Imarisassat tusarnaarlugit atuarlugitAqutsiveqarfinni Avannaani inuussutissarsiutigalugu kapisilinniartut kapisilinniarunnaassapput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Kalaallit Nunaanni Aalisarnermut Piniarnermullu Nakkutilliisoqarfik nalunaaruteqarpoq aqutsiveqarfik Avannaani inuussutissarsiutigalugu aalisartunut kapisilinniarneq unitsinneqarpoq.
Kapisilinnut qassutit tamarmik aqutsiveqarfimmi pineqartumi kingusinnerpaamik oktoberip qulingiluaani qaqinneqariissapput.
KANUAPNAp aalisartut aalisareertillutik pisatik piaarnerpaamik nalunaarutigisagaat aammaarluni kaammattuutigaa. Erseqqissaatigineqassaaq akuersissuteqartoq aalisariarsimanngikkaluaruni pisaqarsimanngikkaluarluniluunniit aamma nalunaaruteqartussaammat. Taamaammat kingusinnerpaamik oktobarip 23-ini 2026-mi nalunaaruteqartoqassaaq. Kingusinnerpaamik oktobarip 23-ini 2026-mi nalunaaruteqartoqanngippat, 2027-mi kapisilinniarsinnaanermut akuersissummik pisoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi imaluunniit gfjk@nanoq.gl -imut “Kapisilittatit nalunaarutigikkit” atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarnermut Piniarnermullu Nakkutilliisoqarfik oqarasuaat 34 50 00 imaluunniit e-mail gfjk@nanoq.gl