Imarisassat tusarnaarlugit atuarlugitTasersiaq aamma Tarsartuup Tasersua pillugu neqerooruteqartitsinissamut piukkunnartussarsiornerup 2026-mi oktobarimi tamanut ammasumik saqqummiunneqarnissaa naatsorsuutigineqarpoq
Nassiussisuuvoq: Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
Naalakkersuisut Kalaallit Nunaanni erngup nukinganut isumalluutit annersaannik neqerooruteqartitsinissamut piukkunnartussarsiornissaminnik 2026-mi oktobarimi tamanut ammasumik saqqummiussinissartik naatsorsuutigaat.
Piukkunnartussarsiorneq suliami aallarniutaavoq, tassanilu ingerlatseqatigiiffiit soqutiginnittut neqeroortoqarnermut peqataanissamut akuerineqarnissamik qinnuteqartarput. Ingerlatseqatigiiffiit ilaatigut teknikkikkut aningaasaqarnikkullu piginnaasaat sulianillu assingusunit misilittagaat tunngavigalugit toqqarneqartarput. Tamatumani qinnuteqartuni piukkunnarnerpaat kisimik neqeroortoqarnermut peqataanissamut periarfissinnissaat siunertarineqartarpoq.
Tasersiami aamma Tarsartuup Tasersuani erngup nukingata aningaasarsiutitut atorluarneqarnissaa qulakkeerumallugu piukkunnartussarsiornissaq pingaaruteqarpoq. Piukkunnartussarsiorneq naammassippat, neqerooruteqartitsinissamut suliassat nangeqqinneqassapput.
“"Innuttaasut nunatsinni nunatta allatigut aningaasanik isertitaqarsinnaanissaa oqariartuutigiuartarsimavaat. Taamaattumik isumaqarpunga nunatta pisuussutaanik suli atunngisatsinnik pilersitsinissamut nukiit atukkagut pissusissamisoortut.
Neqerooruteqartitsinissamut najoqqutassanik ineriartortitsiniarluni suliat annertuut ingerlanneqarsimapput. Niuerfinnik oqaloqateqarnerit ingerlaavarsimapput, kulturikkut kingornussat pillugit nalunaarusiortoqartarsimavoq, aningaasaqarnermut tunngatillugu naatsorsuisoqarsimavoq inatsisilerinermilu suliat annertuut isumagineqarsimallutik. Maannalu piukkunnartussarsiornissap tamanut ammasumik saqqummiunnissaanut periarfissaqalernerput nuannaarutigaara. Taamaalilluta ukiuni kingullerni marlussunni misigisatsitut soqutiginnittoqarnera ilumut suliassaqartitsinissamik kinguneqarsinnaanersoq paasissavarput. Tassunga killinnissarput qilanaarisimaqaara.” Naalakkersuisoq Jørgen “Juulut” Rosbach oqarpoq.
Piukkunnartussarsiornermi allagaatit oktobarip qaammataani tamanut ammasumik saqqummiunneqarnissaat naatsorsuutigineqarpoq qinnuteqaammillu nassiussinissamut 2027-p aallartinneranut killiliisoqarnissaa naatsorsuutigineqarluni. Tamatuma kingorna qinnuteqaatit suliarineqassapput. Tassa ingerlatseqatigiiffiit piukkunnartinneqartut aatsaat 2027-mi toqqarneqassapput.
Piukkunnartussarsiornermi soqutiginnittut nunatta avataaneersut misissuiffigineqassapput, taamaaliornikkullu aningaasaliissutit nunatta isumannaanneranut pisortanullu
sunniuteqannginnissaat qulakkeerneqassaaq. Tamanna pillugu qinnuteqarfissaq
qaangiutereerpat suliamik suliaqarnerup sivisusinnaanera naatsorsuutigineqarpoq
Annertunerusumik paasisaqarusunnermi Avatangiisinut, Pinngortitamut, Nukissiuteqarnermut Ilisimatusarnermullu Naalakkersuisoqarfik e-mail: pan@nanoq.gl aqqutigalugu attaveqarfigineqassaaq.
Piukkunnartussarsiorneq suliami aallarniutaavoq, tassanilu ingerlatseqatigiiffiit soqutiginnittut neqeroortoqarnermut peqataanissamut akuerineqarnissamik qinnuteqartarput. Ingerlatseqatigiiffiit ilaatigut teknikkikkut aningaasaqarnikkullu piginnaasaat sulianillu assingusunit misilittagaat tunngavigalugit toqqarneqartarput. Tamatumani qinnuteqartuni piukkunnarnerpaat kisimik neqeroortoqarnermut peqataanissamut periarfissinnissaat siunertarineqartarpoq.
Tasersiami aamma Tarsartuup Tasersuani erngup nukingata aningaasarsiutitut atorluarneqarnissaa qulakkeerumallugu piukkunnartussarsiornissaq pingaaruteqarpoq. Piukkunnartussarsiorneq naammassippat, neqerooruteqartitsinissamut suliassat nangeqqinneqassapput.
“"Innuttaasut nunatsinni nunatta allatigut aningaasanik isertitaqarsinnaanissaa oqariartuutigiuartarsimavaat. Taamaattumik isumaqarpunga nunatta pisuussutaanik suli atunngisatsinnik pilersitsinissamut nukiit atukkagut pissusissamisoortut.
Neqerooruteqartitsinissamut najoqqutassanik ineriartortitsiniarluni suliat annertuut ingerlanneqarsimapput. Niuerfinnik oqaloqateqarnerit ingerlaavarsimapput, kulturikkut kingornussat pillugit nalunaarusiortoqartarsimavoq, aningaasaqarnermut tunngatillugu naatsorsuisoqarsimavoq inatsisilerinermilu suliat annertuut isumagineqarsimallutik. Maannalu piukkunnartussarsiornissap tamanut ammasumik saqqummiunnissaanut periarfissaqalernerput nuannaarutigaara. Taamaalilluta ukiuni kingullerni marlussunni misigisatsitut soqutiginnittoqarnera ilumut suliassaqartitsinissamik kinguneqarsinnaanersoq paasissavarput. Tassunga killinnissarput qilanaarisimaqaara.” Naalakkersuisoq Jørgen “Juulut” Rosbach oqarpoq.
Piukkunnartussarsiornermi allagaatit oktobarip qaammataani tamanut ammasumik saqqummiunneqarnissaat naatsorsuutigineqarpoq qinnuteqaammillu nassiussinissamut 2027-p aallartinneranut killiliisoqarnissaa naatsorsuutigineqarluni. Tamatuma kingorna qinnuteqaatit suliarineqassapput. Tassa ingerlatseqatigiiffiit piukkunnartinneqartut aatsaat 2027-mi toqqarneqassapput.
Piukkunnartussarsiornermi soqutiginnittut nunatta avataaneersut misissuiffigineqassapput, taamaaliornikkullu aningaasaliissutit nunatta isumannaanneranut pisortanullu
sunniuteqannginnissaat qulakkeerneqassaaq. Tamanna pillugu qinnuteqarfissaq
qaangiutereerpat suliamik suliaqarnerup sivisusinnaanera naatsorsuutigineqarpoq
Annertunerusumik paasisaqarusunnermi Avatangiisinut, Pinngortitamut, Nukissiuteqarnermut Ilisimatusarnermullu Naalakkersuisoqarfik e-mail: pan@nanoq.gl aqqutigalugu attaveqarfigineqassaaq.