Imarisassat tusarnaarlugit atuarlugitKalaallit Nunaat EU-lu aalisarnermi imaanilu aningaasarsiornermi suleqatigiipput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarnermut Imaanullu EU-kommissærip, Costas Kadisip, nunatsinni Aalisarnermut Piniarnermut Nunalerinermut Imminullu Pilersornermut Naalakkersuisoq, Peter Borg, 15.-16. oktober 2026-mi tikeraarpaa.
Aalisarneq pillugu suleqatigiinnissamik isumaqatigiissut tassanilu aalisarneq pillugu isumaqatigiissummut tapiliussaq, nunani tamalaani Kalaallit Nunaata EU-llu akornanni aalisarneq pillugu suleqatigiinneq kiisalu aalisarnermi imaanilu aningaasarsiornermi pingaarnersiukkat pillugit imminut ilisimatittarnissaq pillugit oqaloqatigiinnerit nangeqqinnissaat tikeraarnermi siunertaavoq. Tamanna EU-p, Danmarkip Kalaallillu Nunaata ataatsimoorussamik nalunaarutaanni anguniakkanik malitseqartitsineruvoq.
Tamatuma saniatigut Naalakkersuisup aalisarnermut suliassaqarfiup kalaallit aningaasaqarnerannut kalaallillu pisortaqarfiinut aalisarnernik aqutsisunut pingaaruteqassusaanik kommissær Kadisimut ilisimatitsinissaanut tamanna periarfissiilluarsimavoq. Tikeraarnermi Kalaallit Nunaanni Aalisarnermut Piniarnermullu Nakkutilliisoqarfik, EU-p killeqarfinnik nakkutilliivia, Pinngortitaleriffik, Ilisimatusarfimmi SILA uumassusililerinermi ilinniarfik aamma Royal Greenland pulaarneqarput.
Tikeraarnermut atatillugu Naalakkersuisoq Peter Borg ima inerniliivoq: “Aalisarneq Kalaallit Nunaata EU-llu akornanni suleqatigiinnerup ilagiuarsimavaa, Kalaallit Nunaat 1985-imili EU-mit animmat aalisarneq pillugu isumaqatigiissuteqarfigisimallutigu. Aammali nunani tamalaani oqallittarfinni arlalinni aalisarneq pillugu EU suleqatigaarput EU-lu kalaallit aalisakkanik qalerualinnillu tunisassiaannut niuerfiuvoq pingaarutilik. Imaani aningaasarsiorneq Ataatsimoorussamik nalunaarummi ukioq manna siusinnerusukkut atsiorneqartumi ataatsimoorussamik anguniakkanut ilaavoq. Taamaattumik EU Kommissæri Kadis Kalaallit Nunaannut tikilluaqqusinnaagakku aalisarnerullu Kalaallit Nunaannut kalaallillu aningaasaqarnerannut qanoq pingaaruteqartiginersoq takutissinnaagakku nuannaarutigaara. Kalaallit Nunaata EU-llu akornanni aalisarneq pillugu suleqatigiinneq piffissap ingerlanerani ineriartorsimavoq, suleqatigiinnerullu Kalaallit Nunaata ineriartorneranut naleqqussaannarnissaa pingaaruteqarpoq. Taamaattumik akornitsinni oqaloqatigiinnerup nanginnera uatsinnut aamma naleqarluinnartuuvoq, suleqatimalu europamiup tikeraarnerani siunertaqarluartumik oqaloqatigisinnaagakku nuannaarutigaara."
Kommissær Kadis oqarpoq: “EU aamma Kalaallit Nunaat aalisarnerup piujuartitsisumik aqunnissaanut imaanilu aningaasarsiornerup ineriartorluarnissaanut ataatsimoorussamik sakkortuumik pisussaaffeqarput. Tikeraarnera oqaloqatigiinnitta pitsanngorsarnissaanut, aalisarneq pillugu suleqatigiinnitta pitsanngorsarnissaanut suleqatigiinnissamullu periarfissanik nutaanik nassaarnissamut periarfissiisimavoq. EU-p, Danmarkip Kalaallillu Nunaata akornanni ataatsimoorussamik nalunaarut aallaavigalugu ataatsimut pingaarnersiukkavut iliuutsinut piviusunngortissavagut suleqatigiinnitsigut piujuartitsisumik aalisarneq, aningaasatigut periarfissat siunissamullu najukkatsinni inuiaqatigiinnut iluaqutissat qulakkeerneqarniassammata."
