Naartunaveersaasersuisimanermut suliami inuit pisinnaatitaaffiinut tunngasortaannik immikkut ilisimasallit misissuinerinik tamanut saqqummiussinermut atatillugu ullumi tusagassiortunik katersortitsineq

Naalakkersuisut ullumi tallimanngornermi aggustusip 28-ani nal. 13.00 tusagassiortunik katersortitsissapput

Tusagassiortunik katersortitsineq Naalakkersuisut tusagassiortunut katersortitsisarfianni pissaaq.
Sammisaq: Immikkut ilisimasallit misissuinerat, Naartunaveersaasersuisimanermut suliaq

Tusagassiortunik katersortitsinermi tusagassiortut kisimik peqataasinnaassapput.

Tusagassiortunik katersortitsinermi Naalakkersuisut Siulittaasuat, Jens-Frederik Nielsen aamma Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq, Mariane Paviasen Jensen peqataassapput.

Ilutigisaanik tusagassiorfiit aamma tamat Naalakkersuisunit kaammattorneqarput mianersuusseqqullugit, suliarlu pillugu oqaaseqarneq aamma iliuuseqarneq eqqugaasunut sunniuteqarsinnaammat eqqarsaatigeqqullugu.

Naalakkersuisut aamma innersuussutigissavaat, suliamut tunngatillugu ataqqinninnissamik aamma akornusersorneqannginnissamik Spiralilersuisimaneq pillugu aqutsisoqatigiit kissaateqarlutik oqaaseqarnerat ataqqeqqullugu.

Katersortitsineq KNR TV-kkut toqqaannartumik aallakaatinneqassaaq.

Oqaloqateqarnissannik pisariaqartitsivit?
Oqaloqateqarnissat pisariaqartikkukku Inulerivik attavigisinnaavat. Tarnip pissusaanik immikkut ilisimasallit oqaloqatigineqarsinnaapput piffissani ukunani:

Marlunngornerit nal. 10.00-12.00
Sisamanngornerit nal. 13.00-15.00

Oqarasuaat: 801190

Utaqqisinnaanngitsumik oqaloqateqarnissat pisariaqartikkukku, taava Tusaannga attavigisinnaavat.
Tusaannga ulloq unnuarlu ammasarpoq, kinaassuseq isertuunneqarsinnaavoq, akeqaranilu.

Oqarasuaat: 801180
SMS: 1899


Attavissaq
Sukumiisumik paasisaqarusukkuit naalakkersuisup allattaa Paarna Deemand Christiansen e-mailikkut padc@nanoq.gl imaluunniit oqarasuaatikkut: +299 24 79 51 attavigiuk.