarluni pisinnaavoq, suminngaanneerneq apeqqutaatinnagu.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen ammasumik oqaloqatigiittarnissap inuiaqatigiillu ataatsimut tapersersuisariaqarnerata pingaaruteqarnera erseqqissarpaa:
”Inuusuttortavut kisimiittutut misigitinngisaannartariaqarpagut, ingammik inuunermi ajornartorsiuteqaraangata. Inuusuttut amerlasuut nalorninermik, atugarliornermik imaluunniit avatangiisinut naleqqukkunnaarnermik misigisaqarnerminnik nipaatsumik ilungersuutiginnittarput. Aallakaatitassiaq una aqqutigalugu inuusuttunut ikiuinissamik assatsinnik isaassissaagut, aamma ajornartorsiutit oqaluuserinissaannut ammasumik ilumoortumillu oqaloqatigiinnissamut inissaqartitsissaagut – isornartorsiuisoqarani imaluunniit assuarinnittoqarani. Neriuutigaarput aallakaatitassiaq inuusuttunut sapiissuseqarnermik, neriuuteqarnermik qularunnaarnermillu tunisisinnaassasoq, aamma paasitissinnaassallugit ingerlaqqinnissamut aqqutissaqartuaannartoq, ilinniagaqarnerlu ataatsimoornerlu periarfissanik nutaanik ammaassisinnaasut.”
”Podcasti inuusuttut namminneq tusarnaarnissaannut taamaallaat naatsorsuutaanngilaq. Kikkunnut tamanut – angajoqqaat, ilinniartitsisut, ikinngutit qanigisaasullu – tusarnaaqqullugit kajumissaarpagut. Amerlasuutigut inuusuttoq nalunngisarput ikiorneqarnissamik, pitsaasumik oqaloqatigineqarnissamik imaluunniit inuunermini alloriarnissaminut tapersersorneqarnissamik pisariaqartitsisoq.
Tusarnaaritsi, aallakaatitassiallu oqaloqatigiinnermut aallaaviutillugu atorlugu. Neriuutigaarputtaaq podcasti inunnut tusarnaarnerminit iluaqutigisinnaasorisatsinnut ingerlateqqissagaat,” Naalakkersuisoq Nivi Olsen nangilluni oqarpoq.
Annertunerusumik paasisaqarusukkuit saaffissaq:
Ilinniartitaanermut immikkoortortami pisortaq Trine Egede, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Toqqaannartoq: +299 34 57 21, E-mail: treg@nanoq.gl
Naalakkersuisut podcastinik videonillu nangeqattaartut aallakaatitassiat saqqummersippaat: Atorfissaqartippatsigit –piumassusiat, takorluugaat periarfissaallu pillugit. Kalaallit Nunaanni tv-kkut aallakaatitassianik aqutsisartut tusagassiortullu misilittagaqarluartut ilaat, Nûno Pedersen, aallakaatitassiamik aqutsisuulluni, avatangiisit toqqissisimanartut pilersinneqassapput, tassani inuunerminni ajornartorsiutinik qaangiillutik nalinginnaasumik ingerlariaatsimik allannguisimasut namminneq misigisimasaminnik oqaluttuartarlutik, unammilligassallu qaangerlugit qanoq ingerlariaqqinnertik pillugu ammasumik oqaluttuartarlutik. Immikkoortoq siulleq ulloq 21. oktobari 2026 saqqummersinneqassaaq.
Kalaallit Nunaanni inuusuttut amerlasuut ilinniagaqarnermut inersimasunngornermullu ikaarsaarnerminni inuttut ilungersuutinik sakkortuunik nalaataqartarput. Taamaattumik podcastiliap tunuliaqutaraa kissaatigineqarmat ilaatigut peroriartornermi atugassarititaasut ajornakusoortut, kinaassutsimik nalornissutit, atornerluineq aamma tarnikkut kingunerlutsitsinerit pillugit nipangiussisarnerit atorunnaarsinneqarnissaat.
Siunertaavoq inuusuttut sanngiinnerusut maligassiuilluartunik tigussaasunik saqqummiussivigineqarnissaat, aamma takutinnissaa ajornartorsiuterpassuit naak atuukkaluartut siunissaq toqqissisimanartoq pitsaasorlu pilersissallugu periarfissaasoq. Tamanna ilinniagaqarnissamut, ilaqutaqalernissamut pilluarnissamullu periarfissaqarluni pisinnaavoq, suminngaanneerneq apeqqutaatinnagu.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen ammasumik oqaloqatigiittarnissap inuiaqatigiillu ataatsimut tapersersuisariaqarnerata pingaaruteqarnera erseqqissarpaa:
”Inuusuttortavut kisimiittutut misigitinngisaannartariaqarpagut, ingammik inuunermi ajornartorsiuteqaraangata. Inuusuttut amerlasuut nalorninermik, atugarliornermik imaluunniit avatangiisinut naleqqukkunnaarnermik misigisaqarnerminnik nipaatsumik ilungersuutiginnittarput. Aallakaatitassiaq una aqqutigalugu inuusuttunut ikiuinissamik assatsinnik isaassissaagut, aamma ajornartorsiutit oqaluuserinissaannut ammasumik ilumoortumillu oqaloqatigiinnissamut inissaqartitsissaagut – isornartorsiuisoqarani imaluunniit assuarinnittoqarani. Neriuutigaarput aallakaatitassiaq inuusuttunut sapiissuseqarnermik, neriuuteqarnermik qularunnaarnermillu tunisisinnaassasoq, aamma paasitissinnaassallugit ingerlaqqinnissamut aqqutissaqartuaannartoq, ilinniagaqarnerlu ataatsimoornerlu periarfissanik nutaanik ammaassisinnaasut.”
”Podcasti inuusuttut namminneq tusarnaarnissaannut taamaallaat naatsorsuutaanngilaq. Kikkunnut tamanut – angajoqqaat, ilinniartitsisut, ikinngutit qanigisaasullu – tusarnaaqqullugit kajumissaarpagut. Amerlasuutigut inuusuttoq nalunngisarput ikiorneqarnissamik, pitsaasumik oqaloqatigineqarnissamik imaluunniit inuunermini alloriarnissaminut tapersersorneqarnissamik pisariaqartitsisoq.
Tusarnaaritsi, aallakaatitassiallu oqaloqatigiinnermut aallaaviutillugu atorlugu. Neriuutigaarputtaaq podcasti inunnut tusarnaarnerminit iluaqutigisinnaasorisatsinnut ingerlateqqissagaat,” Naalakkersuisoq Nivi Olsen nangilluni oqarpoq.
Annertunerusumik paasisaqarusukkuit saaffissaq:
Ilinniartitaanermut immikkoortortami pisortaq Trine Egede, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Toqqaannartoq: +299 34 57 21, E-mail: treg@nanoq.gl