Annertunerusumik paasisaqarusuttut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut ugguuna saaffiginnissinnaapput; apn@nanoq.gl
Aalisarneq pillugu suleqatigiinnissamik isumaqatigiissut tassanilu aalisarneq pillugu isumaqatigiissummut tapiliussaq, nunani tamalaani Kalaallit Nunaata EU-llu akornanni aalisarneq pillugu suleqatigiinneq kiisalu aalisarnermi imaanilu aningaasarsiornermi pingaarnersiukkat pillugit imminut ilisimatittarnissaq pillugit oqaloqatigiinnerit nangeqqinnissaat tikeraarnermi siunertaavoq. Tamanna EU-p, Danmarkip Kalaallillu Nunaata ataatsimoorussamik nalunaarutaanni anguniakkanik malitseqartitsineruvoq.
Tamatuma saniatigut Naalakkersuisup aalisarnermut suliassaqarfiup kalaallit aningaasaqarnerannut kalaallillu pisortaqarfiinut aalisarnernik aqutsisunut pingaaruteqassusaanik kommissær Kadisimut ilisimatitsinissaanut tamanna periarfissiilluarsimavoq. Tikeraarnermi Kalaallit Nunaanni Aalisarnermut Piniarnermullu Nakkutilliisoqarfik, EU-p killeqarfinnik nakkutilliivia, Pinngortitaleriffik, Ilisimatusarfimmi SILA uumassusililerinermi ilinniarfik aamma Royal Greenland pulaarneqarput.
Tikeraarnermut atatillugu Naalakkersuisoq Peter Borg ima inerniliivoq: “Aalisarneq Kalaallit Nunaata EU-llu akornanni suleqatigiinnerup ilagiuarsimavaa, Kalaallit Nunaat 1985-imili EU-mit animmat aalisarneq pillugu isumaqatigiissuteqarfigisimallutigu. Aammali nunani tamalaani oqallittarfinni arlalinni aalisarneq pillugu EU suleqatigaarput EU-lu kalaallit aalisakkanik qalerualinnillu tunisassiaannut niuerfiuvoq pingaarutilik. Imaani aningaasarsiorneq Ataatsimoorussamik nalunaarummi ukioq manna siusinnerusukkut atsiorneqartumi ataatsimoorussamik anguniakkanut ilaavoq. Taamaattumik EU Kommissæri Kadis Kalaallit Nunaannut tikilluaqqusinnaagakku aalisarnerullu Kalaallit Nunaannut kalaallillu aningaasaqarnerannut qanoq pingaaruteqartiginersoq takutissinnaagakku nuannaarutigaara. Kalaallit Nunaata EU-llu akornanni aalisarneq pillugu suleqatigiinneq piffissap ingerlanerani ineriartorsimavoq, suleqatigiinnerullu Kalaallit Nunaata ineriartorneranut naleqqussaannarnissaa pingaaruteqarpoq. Taamaattumik akornitsinni oqaloqatigiinnerup nanginnera uatsinnut aamma naleqarluinnartuuvoq, suleqatimalu europamiup tikeraarnerani siunertaqarluartumik oqaloqatigisinnaagakku nuannaarutigaara."
Kommissær Kadis oqarpoq: “EU aamma Kalaallit Nunaat aalisarnerup piujuartitsisumik aqunnissaanut imaanilu aningaasarsiornerup ineriartorluarnissaanut ataatsimoorussamik sakkortuumik pisussaaffeqarput. Tikeraarnera oqaloqatigiinnitta pitsanngorsarnissaanut, aalisarneq pillugu suleqatigiinnitta pitsanngorsarnissaanut suleqatigiinnissamullu periarfissanik nutaanik nassaarnissamut periarfissiisimavoq. EU-p, Danmarkip Kalaallillu Nunaata akornanni ataatsimoorussamik nalunaarut aallaavigalugu ataatsimut pingaarnersiukkavut iliuutsinut piviusunngortissavagut suleqatigiinnitsigut piujuartitsisumik aalisarneq, aningaasatigut periarfissat siunissamullu najukkatsinni inuiaqatigiinnut iluaqutissat qulakkeerneqarniassammata."
Annertunerusumik paasisaqarusuttut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut ugguuna saaffiginnissinnaapput; apn@nanoq.gl