Imarisassat tusarnaarlugit atuarlugitTukertitsiviit immikkut sammillugit Aalisarnermut, Piniarnermut, Nunalerinermut Imminullu Pilersornermut Naalakkersuisoq Savalimmiunut pulaarpoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Savalimmiunut pisortatigoortumik tikeraarnermut atatillugu tukertitsiveqarnerup siuarsarnissaa aamma Kalaallit Nunaat Savalimmiullu akornanni suleqatigiinnerup annertusinissaanut periarfissat eqqartorniarlugit Aalisarnermut, Piniarnermut, Nunalerinermut Imminullu Pilersornermut Naalakkersuisoq Peter Borgip Niueqatigiinnermut Suliffeqarfissuarnullu Lagmandi Jakob Vestergaard ataatsimeeqatigaa.
Ataatsimiinnermi qitiusumik eqqartorneqartoq tassaavoq, Kalaallit Nunaata tukertitsiveqarnerup tungaatigut inatsisissamik tunngaviusumik ineriartortinneranik suliai. Savalimmiuni misilittakkat ilisimatitsissutigineqarput, tassa ukiorpaalunni Savalimmiut nunani tamalaani tukertitsivinnik unammillersinnaasunik ineriartortitsisimammat inatsisitigullu malittarisassarsiorluni.
Isumaqatigiissutigineqarpoq, sulinerup ingerlaqqinnerani Savalimmiut Kalaallit Nunaannut ilisimasanik misilittakkanillu ikiorseerusuttut. Naalakkersuisup siunissami tukertitsiveqarnissamut tunngavissaqarluarnissamut tamanna tapertaasutut isigaa.
Pulaarnerup ilaattut suliffeqarfimmut kapisilinnik tunisassiortartumut, Hiddenfjordimut, pulaartoqarpoq. Pulaarnerminni aallartitat kapisilinnik tukertitanik tunisassiornermut attuumassutilinnik paasisaqarput, tamatumani ilanngullugit tunisassiornermi unammilligassat, qaffasissumik pitsaassusilimmik tunisassiornermi suliaqarneq kiisalu suliffeqarfiup nunani tamalaani niuerfinnut tuniniaanermi avammullu niueruteqarnermi misilittagai.
Inuussutissarsiortut oqartussallu qanimut suleqatigiinneratigut tukertitsiveqarnermut suliassaqarfik nukittooq unammillersinnaasorlu qanoq ikorfartorneqarsinnaanersoq pulaarneq tunngavigalugu pingaarutilimmik paasisaqarfigineqarpoq. Kalaallit Nunaanni tukertitsiviit ineriartortinnissaannut tunngavissanik pilersitsinissamut atatillugu Savalimmiunit paasisat Naalakkersuisut suliamik ingerlatitseqqinneranni ilaassapput.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Ataatsimiinnermi qitiusumik eqqartorneqartoq tassaavoq, Kalaallit Nunaata tukertitsiveqarnerup tungaatigut inatsisissamik tunngaviusumik ineriartortinneranik suliai. Savalimmiuni misilittakkat ilisimatitsissutigineqarput, tassa ukiorpaalunni Savalimmiut nunani tamalaani tukertitsivinnik unammillersinnaasunik ineriartortitsisimammat inatsisitigullu malittarisassarsiorluni.
Isumaqatigiissutigineqarpoq, sulinerup ingerlaqqinnerani Savalimmiut Kalaallit Nunaannut ilisimasanik misilittakkanillu ikiorseerusuttut. Naalakkersuisup siunissami tukertitsiveqarnissamut tunngavissaqarluarnissamut tamanna tapertaasutut isigaa.
Pulaarnerup ilaattut suliffeqarfimmut kapisilinnik tunisassiortartumut, Hiddenfjordimut, pulaartoqarpoq. Pulaarnerminni aallartitat kapisilinnik tukertitanik tunisassiornermut attuumassutilinnik paasisaqarput, tamatumani ilanngullugit tunisassiornermi unammilligassat, qaffasissumik pitsaassusilimmik tunisassiornermi suliaqarneq kiisalu suliffeqarfiup nunani tamalaani niuerfinnut tuniniaanermi avammullu niueruteqarnermi misilittagai.
Inuussutissarsiortut oqartussallu qanimut suleqatigiinneratigut tukertitsiveqarnermut suliassaqarfik nukittooq unammillersinnaasorlu qanoq ikorfartorneqarsinnaanersoq pulaarneq tunngavigalugu pingaarutilimmik paasisaqarfigineqarpoq. Kalaallit Nunaanni tukertitsiviit ineriartortinnissaannut tunngavissanik pilersitsinissamut atatillugu Savalimmiunit paasisat Naalakkersuisut suliamik ingerlatitseqqinneranni ilaassapput.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl