Imarisassat tusarnaarlugit atuarlugitAqutsiveqarfik Nuuk-Paamiuni aamma kujataata kitaani inuussutissarsiutiginagu kapisilinniartut kapisilinniarunnaassapput
Aqutsiveqarfimmi Nuuk-Paamiuni aamma kujataata kitaani inuussutissarsiutiginagu aalisartut kapisilinniarnerat septembarip 16.-ani 2026-mi unissaaq.
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Kalaallit Nunaanni Aalisarnermut Piniarnermullu Nakkutilliisoqarfik nalunaaruteqarpoq aqutsiveqarfimmi Nuuk-Paamiuni aamma kujataata kitaani inuussutissarsiutiginagu aalisartunut kapisilinniarneq septembarip 16.-ani 2026-mi unitsinneqassasoq.
Kapisilinnut qassutit tamarmik aqutsiveqarfimmi pineqartumi kingusinnerpaamik septembarip 19-at qaqinneqariissapput.
KANUAPNA aalisartut aalisareertillutik pisatik piaarnerpaamik nalunaarutigisassammatigit aammaarluni kaammattuivoq. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat. Tamaammat kingusinnerpaamik septembarip 30.-ani 2026-mi nalunaaruteqartoqassaaq. Kingusinnerpaamik septembarip 30.-ani 2026-mi nalunaaruteqartoqanngippat, 2027-mi kapisilinniarsinnaanermut akuersissummik pisoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi “Kapisilittatit nalunaarutigikkit” atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarnermut Piniarnermullu Nakkutilliisoqarfik oqarasuaat 34 50 00 imaluunniit e-mail gfjk@nanoq.gl
Inussiarnersumik inuulluaqqusilluta
Kalaallit Nunaanni Aalisarsinnaanermut Piniarnermullu Nakkutilliisoqarfik
gfjk@nanoq.gl
Toqq +299 34 50 00