Imarisassat tusarnaarlugit atuarlugitMaritha Broberg napparsimanini pillugu sulinngiffeqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq Maritha Broberg napparsimanini pissutigalugu sulinngiffeqarnissamik kissaataa Naalakkersuisut Siulittaasuannit Jens-Frederik Nielsenimit akuerineqarpoq.
Sulinngiffeqarneq sapaatip-akunnerini pingasuni atuutissasoq naatsorsuutigineqarpoq.
Piffissami tassani akisussaaffii imatut agguataarneqassapput:
Isumaginninnermut tunngasut Aningaasaqarnermut Naalakkersuisumit Aqqaluaq B. Egedemit akisussaaffigineqassapput.
Suliffeqarnermut Ilaqutariinnut Nunamullu Namminermut tunngasut Ilinniartitaanermut, Kultureqarnermut, Timersornermut Ilageeqarnermullu Naalakkersuisumit Nivi Olsenimit akisussaaffigineqassapput.