Imarisassat tusarnaarlugit atuarlugitInatsisit atuutsinneqarnerannut suliassaqarfimmut Naalakkersuisut 2026-imut anguniagassatut takorluugaat pingaarnersiuinerallu tamanut saqqummiunneqarpoq
Nassiussisuuvoq: Meeqqanut, Inuusuttunut Inatsisinut Atuutsinneqarnerannut Naligiissitaanermullu Naalakkersuisoqarfik
Inatsisit atuutsinneqarnerannut suliassaqarfimmut aamma suliniutinut taakkununnga, innuttaasut inatsisitigut naapertuilluartoqarneranik misigisimanerannik, inatsisitigut isumannaatsuunerannik aamma toqqissisimanerannik qaffassaanermi tapersiisussanik ataavartumik ukkassinerup attatiinnarneqarnissaa Naalakkersuisut pingaartippaat. Tamanna tunngavigalugu inatsisit atuutsinneqarnerannut suliassaqarfimmut Naalakkersuisut 2022-imut anguniagassatut takorluugaat pingaarnersiuinerallu 2022-imi marsimi saqqummiunneqarpoq.
Ullumikkut inatsisit atuutsinneqarnerannut suliassaqarfimmut Naalakkersuisut 2026-imut anguniagassatut takorluugaat pingaarnersiuinerallu tamanut saqqummiunneqarpoq. Naalakkersuisut suliassaqarfimmut takorluugaasa eqqortinneqarnissaat siunertaralugu suliniutit naammassineqarsimasut aamma aallartinneqarsimasut pillugit nutarterinernik nalunaarusiaq imaqarpoq.
”2022-ip kingorna inatsisit atuutsinneqarnerannut suliassaqarfimmi pisoqarsimasorujussuuvoq. Suliniutit pingaarnertut suliarineqartussatut salliunneqarsimasut arlallit naammassineqarsimapput, aamma nutaat takkussimapput. Naapertuilluartoqarneranik misigisimaneq, tatiginninneq, inatsisitigut isumannaatsuuneq aamma kingumut innuttaasutut inooqataasinnaalersitseqqinneq immikkut ukkataralugit inatsisit atuutsinneqarnerannut suliassaqarfiup suli patajaallisarneqarnissaanut sammivissap inissinnissaa akisussaaffigilersimagakku nuannaarutigaara. Tassunga atatillugu aamma pinerluttulerineq pillugu inatsiseqartitsinerup tigunissaanut immikkut ilisimasallit eqimattaanit, piffissami qaninnerpaami suliaminnik aallartitsisussanit, innersuussutit tigunissaat qilanaaraara” Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Naalakkersuisut 2026-imut anguniagassatut takorluugaat pingaarnersiuinerallu uani atuarneqarsinnaavoq.
Paasisaqarnerorusukkuit Naalakkersuisoqarfik e-mailikkut ugguuna attavigiuk: MIIN@nanoq.gl
Ullumikkut inatsisit atuutsinneqarnerannut suliassaqarfimmut Naalakkersuisut 2026-imut anguniagassatut takorluugaat pingaarnersiuinerallu tamanut saqqummiunneqarpoq. Naalakkersuisut suliassaqarfimmut takorluugaasa eqqortinneqarnissaat siunertaralugu suliniutit naammassineqarsimasut aamma aallartinneqarsimasut pillugit nutarterinernik nalunaarusiaq imaqarpoq.
”2022-ip kingorna inatsisit atuutsinneqarnerannut suliassaqarfimmi pisoqarsimasorujussuuvoq. Suliniutit pingaarnertut suliarineqartussatut salliunneqarsimasut arlallit naammassineqarsimapput, aamma nutaat takkussimapput. Naapertuilluartoqarneranik misigisimaneq, tatiginninneq, inatsisitigut isumannaatsuuneq aamma kingumut innuttaasutut inooqataasinnaalersitseqqinneq immikkut ukkataralugit inatsisit atuutsinneqarnerannut suliassaqarfiup suli patajaallisarneqarnissaanut sammivissap inissinnissaa akisussaaffigilersimagakku nuannaarutigaara. Tassunga atatillugu aamma pinerluttulerineq pillugu inatsiseqartitsinerup tigunissaanut immikkut ilisimasallit eqimattaanit, piffissami qaninnerpaami suliaminnik aallartitsisussanit, innersuussutit tigunissaat qilanaaraara” Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Naalakkersuisut 2026-imut anguniagassatut takorluugaat pingaarnersiuinerallu uani atuarneqarsinnaavoq.
Paasisaqarnerorusukkuit Naalakkersuisoqarfik e-mailikkut ugguuna attavigiuk: MIIN@nanoq.gl