Imarisassat tusarnaarlugit atuarlugitAalisakkanik atorluaanerunissamik kalaallillu Ocean Clusterimik pilersitsisinnaanissaanik periarfissarsiornissami Aalisarnermut, Piniarnermut, Nunalerinermut Imminullu Pilersornissamut Naalakkersuisoqarfiup Iceland Ocean Clusterillu akornanni suleqatigiinnissamik isumaqatigiissuteqartoqarpoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarnermut, Piniarnermut, Nunalerinermut Imminullu Pilersornissamut Naalakkersuisoqarfik, Islandimi kattuffimmik Iceland Ocean Clusterimik suleqateqarnissamik 2026-p aasaanerani allaffissornikkut isumaqatigiissuteqarpoq. Imaani aningaasarsiorneq eqqarsaatigalugu nunatsinni Greenland Ocean Clusterimik suliffeqarfinnit, ilisimatuunit, aallarnisaasunit, peqatigiiffinnit soqutiginnittunillu peqataaffigineqartussamik pilersitsisinnaanissamut periarfissanik ataatsimoorluni suleqatigiilluni misissuisoqarnissaa siunertarineqarpoq.
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup Iceland Ocean Cluster suleqatigalugu inuussutissarsiortut Greenland Ocean Cluster-imik pilersitsisinnaanissaanut sinaakkutissat pisariaqartinneqartut pilersinneqassapput.
Greenland Ocean Clusterip pilersinnissaanut sulineq nunatta aalisakkanit isertitarisartagai annertusarniarlugit aalisakkanit tunisassiat atorluarneqarnerusinnaanerisa misissuiffigineqarnissaanik Naalakkersuisut kissaataanik aallaaveqarpoq. Tamanna Iceland Ocean Clusterip periuseq iluatsilluartoq 100 % Fish aallaavigalugu ingerlanneqassaaq. Periuseq taanna Islandimi aalisakkanik tunisassiornerup sunniuteqarluarnerulersinnissaanut Islandimilu inuussutissarsiortunut inuiaqatigiinnullu naleqarnerulersitsinissamut iluaqutaasimavoq.
Suleqatigiinneq tamanna aqqutigalugu aamma sulissutigineqassaaq aalisakkap sapinngisamik annertunerpaamik atorluarneqarneratigut, Kalaallit Nunaata aalisakkanik tunisassianik maanna atorneqanngitsunik imminut pilersornerulernissaa. Tassunga ilaapput aalisakkanik tunisassiat nerisassatut atorneqartussat, maannakkut nunamut eqqussorneqartartut, kiisalu nutaaliorluni aaqqiissutissanik misissuinissaq, soorlu aalisakkat perlukuinik nerisassiassanik tunisassiornermut atorluaanissaq, assersuutigalugu taakku Kujataani nunalerinermi nerukkaatissatut atorneqarsinnaallutik.
Greenland Ocean Clusterili pilersinneqassappat, aalisakkerinermik ingerlatsisut, assartuisartut, pisortat oqartussaasut, aallarnisaasartut il.il. suleqatigiittariaqassapput. Naalakkersuisoq, Peter Borg, tassunga atatillugu ima oqarpoq: “Naalakkersuisut Iceland Ocean Clusterillu akornanni suleqatigiittoqarsinnaalernera nuannaarutigaara, tassuunakkut Greenland Ocean Clusterimik pilersitsisinnaanissaq suleqatigiissutigalugu misissorneqassammat. Aalisakkanit pisuussutigut tamakkiinerusumik atortariaqarpavut piujuartitsinermillu aallaaveqarluni aalisarnikkut pissarsiarisartakkagut nalitusarnissaat sulissutigalugu. Ukioq manna apriilimi Iceland Ocean Clusterimut pulaarninni Islandimiut aalisakkanik perlukutut isigisartakkatsinnik atorluaanerat taamaasillutillu inuiaqatigiinni aningaasatigut naleqalersitsisarneri nammineerlunga takuakka. Nunatsinni taamatut ingerlatsisinnaalissagutta ilisimasanik pisariaqartitsivigut suleqatigiittariaqarlutalu. Iceland Ocean Clusterip suliamut tassunga tunngatillugu pingaarutilinnik paasissutissanik pissarsisarsinnaavugut taamatulli iluaqutissatsinnik ingerlatsilersinnaassagutta imaanit aningaasarsiuteqartut piviusunngortitsiniarlutik tamarmik suleqataasariaqarput.
Ocean Clusterimik pilersitsiniarnermut atatillugu pitsaanerpaamik sinaakkutissaqarnissaq Naalakkersuisut sulissutigissavaat inuussutissarsiuteqartullu suliassamut peqataanissaanik kajumissaarlugit.”
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup Iceland Ocean Cluster suleqatigalugu inuussutissarsiortut Greenland Ocean Cluster-imik pilersitsisinnaanissaanut sinaakkutissat pisariaqartinneqartut pilersinneqassapput.
Greenland Ocean Clusterip pilersinnissaanut sulineq nunatta aalisakkanit isertitarisartagai annertusarniarlugit aalisakkanit tunisassiat atorluarneqarnerusinnaanerisa misissuiffigineqarnissaanik Naalakkersuisut kissaataanik aallaaveqarpoq. Tamanna Iceland Ocean Clusterip periuseq iluatsilluartoq 100 % Fish aallaavigalugu ingerlanneqassaaq. Periuseq taanna Islandimi aalisakkanik tunisassiornerup sunniuteqarluarnerulersinnissaanut Islandimilu inuussutissarsiortunut inuiaqatigiinnullu naleqarnerulersitsinissamut iluaqutaasimavoq.
Suleqatigiinneq tamanna aqqutigalugu aamma sulissutigineqassaaq aalisakkap sapinngisamik annertunerpaamik atorluarneqarneratigut, Kalaallit Nunaata aalisakkanik tunisassianik maanna atorneqanngitsunik imminut pilersornerulernissaa. Tassunga ilaapput aalisakkanik tunisassiat nerisassatut atorneqartussat, maannakkut nunamut eqqussorneqartartut, kiisalu nutaaliorluni aaqqiissutissanik misissuinissaq, soorlu aalisakkat perlukuinik nerisassiassanik tunisassiornermut atorluaanissaq, assersuutigalugu taakku Kujataani nunalerinermi nerukkaatissatut atorneqarsinnaallutik.
Greenland Ocean Clusterili pilersinneqassappat, aalisakkerinermik ingerlatsisut, assartuisartut, pisortat oqartussaasut, aallarnisaasartut il.il. suleqatigiittariaqassapput. Naalakkersuisoq, Peter Borg, tassunga atatillugu ima oqarpoq: “Naalakkersuisut Iceland Ocean Clusterillu akornanni suleqatigiittoqarsinnaalernera nuannaarutigaara, tassuunakkut Greenland Ocean Clusterimik pilersitsisinnaanissaq suleqatigiissutigalugu misissorneqassammat. Aalisakkanit pisuussutigut tamakkiinerusumik atortariaqarpavut piujuartitsinermillu aallaaveqarluni aalisarnikkut pissarsiarisartakkagut nalitusarnissaat sulissutigalugu. Ukioq manna apriilimi Iceland Ocean Clusterimut pulaarninni Islandimiut aalisakkanik perlukutut isigisartakkatsinnik atorluaanerat taamaasillutillu inuiaqatigiinni aningaasatigut naleqalersitsisarneri nammineerlunga takuakka. Nunatsinni taamatut ingerlatsisinnaalissagutta ilisimasanik pisariaqartitsivigut suleqatigiittariaqarlutalu. Iceland Ocean Clusterip suliamut tassunga tunngatillugu pingaarutilinnik paasissutissanik pissarsisarsinnaavugut taamatulli iluaqutissatsinnik ingerlatsilersinnaassagutta imaanit aningaasarsiuteqartut piviusunngortitsiniarlutik tamarmik suleqataasariaqarput.
Ocean Clusterimik pilersitsiniarnermut atatillugu pitsaanerpaamik sinaakkutissaqarnissaq Naalakkersuisut sulissutigissavaat inuussutissarsiuteqartullu suliassamut peqataanissaanik kajumissaarlugit.”
ICELAND OCEAN CLUSTER pillugu
100 % Fish aallaavigalugu periuseralugulu imaani pisuussutit atorluarnissaanik siunertaqarluni Ocean Clusterip suleriaasai aqqutigalugit aallarnisaasartut imaanilu inuussutissarsiutinut tunngatillugu ilisimatuut suleqatigiissinneqartarput. Sulinermi nutaaliorneq ineriartortitsinerlu aallaavigineqartarput Iceland Ocean Clusterilu ullumikkut suliffeqarfinnik 70 sinnerlugit amerlatigisunik toqqaannartumik suleqateqarpoq.Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl