Imarisassat tusarnaarlugit atuarlugitAttaveqaqatigiinnermut pisortaq nutaaq
Nassiussisuuvoq: Naalakkersuisut Siulittaasuata Naalakkersuisoqarfia
Irene Jeppson Namminersorlutik Oqartussanut uteqqippoq, novemberip aallaqqaataanit Naalakkersuisut Siulittaasuata Naalakkersuisoqarfiani attaveqaqatigiinnermut pisortatut sulilissalluni.
Irene Jeppson suleqatigalugu Namminersorlutik Oqartussat misilittagaqarluartumik attaveqaqatigiinnermut pisortaqalissapput aaqqissuussaanermik suliamillu siornatigut suliarisimasaminik ilisimaarinnilluartumik. Taanna aamma isiginnittariaatsinik nutaanik misilittakkanillu nassataqarpoq, taakkulu Namminersorlutik Oqartussani attaveqaqatigiittarnermi suli ineriartortitsisinnaapput.
Naalakkersuisoqarfimmi pisortaq, Hans-Peder Barlach Christensen:
- Irene Jeppson uteqqimmat nuannaarutigaarput. Namminersorlutik Oqartussat nalunngilluareerpai aaqqissuussaaneq kiisalu attaveqaqatigiinnermut suliassani ilisimalluarlugit. Taamaalilluni piaartumik suliaminik aallartitsisinnaavoq kiisalu attaveqaqatigiittarnermik suliamik inerisaaqataasinnaalluni.
Irene Jeppson:
- Maannga uternera nuannaarutigeqaara, ilisimalluarakku uummateqarfigalugulu. Namminersorlutik Oqartussani sulisut pikkorissut qanimut suleqatigeqqilernissaat kiisalu aaqqissuussami attaveqaqatigiittarnermik ineriartortitseqqinnissaq qilanaaraakka.
Erseqqinnerusumik paasisaqarusuttut naalakkersuisoqarfimmi pisortaq Hans-Peder Barlach Christensen oqarasuaat 345000.