Imarisassat tusarnaarlugit atuarlugitEU-mi immikkut ilisimasallit Kalaallit Nunaanni inuinnarnut upalungaarsimaneq pillugu paasisassarsiornerat Kalaallit Nunaata, Danmarkip aamma EU-p akornanni suleqatigiinnermik nukittorsaaqataassaaq
Nassiussisuuvoq: Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoqarfik
Kalaallit Nunaanniit Danmarkimiillu qinnuteqartoqarnerata kingunerisaanik EU-mi immikkut ittumik ilisimasallit paasisassarsiornermik, Kalaallit Nunaanni inuinnarnut upalungaarsimanerup qanoq iliorluni nukittorsarneqarsinnaanera pillugu Kalaallit Nunaata, Danmarkip EU-llu akornanni oqallinnissamut tunngavissanik nukittortitsisussamik aallartitsipput.
Septembarip 21-ani EU-mi immikkut ittumik ilisimasallit paasisassarsiornerat, Kalaallit Nunaanni pinaveersaartitsinissaq isumannaatsuunissarlu pillugit suleqatigiinnermik nukittortitsinissamut periarfissanik aallussiffiusussaq aallartippoq. Kalaallit Nunaanni upalungaarsimaneq tamakkiisumik isigalugu paasisaqarfiginiarlugu, Immikkut ittumik ilisimasallit ilaatigut Kalaallit Nunaanni upalungaarsimanermik suliallit attuumassutillit naapissavaat, tamannalu tunngavigalugu nalunaarusiamik, Kalaallit Nunaanni inuinnarnut upalungaarsimanerup qanoq iliorluni nukittunerulersinnaanera pillugu Kalaallit Nunaata, Danmarkip aamma EU-p akornanni tunngavissatut atorneqarsinnaasumik suliaqassalluni. Danskit tungaanniit suliniutissat, nalunaarusiami tikkuarneqarumaartussat, aammalu Namminersorlutik Oqartussanit ingerlateqqitassatut kissaatigineqarumaartussat ikorfatorneqarnissaat piareersimaffigineqarpoq.
Naalakkersuisut aamma danskit naalakkersuisuisa EU-mi Ataatsimiititaliarsuaq qinnuigaat, EU-mi inuinnarnik illersuinermi suleriaatsit iluanni EU-mi immikkut ilisimasallit paasisassarsiornerannik, EU-mi pinaveersaartitsinermi annertunerusunillu ajunaarnersuaqartillugu inuinnaat ikiorserneqarnissaannut tapersiiffiusunik ataqatigiissaariffiusussanillu aallartitseqqullugu. EU-mi immikkut ilisimasallit paasisassarsiorneranni aamma suliniutissat, EU-mi Ataatsimiititaliarsuup tapersiinernik malitseqartiffigisinnaasaasa saqqummiunneqarnissaat naatsorsuutigineqarpoq.
Danskit kalaallillu oqartussaasui inuinnarnut upalungaarsimaneq pillugu suleqatigeereerput. Tamatuma saniatigut upalungaarsimaneq pillugu suleqatigiit pingasuusut akornanni suleqatigiinnerup nukittorsarneqarnissaa annertusarneqarnissaalu EU-p, Kalaallit Nunaata aamma Danmarkip akornanni ataatsimut annertuumik kissaatigineqarpoq.
Paasisassarsiorneq statsministerip aamma EU-mi Ataatsimiititaliarsuup siulittaasuata ukioq manna 6. aamma 7. septembarimi Kalaallit Nunaannut tikeraarnerannut atatillugu EU-p Kalaallit Nunaata aamma Danmarkip ataatsimoorlutik nalunaarummut atsiornerannut nangissutitut aallartinneqarpoq.
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq Iddimanngiiu Jensen Bianco oqarpoq:
”Upalungaarsimaneq nukittooq Kalaallit Nunaannut kalaallillu toqqissisimanissaannut aalajangiisuuvoq. Nunami isorartoorsuarmi aammalu nuna silalu eqqarsaatigalugit immikkut unammillernartulimmi inuuvugut. Taamaattumik upalungaarsimanerput nukittorsartuartariaqarparput ineriartortittuartariaqarlugulu. EU nammaqatiginnikkumalluni suliassanilu taakkunani kivitseqataaniarlunilu uagutsinnik suleqateqarnissamik kissaateqarluni takutitsimmat nuannaarutigisorujussuuara. Nunanit tamalaaneersut isummat misilittakkallu ilaatinneqartussanngormata, taamaalillutalu sumi qanorlu iliorluta suliniutitsinnik pitsanngorsaasinnaanerput takusinnaalissagatsigu nalitoorujussuuvoq. EU-mit paasisassarsiornermi innersuussutinik, siunissami unammilligassatta isumaginissaannut aqqutissiuisinnaasunik pitsaanerusumillu piareersarsinnaanissatsinnik – Kalaallit Nunaat tamakkerlugu iluaqutigineqarsinnaasunik – tigusaqarnissamut qilanaarpunga.”
Commissioner for Preparedness, Crisis Management and Equality, Hadja Lahbib, says:
“In the Arctic, vast distances and extreme conditions can turn an emergency into a crisis very quickly. Together with Greenland and Denmark, we are deepening our cooperation on civil preparedness and resilience. This mission is about building on Greenland’s experience, bringing our expertise together, and learning from one another how we can further enhance preparedness. We cannot choose when the next crisis will occur, but we can choose how prepared we are.”
Inuiaqatigiinni isumannaassutsimut upalungaarsimanermullu ministeri Lisbeth Bech-Nielsen oqarpoq:
”Kalaallit Nunaat, pingaartumik silap pissusiata allanngornerisa pinngortitami ajunaarnersuit akulikinnerunerannik kinguneqartut peqqutigalugit, inuinnarnut upalungaarsimanermi arlalitsigut unammilligassaqarpoq. Naalagaaffeqatigiinnerup iluani innuttaasut tamarmik – sumiluunniit najugaqaraluarunik – toqqissisimanissaat pingaaruteqarpoq. Matumani suliassaq pisariusoq pineqarpoq. Kalaallit Nunaat Danmarkillu akornanni suleqatigiinneq pitsaasoq tatiginneqatigiiffiusorlu aalajangiisuuvoq. Kisianni aamma ikinngutitta suleqatittalu akunnitsinni suleqatigiinnerup nukittorsarneqarnissaa aalajangiisuuvoq. Taamaattumik aamma danskit tungaanniit EU-p aamma Kalaallit Nunaata akornanni upalungaarsimanermi inuiaqatigiillu isumannaassusianni suleqatigiinnermut sapinngisatsinnik tapersersuinissarput pingaaruteqarpoq. EU-miit paasisassarsiorneq manna inuinnarnut upalungaarsimaneq ajornartoornernillu aqutsinerit pillugit Kalaallit Nunaata, Danmarkip aamma EU-p akornanni suleqatigiinnerup annertunerulerneranut qaninnerulerneranullu assersuutissaavoq.”
Paasisassarsiornermi suleqatigiit Kalaallit Nunaanni Nuummut, Uummannamut, Sisimiunut, Ilulissanut aamma Kangerlussuarmut tikeraassapput.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik box909@nanoq.gl aqqutigalugu attaveqarfigineqassaaq.
Septembarip 21-ani EU-mi immikkut ittumik ilisimasallit paasisassarsiornerat, Kalaallit Nunaanni pinaveersaartitsinissaq isumannaatsuunissarlu pillugit suleqatigiinnermik nukittortitsinissamut periarfissanik aallussiffiusussaq aallartippoq. Kalaallit Nunaanni upalungaarsimaneq tamakkiisumik isigalugu paasisaqarfiginiarlugu, Immikkut ittumik ilisimasallit ilaatigut Kalaallit Nunaanni upalungaarsimanermik suliallit attuumassutillit naapissavaat, tamannalu tunngavigalugu nalunaarusiamik, Kalaallit Nunaanni inuinnarnut upalungaarsimanerup qanoq iliorluni nukittunerulersinnaanera pillugu Kalaallit Nunaata, Danmarkip aamma EU-p akornanni tunngavissatut atorneqarsinnaasumik suliaqassalluni. Danskit tungaanniit suliniutissat, nalunaarusiami tikkuarneqarumaartussat, aammalu Namminersorlutik Oqartussanit ingerlateqqitassatut kissaatigineqarumaartussat ikorfatorneqarnissaat piareersimaffigineqarpoq.
Naalakkersuisut aamma danskit naalakkersuisuisa EU-mi Ataatsimiititaliarsuaq qinnuigaat, EU-mi inuinnarnik illersuinermi suleriaatsit iluanni EU-mi immikkut ilisimasallit paasisassarsiornerannik, EU-mi pinaveersaartitsinermi annertunerusunillu ajunaarnersuaqartillugu inuinnaat ikiorserneqarnissaannut tapersiiffiusunik ataqatigiissaariffiusussanillu aallartitseqqullugu. EU-mi immikkut ilisimasallit paasisassarsiorneranni aamma suliniutissat, EU-mi Ataatsimiititaliarsuup tapersiinernik malitseqartiffigisinnaasaasa saqqummiunneqarnissaat naatsorsuutigineqarpoq.
Danskit kalaallillu oqartussaasui inuinnarnut upalungaarsimaneq pillugu suleqatigeereerput. Tamatuma saniatigut upalungaarsimaneq pillugu suleqatigiit pingasuusut akornanni suleqatigiinnerup nukittorsarneqarnissaa annertusarneqarnissaalu EU-p, Kalaallit Nunaata aamma Danmarkip akornanni ataatsimut annertuumik kissaatigineqarpoq.
Paasisassarsiorneq statsministerip aamma EU-mi Ataatsimiititaliarsuup siulittaasuata ukioq manna 6. aamma 7. septembarimi Kalaallit Nunaannut tikeraarnerannut atatillugu EU-p Kalaallit Nunaata aamma Danmarkip ataatsimoorlutik nalunaarummut atsiornerannut nangissutitut aallartinneqarpoq.
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq Iddimanngiiu Jensen Bianco oqarpoq:
”Upalungaarsimaneq nukittooq Kalaallit Nunaannut kalaallillu toqqissisimanissaannut aalajangiisuuvoq. Nunami isorartoorsuarmi aammalu nuna silalu eqqarsaatigalugit immikkut unammillernartulimmi inuuvugut. Taamaattumik upalungaarsimanerput nukittorsartuartariaqarparput ineriartortittuartariaqarlugulu. EU nammaqatiginnikkumalluni suliassanilu taakkunani kivitseqataaniarlunilu uagutsinnik suleqateqarnissamik kissaateqarluni takutitsimmat nuannaarutigisorujussuuara. Nunanit tamalaaneersut isummat misilittakkallu ilaatinneqartussanngormata, taamaalillutalu sumi qanorlu iliorluta suliniutitsinnik pitsanngorsaasinnaanerput takusinnaalissagatsigu nalitoorujussuuvoq. EU-mit paasisassarsiornermi innersuussutinik, siunissami unammilligassatta isumaginissaannut aqqutissiuisinnaasunik pitsaanerusumillu piareersarsinnaanissatsinnik – Kalaallit Nunaat tamakkerlugu iluaqutigineqarsinnaasunik – tigusaqarnissamut qilanaarpunga.”
Commissioner for Preparedness, Crisis Management and Equality, Hadja Lahbib, says:
“In the Arctic, vast distances and extreme conditions can turn an emergency into a crisis very quickly. Together with Greenland and Denmark, we are deepening our cooperation on civil preparedness and resilience. This mission is about building on Greenland’s experience, bringing our expertise together, and learning from one another how we can further enhance preparedness. We cannot choose when the next crisis will occur, but we can choose how prepared we are.”
Inuiaqatigiinni isumannaassutsimut upalungaarsimanermullu ministeri Lisbeth Bech-Nielsen oqarpoq:
”Kalaallit Nunaat, pingaartumik silap pissusiata allanngornerisa pinngortitami ajunaarnersuit akulikinnerunerannik kinguneqartut peqqutigalugit, inuinnarnut upalungaarsimanermi arlalitsigut unammilligassaqarpoq. Naalagaaffeqatigiinnerup iluani innuttaasut tamarmik – sumiluunniit najugaqaraluarunik – toqqissisimanissaat pingaaruteqarpoq. Matumani suliassaq pisariusoq pineqarpoq. Kalaallit Nunaat Danmarkillu akornanni suleqatigiinneq pitsaasoq tatiginneqatigiiffiusorlu aalajangiisuuvoq. Kisianni aamma ikinngutitta suleqatittalu akunnitsinni suleqatigiinnerup nukittorsarneqarnissaa aalajangiisuuvoq. Taamaattumik aamma danskit tungaanniit EU-p aamma Kalaallit Nunaata akornanni upalungaarsimanermi inuiaqatigiillu isumannaassusianni suleqatigiinnermut sapinngisatsinnik tapersersuinissarput pingaaruteqarpoq. EU-miit paasisassarsiorneq manna inuinnarnut upalungaarsimaneq ajornartoornernillu aqutsinerit pillugit Kalaallit Nunaata, Danmarkip aamma EU-p akornanni suleqatigiinnerup annertunerulerneranut qaninnerulerneranullu assersuutissaavoq.”
Paasisassarsiornermi suleqatigiit Kalaallit Nunaanni Nuummut, Uummannamut, Sisimiunut, Ilulissanut aamma Kangerlussuarmut tikeraassapput.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik box909@nanoq.gl aqqutigalugu attaveqarfigineqassaaq.