Imarisassat tusarnaarlugit atuarlugitPisortat ingerlataqarfiisa siunissamut naammattusaartussanngortinniarlugit aaqqissuusseqqinnermut isumalioqatigiissitaq sulilerpoq
Nassiussisuuvoq: Aningaasaqarnermut Akileraartarnermullu Naalakkersuisoqarfik
Aaqqissuusseqqinnermut Isumalioqatigiissitaq ulloq 11. juni 2026-mi siullermeerluni ataatsimiippoq. Aaqqissuusseqqinnermut Isumalioqatigiissitaq Naalakkersuisunit pilersinneqarpoq pisortat ingerlataqarfiini qanoq pisariinnerusumik, pitsaanerusumik aammalu innuttaasunut qaninnerusumik sullissisoqalersinnaanera pillugu inassuteqaasiortussamik. Sulinermi qitiusumik allaffissornikkut ingerlatsineq aammalu Namminersorlutik Oqartussat kommunillu akornanni sullissineq aammalu pisortat ingerlataasa siunissamut naammattusaarneqarsinnaanerannut tapertaasussamik sulinermi immikkut sammineqassaaq.
Ataatsimiinnermi siullermi isumalioqatigiissitap suleriaqqinnissaminut sinaakkutai pingaarnerit aalajangersarneqarput, tassunga ilaallutik sammisassat qitiusut, pingaarnersiuinerit aammalu alloriariarnerit naatsorsuutigineqartut pillugit nalunaaruteqartarnerit aammalu inaarutaasumik nalunaarusiorneq.
Isumalioqatigiissitap sulinerani 2025-mi Naalakkersuisooqatigiinnermi isumaqatigiissut aammalu Attassiinnarnissamut Ineriartortitsinermullu pilersaarut II aallaavigineqarpoq. Siunertaavoq pisortat ingerlataqarfiini nukittunerusumik toqqammavissiinissaq, taamaasilluni siunissami qaangerniagassat isumagineqarsinnaalerlutik, tassunga ilaalluni innuttaasut aggulussimaneranni allannguutit, inuiaqatigiinni pisuussutit attassinnaasumik atorneqalernissaannik pisortani sullissinermi pisariaqartitsinermillu annertusiartuinnartumik piumasaqaateqarfiulersut.
Aqqaluaq B. Egede, Aningaasaqarnermut Naalakkersuisoq ima oqaaseqarpoq:
"Aaqqissuusseqqinnermut isumalioqatigissitap pilersinneqarneratigut suliaq pingaarutilik qanoq pisortat ingerlatsiviata siunissami unammilligassanut nukittorsarneqarsinnaaneranut kaammattuutinik tunngavissagissaartunik ilapittuisussami sulineq pingaarutilik aallartipparput.
nunatsinni ukiuni aggersuni aningaasaqarnikkut annertuumik unammilligassaqartoq nalunngilarput. Ineriartorneq taamaaginnartillugu pissappat pisortat aningaasartuutaat isertitanit sukkanerusumik annertusiartussasut, siuartitsinerit tamarmik takutippaat. Taamaammat Aaqqissuusseqqinnissamut ataatsimiititaliaq pilersipparput. Aalajangernissamut tunngavissamik patajaatsumik pilersitsinissaq anguniagaavoq, taamaalilluta piffissaq eqqorlugu iliuuseqarsinnaaqqulluta, kinguaariinnullu tullernut inuiaqatigiinnik atugarissaartunik nukittuunik piujuartitsisunillu qulakkeerinnissinnaaqqulluta."
Ilaasortat Aningaasaqarnermut Naalakkersuisumit toqqarneqarput
Aningaasaqarnermut Naalakkersuisup, Aqqaluaq B. Egedep, Aaqqissuusseqqinnermut Isumalioqatigiissitamut, arlaannut attuumassuteqanngitsut, uku ilaasortassatut toqqarpai:
Nivi Strunz, namminersorluni inuussutissarsiortoq, Kalaallit Nunaat
Hilde Singsaas, Miljødirektoratimi pisortaaneq, Norge
Maliina Junge Jørgensen, Kommuneqarfik Sermersuumi immikkoortumi pisortaq, Kalaallit Nunaat
Magni Laksafoss, inuiaqatigiit aningaasaqarneranni ilisimatusartoq, Sjókovin, Færøerne
Anne Nivíka Grødem, Bankivimmi nunami pisortaq, Kalaallit Nunaat
Ellen Lerch Høj, Grønlandsbankimi suliffeqarfinnik ineriartortitsinermi pisortaq, Kalaallit Nunaat
Hans Jørgen Mørch, namminersorluni inuussutissarsiortoq, Kalaallit Nunaat
Line Mika Skov, Tusassimi aningaasaqarnermut pisortaq, Kalaallit Nunaat
Jørgen Aqe Møller, RAL-imi aningaasaqarnermut pisortaq, Kalaallit Nunaat
Tamatuma saniatigut Aqqaluaq B. Egedep Johnny í Grótinum isumalioqatigiissitap siulittaasuatut toqqarpaa. Johnny Københavnip Universitetiani 2003-mi nationaløkonomitut ilinniagaqarpoq aammalu ukiorpassuarni Savalimmiuni namminersortut pisortallu ingerlataanni qaffasissuni atorfeqarluni. Tórshavnimi Savalimmiuni najugaqarpoq, tassanilu Savalimmiut Universitetiani aningaasarsiornermut bacheloritut ilinniartitaanermi pisortatut atorfeqarpoq kiisalu Savalimmiuni Aningaasarsiornermut Siunnersuisoqatigiinni aammalu Færøernes Landsbankimi siulittaasuulluni.
Aaqqissuusseqqinnermi Isumalioqatigiissitap inissitsiterluni siullermeerluni ataatsimiinnerani Anne Nivika Grødem siulittaasup tulliatut toqqarneqarpoq. Anne Nivika Nuummi najugaqartoq, Ilulissani peroriartorpoq. Ukiuni kingullerni sisamani Visit Greenlandimi pisortaanertut atorneqarpoq. Ukioq manna aggustimi Anne Nivika Bankivimmi nunami pisortatut sulilissaaq.
Isumalioqatigiissitap siulittaasua Johnny í Grótinum ima oqaaseqarpoq:
”Kalaallit Nunaat ukiuni aggersuni innuttaasut agguataarsimanerat annertuumik allannguuteqassaaq. Innuttaasut agguataarnerisa allannguuteqarnerat pisortat ingerlatsiviinut aammalu pisortat aningaasarsiornerannut annertuneruleraluttuinnartumik tatisimaneqalissaaq. Taamatut ineriartornerup inuiaqatigiit tamarmik kalluassavai, taamaattumillu nuannaarutigaara Naalakkersuisut taamatut Aaqqissuusseqqinnermut Isumalioqatigiissitamik pilersitsiniarlutik akisussaaffimmik maannangaaq tigusimmata.
Isumalioqatigiissitap suliassaraa aaqqissuusseqqinnernut, nunatsinni atugarissaarnikkut systemip siunissamut naammattusaarneqarnissaanut, inassuteqaatinik suliatigut isumaliutigilluarneqarsimasunik siunnersuusiorluni tigussaasumillu inassuteqaasiornissaq. Septembarimi isumalioqatigiissitaq pisortat suliffeqarfiinut assigiinngitsunut pulaarniarluni pilersaaruteqarpoq taakkunani qaangerniagassat pillugit, pisortani ingerlatsivinni suliat akimorlugit aaqqiissutissanik nutaanik aaqqissuusseqqinnernillu pisariaqartitsiffiusuni, qanimut paasisaqarniarluni.
Suliassamut kivitseqataanissara qilanaaraara aamma Aningaasaqarnermut Naalakkersuisoq Aaqqissuusseqqinnissamut Isumalioqatigiissitamut siulittaasutut toqqarmanga tatiginninneranut qujarusuppara.”
Isumalioqatigiissitap Namminersorlutik Oqartussat aamma kommunit akornanni suliassanik agguataarisimaneq ilaatigut nalilersussavaa, maleruagassat pisariillisarneqarnissaannut aammalu digitalinngorsaanermut periarfissat suussusersineqassapput kiisalu pisortani suliassat isumagineqarneranni pitsaanerusumik aaqqiissuteqarnissamut tapertaasinnaasunik teknologinik aammalu qarasaasiatigut silassorissuusiaq atorlugu aaqqissuussisoqarsinnaanera misissorneqassalluni. Takkua saniatigut isumalioqatigiissitap pisortani ataatsimoorussamik aaqqiissuteqartarnermi periarfissat nalilersussavai aammalu siunnersuusiorluni nukiit innuttaasunut qanimut aammalu inuiaqatigiinnut pingaarutilinnut suliassanik ingerlatsinissamut isumaginnissinnaasunik nassaarniarnissamut.
Sulineq oqartussat, kattuffiit aammalu soqutigisaqartut soqutiginaateqartut peqatigalugit ingerlanneqassaaq, taamaasilluni sulianut ilisimasaqarluni aammalu sulinikkut misilittakkat aallaavigalugit inassuteqartoqarsinnaaniassammat. Aaqqissuusseqqinnermut Isumalioqatigiissitaq aappaagu qaammatini pingasuni siullerni siullermeerluni nalunaaruteqarnissaa naatsorsuutaavoq, siunissamilu qaninnerusumi piviusunngortinneqarsinnaasunik siunnersuutinik iliuuserineqarsinnaasunik ilaatigut siunnersuuteqarumaarluni. Inaarutaasumik nalunaarut 2028-mi ukiup affaani siullermi tunniunnissaa naatsorsuutaavoq, tamannalu pisortat ingerlatsiviini aaqqissuusseqqinnissamut politikikkut suleriaqqinnissamut tunngaviliissaaq.
Sukumiinerusumik erseqqinnerusunik kissaateqaraanni Aaqqissuusseqqinnermut Isumalioqatigiissitap siulittaasua Johnny í Grótinum JohnnyG@setur.fo imaluunniit mobil +298 520094 aqqutigalugu attavigineqarsinnaavoq.
Aaqqissuusseqqinnermut Isumalioqatigiissitap sulinera Naalakkersuisut.gl aqqutigalugu Aningaasaqarnermut Akileraartarnermullu Naalakkersuisoqarfiup ataani malinnaaffigineqarsinnaavoq.
Ataatsimiinnermi siullermi isumalioqatigiissitap suleriaqqinnissaminut sinaakkutai pingaarnerit aalajangersarneqarput, tassunga ilaallutik sammisassat qitiusut, pingaarnersiuinerit aammalu alloriariarnerit naatsorsuutigineqartut pillugit nalunaaruteqartarnerit aammalu inaarutaasumik nalunaarusiorneq.
Isumalioqatigiissitap sulinerani 2025-mi Naalakkersuisooqatigiinnermi isumaqatigiissut aammalu Attassiinnarnissamut Ineriartortitsinermullu pilersaarut II aallaavigineqarpoq. Siunertaavoq pisortat ingerlataqarfiini nukittunerusumik toqqammavissiinissaq, taamaasilluni siunissami qaangerniagassat isumagineqarsinnaalerlutik, tassunga ilaalluni innuttaasut aggulussimaneranni allannguutit, inuiaqatigiinni pisuussutit attassinnaasumik atorneqalernissaannik pisortani sullissinermi pisariaqartitsinermillu annertusiartuinnartumik piumasaqaateqarfiulersut.
Aqqaluaq B. Egede, Aningaasaqarnermut Naalakkersuisoq ima oqaaseqarpoq:
"Aaqqissuusseqqinnermut isumalioqatigissitap pilersinneqarneratigut suliaq pingaarutilik qanoq pisortat ingerlatsiviata siunissami unammilligassanut nukittorsarneqarsinnaaneranut kaammattuutinik tunngavissagissaartunik ilapittuisussami sulineq pingaarutilik aallartipparput.
nunatsinni ukiuni aggersuni aningaasaqarnikkut annertuumik unammilligassaqartoq nalunngilarput. Ineriartorneq taamaaginnartillugu pissappat pisortat aningaasartuutaat isertitanit sukkanerusumik annertusiartussasut, siuartitsinerit tamarmik takutippaat. Taamaammat Aaqqissuusseqqinnissamut ataatsimiititaliaq pilersipparput. Aalajangernissamut tunngavissamik patajaatsumik pilersitsinissaq anguniagaavoq, taamaalilluta piffissaq eqqorlugu iliuuseqarsinnaaqqulluta, kinguaariinnullu tullernut inuiaqatigiinnik atugarissaartunik nukittuunik piujuartitsisunillu qulakkeerinnissinnaaqqulluta."
Ilaasortat Aningaasaqarnermut Naalakkersuisumit toqqarneqarput
Aningaasaqarnermut Naalakkersuisup, Aqqaluaq B. Egedep, Aaqqissuusseqqinnermut Isumalioqatigiissitamut, arlaannut attuumassuteqanngitsut, uku ilaasortassatut toqqarpai:
Nivi Strunz, namminersorluni inuussutissarsiortoq, Kalaallit Nunaat
Hilde Singsaas, Miljødirektoratimi pisortaaneq, Norge
Maliina Junge Jørgensen, Kommuneqarfik Sermersuumi immikkoortumi pisortaq, Kalaallit Nunaat
Magni Laksafoss, inuiaqatigiit aningaasaqarneranni ilisimatusartoq, Sjókovin, Færøerne
Anne Nivíka Grødem, Bankivimmi nunami pisortaq, Kalaallit Nunaat
Ellen Lerch Høj, Grønlandsbankimi suliffeqarfinnik ineriartortitsinermi pisortaq, Kalaallit Nunaat
Hans Jørgen Mørch, namminersorluni inuussutissarsiortoq, Kalaallit Nunaat
Line Mika Skov, Tusassimi aningaasaqarnermut pisortaq, Kalaallit Nunaat
Jørgen Aqe Møller, RAL-imi aningaasaqarnermut pisortaq, Kalaallit Nunaat
Tamatuma saniatigut Aqqaluaq B. Egedep Johnny í Grótinum isumalioqatigiissitap siulittaasuatut toqqarpaa. Johnny Københavnip Universitetiani 2003-mi nationaløkonomitut ilinniagaqarpoq aammalu ukiorpassuarni Savalimmiuni namminersortut pisortallu ingerlataanni qaffasissuni atorfeqarluni. Tórshavnimi Savalimmiuni najugaqarpoq, tassanilu Savalimmiut Universitetiani aningaasarsiornermut bacheloritut ilinniartitaanermi pisortatut atorfeqarpoq kiisalu Savalimmiuni Aningaasarsiornermut Siunnersuisoqatigiinni aammalu Færøernes Landsbankimi siulittaasuulluni.
Aaqqissuusseqqinnermi Isumalioqatigiissitap inissitsiterluni siullermeerluni ataatsimiinnerani Anne Nivika Grødem siulittaasup tulliatut toqqarneqarpoq. Anne Nivika Nuummi najugaqartoq, Ilulissani peroriartorpoq. Ukiuni kingullerni sisamani Visit Greenlandimi pisortaanertut atorneqarpoq. Ukioq manna aggustimi Anne Nivika Bankivimmi nunami pisortatut sulilissaaq.
Isumalioqatigiissitap siulittaasua Johnny í Grótinum ima oqaaseqarpoq:
”Kalaallit Nunaat ukiuni aggersuni innuttaasut agguataarsimanerat annertuumik allannguuteqassaaq. Innuttaasut agguataarnerisa allannguuteqarnerat pisortat ingerlatsiviinut aammalu pisortat aningaasarsiornerannut annertuneruleraluttuinnartumik tatisimaneqalissaaq. Taamatut ineriartornerup inuiaqatigiit tamarmik kalluassavai, taamaattumillu nuannaarutigaara Naalakkersuisut taamatut Aaqqissuusseqqinnermut Isumalioqatigiissitamik pilersitsiniarlutik akisussaaffimmik maannangaaq tigusimmata.
Isumalioqatigiissitap suliassaraa aaqqissuusseqqinnernut, nunatsinni atugarissaarnikkut systemip siunissamut naammattusaarneqarnissaanut, inassuteqaatinik suliatigut isumaliutigilluarneqarsimasunik siunnersuusiorluni tigussaasumillu inassuteqaasiornissaq. Septembarimi isumalioqatigiissitaq pisortat suliffeqarfiinut assigiinngitsunut pulaarniarluni pilersaaruteqarpoq taakkunani qaangerniagassat pillugit, pisortani ingerlatsivinni suliat akimorlugit aaqqiissutissanik nutaanik aaqqissuusseqqinnernillu pisariaqartitsiffiusuni, qanimut paasisaqarniarluni.
Suliassamut kivitseqataanissara qilanaaraara aamma Aningaasaqarnermut Naalakkersuisoq Aaqqissuusseqqinnissamut Isumalioqatigiissitamut siulittaasutut toqqarmanga tatiginninneranut qujarusuppara.”
Isumalioqatigiissitap Namminersorlutik Oqartussat aamma kommunit akornanni suliassanik agguataarisimaneq ilaatigut nalilersussavaa, maleruagassat pisariillisarneqarnissaannut aammalu digitalinngorsaanermut periarfissat suussusersineqassapput kiisalu pisortani suliassat isumagineqarneranni pitsaanerusumik aaqqiissuteqarnissamut tapertaasinnaasunik teknologinik aammalu qarasaasiatigut silassorissuusiaq atorlugu aaqqissuussisoqarsinnaanera misissorneqassalluni. Takkua saniatigut isumalioqatigiissitap pisortani ataatsimoorussamik aaqqiissuteqartarnermi periarfissat nalilersussavai aammalu siunnersuusiorluni nukiit innuttaasunut qanimut aammalu inuiaqatigiinnut pingaarutilinnut suliassanik ingerlatsinissamut isumaginnissinnaasunik nassaarniarnissamut.
Sulineq oqartussat, kattuffiit aammalu soqutigisaqartut soqutiginaateqartut peqatigalugit ingerlanneqassaaq, taamaasilluni sulianut ilisimasaqarluni aammalu sulinikkut misilittakkat aallaavigalugit inassuteqartoqarsinnaaniassammat. Aaqqissuusseqqinnermut Isumalioqatigiissitaq aappaagu qaammatini pingasuni siullerni siullermeerluni nalunaaruteqarnissaa naatsorsuutaavoq, siunissamilu qaninnerusumi piviusunngortinneqarsinnaasunik siunnersuutinik iliuuserineqarsinnaasunik ilaatigut siunnersuuteqarumaarluni. Inaarutaasumik nalunaarut 2028-mi ukiup affaani siullermi tunniunnissaa naatsorsuutaavoq, tamannalu pisortat ingerlatsiviini aaqqissuusseqqinnissamut politikikkut suleriaqqinnissamut tunngaviliissaaq.
Sukumiinerusumik erseqqinnerusunik kissaateqaraanni Aaqqissuusseqqinnermut Isumalioqatigiissitap siulittaasua Johnny í Grótinum JohnnyG@setur.fo imaluunniit mobil +298 520094 aqqutigalugu attavigineqarsinnaavoq.
Aaqqissuusseqqinnermut Isumalioqatigiissitap sulinera Naalakkersuisut.gl aqqutigalugu Aningaasaqarnermut Akileraartarnermullu Naalakkersuisoqarfiup ataani malinnaaffigineqarsinnaavoq.