Imarisassat tusarnaarlugit atuarlugitAkisuanerit Festivalip ingerlanerani meeqqat toqqissisimanissaat tamatta akisussaaffigaarput
Weekendimi Akisuanerit Festivalertoqarnerani inuit amerlasuut katersuuttarput, meeqqat inuusuttullu toqqissisimanartunik avatangiiseqarnissaat tamatta akisussaaqataaffigaarput.
Nassiussisuuvoq: Meeqqanut, Inuusuttunut Inatsisinut Atuutsinneqarnerannut Naligiissitaanermullu Naalakkersuisoqarfik
Weekendimi innuttaasut amerlasuut Akisuanerit Festivalimut peqataassapput. Tamatumunnga atatillugu festivalip ingerlanerani meeqqat inuusuttullu toqqissisimaannarnissaat isumassorneqarnissaallu qulakkiissallugit tamatta ataatsimoorussamik akisussaaffeqarpugut. Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen kaammattuivoq Nunatsinni meeqqanut inuusuttunullu ataatsimoorussamik akisussaaffeqarnerput tamatta eqqaamassagipput.
“Festivali tamanut nuannersumik misigisaqarfiussasoq neriuutigaara. Peqatigisaanik ilaqutariit innuttaasullu kaammattorusuppakka periarfissaq manna atorluarlugu isumassuinermik akisussaassuseqarnermillu takutitsissasut, taamaalilluni meeqqat inuusuttullu weekendi tamaat toqqissisimanartunik sinaakkuteqartuarsinnaaqqullugit”, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Festivali inuppassuarnut ataatsimoornissamut nuannersunillu misigisaqarnissamut periarfissaavoq. Peqatigisaanik pingaaruteqarpoq weekendimi meeqqat paarilluarneqarnissaat, inersimasullu meeqqanut toqqissisimanartunik patajaatsunillu sinaakkutissanik pilersitsinissaminnut akisussaaffimminnik eqqaamanninnissaat.
“Weekendi festivalerfiusoq ataatsimoorluta nuannersuutitsigu, ataatsimoorneq, akisussaassuseqarneq isumassuinerlu ataqatigiissillugit”, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Attavissaq
Sukumiisumik paasisaqarusukkuit Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik e-mailikkut miin@nanoq.gl imaluunniit oqarasuaatikkut: +299 34 50 00 attavigiuk.
“Festivali tamanut nuannersumik misigisaqarfiussasoq neriuutigaara. Peqatigisaanik ilaqutariit innuttaasullu kaammattorusuppakka periarfissaq manna atorluarlugu isumassuinermik akisussaassuseqarnermillu takutitsissasut, taamaalilluni meeqqat inuusuttullu weekendi tamaat toqqissisimanartunik sinaakkuteqartuarsinnaaqqullugit”, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Festivali inuppassuarnut ataatsimoornissamut nuannersunillu misigisaqarnissamut periarfissaavoq. Peqatigisaanik pingaaruteqarpoq weekendimi meeqqat paarilluarneqarnissaat, inersimasullu meeqqanut toqqissisimanartunik patajaatsunillu sinaakkutissanik pilersitsinissaminnut akisussaaffimminnik eqqaamanninnissaat.
“Weekendi festivalerfiusoq ataatsimoorluta nuannersuutitsigu, ataatsimoorneq, akisussaassuseqarneq isumassuinerlu ataqatigiissillugit”, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen oqarpoq.
Attavissaq
Sukumiisumik paasisaqarusukkuit Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik e-mailikkut miin@nanoq.gl imaluunniit oqarasuaatikkut: +299 34 50 00 attavigiuk.