Qimmitit qimuttut paarikkit

Qimmit qimuttut inuttulli sulinissamut timimillu kissartuutinnissaanut nerinermikkut nukissaqalersarput. Qimmit annertuumik qimutsinneqassappata nerukkarnerusariaqarput, silaallu nillernerani kissassimaarnerussappata aamma nerukkarnerusariaqarlutik.

Aputaarutilerpoq qimmit ukioqqinnissaanut qimukkunnaassallutik. Qimmit qimuttannginnerisa nalaani annikinnerusumik nerukkartarneqarsinnaapput. Kisianni eqqaamajuk qimmit sanigorpallaannginnissaat illit akisussaaffigigakku.

Qimmitit qumaqarpata, nerisaasa ilaannut qumat pisarput, qumallu nukittuninngortarput amerlasuunngorlutillu. Qumaat qimminut qimuttunut nukillaarsaasarput, taamaattumillu qimmitit nerukkarnissaat pingaaruteqarpoq nukissaqarnerussammata. Qimmit nerisaminiit qumanittarput, annamikkullu iminnut tuniluussinnaallutik. Qimmiaqqat allissappata nukittuunngorlutillu, qumaqannginnissaat pingaaruteqarpoq, nerukkaatissallu aqqutigalugit nukissat tamaasa pisassallugit. Qimmiaqqat piaqqiunerminni tamatigungajak arnaminnit qumaqartarput.

Arlalinnik iliuuseqarsinnaavutit:

1) Qimmilivinnit annat piiarlugit.
2) Qimmitit ukiumut marloriarlugit, imaluunniit pisariaqarpat arlaleriarlugit qumaajakkit.
3) Arnavissat ilumittut qumaajakkit.
4)5) Qimmiaraatitit sapaatip akunnerinik 3-nik 6-nik aamma qulinik utoqqaassuseqalerpata qumaajakkit.

Qumaajaatinik pisariaqartitsinermi Namminersorlutik Oqartussat telemedicin atorlugu aaqqiinerat atorlugu pissarsisinnaavutit, ”Teledyrlægen”. Uumasunut Nakorsaqarfik Inuussutissalerinermullu Oqartussaaffik (UNIO) uumasut@nanoq.gl atorlugu attavigiuk.

Qassinik qimmeqarnerlutit, kiisalu qassit 25 kg sinnerlugu oqimaassuseqarnersut allaguk.
Qimmitit aamma imeqartinneqartariaqarput. Aputeqartinnagu qimmit imermik isumagineqartuassapput. Qimmit qimuttut imeq 1 liter ullormut pisariaqartippaat, kiatsillugulu marloriaataa pisariaqartillugu

Qimmit tamarmik panertumiitinneqassapput. Qimmitit kuup eqqaaniippata panertumik nallavissaqartinneqassapput, kuummilu erngup qaffannissaa sianigalugu.
Kalaallit qimmiat qimuttoq illersorniarlugu piujuaannarnissaalu eqqarsaatigalugu Namminersorlutik Oqartussat akiuussutissat ID-millu nalunaaqutsersuinerit akilertarpaat.

Inatsimmi allassimavoq illiusoq qimmivit akiuussuserneqarnissaanut ID-millu nalunaaqutsernissaannut akisussaasoq. Inatsimmi allassimavoq, taamaaliornissaq kommunit isumagisassarigaat. Illiuvorli qimmitit pillugit kommunimut ilisimatitsisussaq. Taamaattumik qimmiaraatitaaruit imaluunniit allap qimmiinik pissarsiguit kommuni attavigissavat.

Qimmitit ullut tamaasa alakkartassavatit. Inatsisit taama oqarput. Uani qulakkiissavat peqqissuunissaat, nerukkarluarneqartarneri, imeqartinneqartuarneri kalunnernillu nerngallassimannginnersut.

Nerukkaasarneq, akiuussusersuineq, imaluunniit qimmit pillugit apeqqutissaqaruit UNIO uumasut@nanoq.gl atorlugu attavigisinnaavat.

Ataatsimoorluta, Kalaallit qimmiat qimuttoq nukittuutut peqqissutut tulluusimaarutaasutullu piujuartitsigu.

Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl