Naalakkersuisut siunissami aalisarnermut ilinniarfiit nukittorsarniarpaat
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Naalakkersuisut aalisarnerup iluani siunissami ilinniarfiit nutarsarlugillu ineriartorteqqinniarlugit sulinertik aallartisarpaat.
Tamanna pivoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik akunnerup naanerani ulluni 18.-19. aprilimi suliassaqarfimmi tunngasunik siullerpaamik isumasioqatigiittoqarmat, tassanilu qitiutinneqarput piginnaanngorsaqqiinissaq, ilinniartitaanerup imarisai inuussutissarsiummilu ineriartornerit, taamatullu Nunatsinni aalisarnermut tunngasunik siunissami ilinniarfinnik inerisaanissamut tunngaviusussat.
Ilulissani ingerlanneqarnera asuliinnaanngilaq, tassami nunatta immikkoortua tamanna Nunatsinni aalisarfiunerpaat ilaanniikkami inuussutissarsiummilu siunissami piginnaasanik ineriartortitsinissamut pissusissamisut pingaaruteqartumik inissisimalluni.
Workshoppimi inuussutissarsiummik ingerlataqartut, suliassaqarfimmi kattuffiit, ilinniarfinnit, Kalaallit Nunaanni Ilinniartitaanermut Siunnersuisoqatigiit oqartussallu attuumassuteqartut ataatsimoortillugit peqataatinneqarput, siunissamilu aalisarnermut ilinniarfiit tunngaviat patajaallisarniarlugu kiisalu ilinniakkap inuussutissarsiortullu akornanni qaninnerusumik attaveqalernissat qulakkeerumallugu.
Ullormi siullermi ilinniartitaaneq qitiutinneqarpoq, matumanilu siunissami aalisartut suut piginnaaneqarfigissagaat, ilinniarfinnullu neqeroorutit inuussutissarsiortut pisariaqartitaannut naapertuuttunngortinnissaannut qanoq aaqqissuunneqassanersut. Peqataasunit siornatigut inassuteqaataasimasut pillugit eqqartuinerminni ilaatigut, atuartitsissutit nutaat pisariaqartinneqarneri kiisalu aalisarnermut tunngasumik suliaqarnermut atuarfimmik pilersitsisoqarsinnaanissaa eqqartorpaat.
Ullup aappassaani ukkatarineqarput aalisarnermi nutaaliorneq inerisaanerlu, nunatsinnit nunallu tamalaaneersunit suliaqartunit saqqummiisoqarluni, matumanilu Iceland Ocean Cluster, aalisarnermi siunissami periarfissaasinnaasunik oqallinnermi tunngavissiillutik, kiisalu siunissami ilinniarnernut suut nutaaliuutaasut qanoq piumasaqaateqassanersut ilanngullugit eqqarsaatigalugit.
Workshoppimut qitiulluinnartumik malitseqartitsineq tassaavoq inuussutissarsiutinut ilinniarfinnit ingerlanneqartumik inuussutissarsiuteqartunit ilinniarfinnillu peqataaffigineqartumik suleqatigiissitamik pilersitsineq. Suleqatigiissitat oqaloqatigiittarfittut isumasioqatigiittarfittullu atuuffeqassapput, isummerfigisassallu pingaarnerit ineriartornissamullu periarfissat oqaloqatigiissutigineqartassallutik, sulinermillu misilittakkat suleriaqqinnissamut ingerlaavartumik ilanngunneqartassallutik. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup tamanna tunngavigalugu workshopperneq malitseqartitsivigissavaa suliarlu taanna ingerlateqqillugu aalisarnermut ilinniarfinnik inerisaanissamut suliniutit pillugit oqaloqatigiinnerit tigussaasunngortissallugit.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Nivi Olsen, ima oqarpoq:
“Ilinniakkatta inuussutissarsiutini ineriartornermut malinnaanissaat pingaaruteqarluinnarpoq. Suliaq aallartinneqartoq tulluusimaarutigaara, naalakkersuisoqatigiinnissamilu isumaqatigiissummi neriorsuutigineqartutut inuussutissarsiortut qanimut suleqatigalugit ilinniarfiit inerisassallugit salliutissavarput.”
Aalisarnermut, Piniarnermut, Nunalerinermut Imminullu Pilersornermut Naalakkersuisoq, Peter Borg ima oqaaseqarpoq:
“Aalisarneq inuiaqatigiitsinni aningaasarsiornermi pingaarnersaavoq, politikikkullu pingaartilluinnarparput aalisarnerup iluani ilinniartitaanerit nukittorsarnissaat. Suliami tunniusimallutik peqataasorpassuaqarnera nuannerpoq, naatsorsuutigineqarlunilu inuussutissarsiummik inerisaanermut suliamut suli immersuisoqarumaartoq."
Workshopperneq aalisarnermi eqaannerusumik, ataqatigiinnerusumik siunissamullu qulakkeerinninnerusumik pilersitsiniarnermut suliami pingaaruteqarluinnartumik alloriarneruvoq. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik suleqatigeeqqinnissamut, inuussutissarsiortunik qanimut oqaloqateqarnissamut, workshoppip malitseqartinnissaanut kiisalu inerneri suliniutinut tigussaasunngortinnissaannut qilanaaraat.
Eqqaamajuk Facebook aamma Instagram aqqutigalugit Naalakkersuisoqarfiit malinnaaffigisinnaangakkit:
Paasissutissat sukumiinerusut pillugit attavigiuk: Immikkoortortami pisortaq Trine Egede, Toqq/direkte 34 50 00, mail: treg@nanoq.gl
Tamanna pivoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik akunnerup naanerani ulluni 18.-19. aprilimi suliassaqarfimmi tunngasunik siullerpaamik isumasioqatigiittoqarmat, tassanilu qitiutinneqarput piginnaanngorsaqqiinissaq, ilinniartitaanerup imarisai inuussutissarsiummilu ineriartornerit, taamatullu Nunatsinni aalisarnermut tunngasunik siunissami ilinniarfinnik inerisaanissamut tunngaviusussat.
Ilulissani ingerlanneqarnera asuliinnaanngilaq, tassami nunatta immikkoortua tamanna Nunatsinni aalisarfiunerpaat ilaanniikkami inuussutissarsiummilu siunissami piginnaasanik ineriartortitsinissamut pissusissamisut pingaaruteqartumik inissisimalluni.
Workshoppimi inuussutissarsiummik ingerlataqartut, suliassaqarfimmi kattuffiit, ilinniarfinnit, Kalaallit Nunaanni Ilinniartitaanermut Siunnersuisoqatigiit oqartussallu attuumassuteqartut ataatsimoortillugit peqataatinneqarput, siunissamilu aalisarnermut ilinniarfiit tunngaviat patajaallisarniarlugu kiisalu ilinniakkap inuussutissarsiortullu akornanni qaninnerusumik attaveqalernissat qulakkeerumallugu.
Ullormi siullermi ilinniartitaaneq qitiutinneqarpoq, matumanilu siunissami aalisartut suut piginnaaneqarfigissagaat, ilinniarfinnullu neqeroorutit inuussutissarsiortut pisariaqartitaannut naapertuuttunngortinnissaannut qanoq aaqqissuunneqassanersut. Peqataasunit siornatigut inassuteqaataasimasut pillugit eqqartuinerminni ilaatigut, atuartitsissutit nutaat pisariaqartinneqarneri kiisalu aalisarnermut tunngasumik suliaqarnermut atuarfimmik pilersitsisoqarsinnaanissaa eqqartorpaat.
Ullup aappassaani ukkatarineqarput aalisarnermi nutaaliorneq inerisaanerlu, nunatsinnit nunallu tamalaaneersunit suliaqartunit saqqummiisoqarluni, matumanilu Iceland Ocean Cluster, aalisarnermi siunissami periarfissaasinnaasunik oqallinnermi tunngavissiillutik, kiisalu siunissami ilinniarnernut suut nutaaliuutaasut qanoq piumasaqaateqassanersut ilanngullugit eqqarsaatigalugit.
Workshoppimut qitiulluinnartumik malitseqartitsineq tassaavoq inuussutissarsiutinut ilinniarfinnit ingerlanneqartumik inuussutissarsiuteqartunit ilinniarfinnillu peqataaffigineqartumik suleqatigiissitamik pilersitsineq. Suleqatigiissitat oqaloqatigiittarfittut isumasioqatigiittarfittullu atuuffeqassapput, isummerfigisassallu pingaarnerit ineriartornissamullu periarfissat oqaloqatigiissutigineqartassallutik, sulinermillu misilittakkat suleriaqqinnissamut ingerlaavartumik ilanngunneqartassallutik. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup tamanna tunngavigalugu workshopperneq malitseqartitsivigissavaa suliarlu taanna ingerlateqqillugu aalisarnermut ilinniarfinnik inerisaanissamut suliniutit pillugit oqaloqatigiinnerit tigussaasunngortissallugit.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Nivi Olsen, ima oqarpoq:
“Ilinniakkatta inuussutissarsiutini ineriartornermut malinnaanissaat pingaaruteqarluinnarpoq. Suliaq aallartinneqartoq tulluusimaarutigaara, naalakkersuisoqatigiinnissamilu isumaqatigiissummi neriorsuutigineqartutut inuussutissarsiortut qanimut suleqatigalugit ilinniarfiit inerisassallugit salliutissavarput.”
Aalisarnermut, Piniarnermut, Nunalerinermut Imminullu Pilersornermut Naalakkersuisoq, Peter Borg ima oqaaseqarpoq:
“Aalisarneq inuiaqatigiitsinni aningaasarsiornermi pingaarnersaavoq, politikikkullu pingaartilluinnarparput aalisarnerup iluani ilinniartitaanerit nukittorsarnissaat. Suliami tunniusimallutik peqataasorpassuaqarnera nuannerpoq, naatsorsuutigineqarlunilu inuussutissarsiummik inerisaanermut suliamut suli immersuisoqarumaartoq."
Workshopperneq aalisarnermi eqaannerusumik, ataqatigiinnerusumik siunissamullu qulakkeerinninnerusumik pilersitsiniarnermut suliami pingaaruteqarluinnartumik alloriarneruvoq. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik suleqatigeeqqinnissamut, inuussutissarsiortunik qanimut oqaloqateqarnissamut, workshoppip malitseqartinnissaanut kiisalu inerneri suliniutinut tigussaasunngortinnissaannut qilanaaraat.
Eqqaamajuk Facebook aamma Instagram aqqutigalugit Naalakkersuisoqarfiit malinnaaffigisinnaangakkit:
Paasissutissat sukumiinerusut pillugit attavigiuk: Immikkoortortami pisortaq Trine Egede, Toqq/direkte 34 50 00, mail: treg@nanoq.gl