Imarisassat tusarnaarlugit atuarlugitMúte B. Egede Naalagaaffiit Peqatigiit 81-issaanik ataatsimeersuarnerup ammaanersiorneranut peqataassaaq
Nassiussisuuvoq: Nunanut Allanut Naalakkersuisoqarfik
Ammaanersiorneq Naalagaaffiit Peqatigiit (NP) ukiumoortumik ataatsimeersuarneranni New Yorkimi 22. september 2026-mi pissaaq.
Ukioq manna ataatsimeersuarnermi sammisaq: “Tatigeqatigiileqqinneq, Allanngoriartornermik Aqutsineq: NP Tamanut Pilersuisut.”
“Sammisaq aallaavigalugu takuneqarsinnaavoq NP tatisimaneqartoq. Naalakkersuisut ukiut aappassaanik NP-mi peqataanerat nunanik tamalaanik suleqateqarnerminnik pingaarnersiuineranik takutitsivoq. Nammineq aalajangiisinnaassuseqarneq nunallu tamalaat inatsisaat nunarsuaq tamakkerlugu aalaakkaasumik atuupput, tamannalu tunuarterfiginavianngilarput, NP aatsaat taama pingaartigaaq.” oqarpoq Nunanut Allanut, Inuussutissarsiornermut Aatsitassanullu Naalakkersuisoq Múte B. Egede.
Nangipporlu: “Nunarsuarmi aaqqiagiinnginnerit massakkut taama amerlatigitillugit suleqatigisatta peqatiginissaat ataatsimoornermillu takutitsinissaq pingaaruteqarput. Nunanik suleqatigisanillu allanik oqaloqateqarnikkut aqqutissarsioqataasinnaavugut.”
Qullersat ammaanersioqatigiinnerat nunarsuaq tamakkingajallugu naalagaaffinni naalakkersuisuni siuttut naalakkersuisullu New Yorkimi katersuutissapput, tamannalu ataatsimiinnermi pingaartinneqarpoq. Nunanik allanik ataatsimeeqateqarnerit saniisigut Naalakkersuisoq qullersat ammaanersiorneranut peqataassaaq. Ammaanersiornermi NP-mi Generalsekretæri António Guterres ammaasuussaaq.
New Yorkimut angalanermut atatillugu Naalakkersuisoq naalagaaffiit iligisat issittumiittut arfineq marluusut nunanut allanut naalakkersuisuisa A7-mi ataatsimiinnerannut peqataassaartaaq.
Paasisaqarnerunissamut attavissaq: Naalakkersuisup allattaa Niels Dorph, NDOR@nanoq.gl
Ukioq manna ataatsimeersuarnermi sammisaq: “Tatigeqatigiileqqinneq, Allanngoriartornermik Aqutsineq: NP Tamanut Pilersuisut.”
“Sammisaq aallaavigalugu takuneqarsinnaavoq NP tatisimaneqartoq. Naalakkersuisut ukiut aappassaanik NP-mi peqataanerat nunanik tamalaanik suleqateqarnerminnik pingaarnersiuineranik takutitsivoq. Nammineq aalajangiisinnaassuseqarneq nunallu tamalaat inatsisaat nunarsuaq tamakkerlugu aalaakkaasumik atuupput, tamannalu tunuarterfiginavianngilarput, NP aatsaat taama pingaartigaaq.” oqarpoq Nunanut Allanut, Inuussutissarsiornermut Aatsitassanullu Naalakkersuisoq Múte B. Egede.
Nangipporlu: “Nunarsuarmi aaqqiagiinnginnerit massakkut taama amerlatigitillugit suleqatigisatta peqatiginissaat ataatsimoornermillu takutitsinissaq pingaaruteqarput. Nunanik suleqatigisanillu allanik oqaloqateqarnikkut aqqutissarsioqataasinnaavugut.”
Qullersat ammaanersioqatigiinnerat nunarsuaq tamakkingajallugu naalagaaffinni naalakkersuisuni siuttut naalakkersuisullu New Yorkimi katersuutissapput, tamannalu ataatsimiinnermi pingaartinneqarpoq. Nunanik allanik ataatsimeeqateqarnerit saniisigut Naalakkersuisoq qullersat ammaanersiorneranut peqataassaaq. Ammaanersiornermi NP-mi Generalsekretæri António Guterres ammaasuussaaq.
New Yorkimut angalanermut atatillugu Naalakkersuisoq naalagaaffiit iligisat issittumiittut arfineq marluusut nunanut allanut naalakkersuisuisa A7-mi ataatsimiinnerannut peqataassaartaaq.
Paasisaqarnerunissamut attavissaq: Naalakkersuisup allattaa Niels Dorph, NDOR@nanoq.gl