Imarisassat tusarnaarlugit atuarlugitTanbreez-imut piiaanissamut akuersissutip toqqaannanngitsumik allamut tunniunneqarnissaa Naalakkersuisut akueraat
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup nalunaarutigaa, Tanbreez Mining Greenland A/S-imut aatsitassanik aalajangersimasunik piiaanissamut akuersissutip MIN 2020-54 toqqaannanngitsumik allamut tunniunneqarnissaa Naalakkersuisut tamarmiusut akuerigaat.
Toqqaannanngitsumut allamut tunniussinerup kingunerisaanik ingerlatseqatigiiffiup akuersissummik pigisaqartup piginnittui allannguuteqarput, akuersissuterpiaq suli ingerlatseqatigiiffimmi tassani nalunaarsorsimaannarluni. Tamanna assersuutigalugu ingerlatseqatigiiffimmi qullersaqarfiusumi aktiaatinik tunisinermi pisinnaasarpoq. Toqqaannanngitsumut allamut tunniussineq taamaalilluni toqqaannartumik allamut tunniussinermiit allaaneruvoq, tassani akuersissut ingerlatseqatigiiffimmiit ingerlatseqatigiiffimmut allamut nuutinneqartarmat. Akuersissut pisinnaatitsissummik pigisaqartumiiginnartussaavoq, ingerlatseqatigiiffimmik aqutsineq aalajangiisuusumillu sunniuteqarneq allanngortinneqarlutik.
Nunanut Allanut, Inuussutissarsiornermut Aatsitassanullu Naalakkersuisoq, Múte B. Egede, oqarpoq:
”Kalaallit Nunaata kujataani Killavaat Alannguanni Tanbreez-imut aatsitassanik piiaanissamut akuersissutip toqqaannanngitsumik allamut tunniunneqarnissaa Naalakkersuisut akuereqqammerpaat. Kalaallit Nunaanni ingerlatseqatigiiffik Tanbreez Mining Greenland A/S suli akuersissummut pisinnaatitsissummik pigisaqartuuvoq. Akuersissuteqarnermi matumani piginnittut tunuliaqutaasut taamaallaat allanngortinneqarput.
Toqqaannanngitsumik allamut tunniussereernerup kingorna ingerlatseqatigiiffik Critical Metals Corp, Tanbreez-imi aalajangiisuusumik sunniuteqalerpoq, tassani akuersissuteqarnissaq sioqqullugu Rimbal Pty Ltd. inissisimasimalluni.
Naalakkersuisut aatsitassanut akuersissummik allamut tunniussinissaq akuerippassuk, tamatuma Aatsitassanut inatsimmut naapertuuttumik pinissaa pingaaruteqarluinnarpoq. Naalakkersuisut tassunga atatillugu toqqaannanngitsumik allamut tunniussinissaq ataatsimoortumik nalilersorpaat, ilanngullugu aningaasaqarnikkut teknikkikkullu pisinnaasaqarnissamut piumasaqaat suli naammassineqaannassanersoq. Suliassap allamut tunniunneqarnerani tassunga tunngaviusut imaluunniit siunissami periarfissat ajorseriartinneqassanngillat, ilanngullugit inuiaqatigiinnut, avatangiisinut mianerinninnissaq aammalu piujuartitsiviusumik ineriartortitsinerup suli qulakkeersimaneqarnissaa.”
Pissusiviusut
Aatsitassanik piiaanissamut akuersissut suua?
Piiaanissamut akuersissummi ingerlatseqatigiiffik sumiiffimmi aatsitassanik peqarfimmut uppernarsarneqarsimasumut kisermaassisussaatitaalersinneqartarpoq. Piiaanissamut akuersissut ukiunik 30-nik piffissalerneqarajuppoq, sivitsorneqarnissaa periarfissaqartinneqartarluni. Taamaattoq piiaanissamut akuersissut aatsitassarsiorluni ingerlatassat aallartinnissaannut killeqanngitsumik periarfissaqalersitsinngilaq. Akuersissuteqarnerit arlallit inissitsinneqaqqaartussaapput.
Akuersissut sunut pisinnaatitaaffeqalersitsiva?
Akuersissummi aatsitassanik ingerlatseqatigiiffiup peqarfimmik uppernarsarsimasaannik piiaanerup ingerlannissaanut kiisalu inatsisinut atuuttunut naapertuuttumik ingerlatassanik tassunga atasunik suliaqarnissamut pisinnaatitsissummik pigisaqartoq periarfissinneqarpoq.
Aatsitassanik piiaanissamut akuersissut sumi inissisimava?
Aatsitassanik piiaanissamut akuersissut Kalaallit Nunaata kujataani Narsap kangiani sumiiffimmi Killavaat Alannguanni inissisimavoq. Ingerlatseqatigiiffik aatsitassamit eudialyt-imit aatsitassanik qaqutigoortunik piiaalersaarpoq. Tanbreez Mining Greenland A/S Avatangiisinut sunniutaasussanik nalilersuinerminnut (VVM), Inuiaqatigiinni piujuaannartitsisumik ingerlatsinermik nalilersuinerminut (VSB) aammalu Impact Benefit Agreement-imut (IBA) isumaqatigiissummut akuerineqareerpoq.
Akuersissummut piiaanermik suliaqarnerup aallartinnginnerani aatsitassarsiorfimmut pilersaarut aammalu matusinissamut pilersaarut akuerineqarsimasussaapput. Pilersaarutit taakkua inuiaqatigiinnut avatangiisinullu killissaliussat, VVM-imut aamma VSB-imut nalunaarusiani nassuiarneqartut, iluanniitinneqassapput. Aatsitassarsiorfimmut matusinissamullu pilersaarutit piiaanermik suliaqarnernut ingerlatseqatigiiffiup tamatuma kingorna ingerlassinnaasaannut killissaliipput, aammalu aatsitassarsiorfiup matunerani suliassami saliinissamut aningaasaqarnikkut qularnaveeqqusiinermik kinguneqartussaalluni. Ingerlatassat tamarmik Naalakkersuisunit akuerineqarsimasussaapput.
Piiaanissamut akuersissutinik allamut tunniussinissaq aammalu pisinnaatitsissummik pigisaqartumut piumasaqaatit pillugit Aatsitassanut inatsimmi qanoq aalajangersaasoqarpa?
Toqqaannartumik imaluunniit toqqaannanngitsumik allamut tunniussinissaq pillugu qinnuteqaatit suliarineqarneranni inatsimmi piumasaqaatit naammassineqarsimanersut Naalakkersuisut ataatsimoortumik nalilersuisarput, ilanngullugu pingaartumik piginnittoqarneranik nakkutiginninnermut pisinnaatitsissummillu pigisaqartup suli piukkunnassuseqarneranut tunngatillugu.
Aatsitassanut tunngasunik suliaqarneq pillugu Inatsisartut inatsisaat nr. 26, 13. Juni 2023-meersoq malillugu akuersissutip allamut tunniunneqarnera atuutissappat Naalakkersuisunit akuerineqarsimasussaavoq, takuuk § 69. Piiaanissamut akuersissutinut pisinnaatitsissummik pigisaqartut sukkulluunniit Kalaallit Nunaanni aallaaveqarnissaat, Naalakkersuisut akuersissuteqarneranni allanngortinneqanngilaq. Allamut tunniussinerup kingorna piiaanissamut akuersissutinut pisinnaatitsissummik pigisaqartut suli aktiaatileqatigiiffiussapput Kalaallit Nunaanni angerlarsimaffeqartutut nalunaarsorsimasut, takuuk § 45 imm 1. Aammattaaq aktiaatileqatigiiffimmi aqutsisut suli Kalaallit Nunaanni inissisimasussaapput, takuuk § 45 imm. 2.
Aatsitassanut inatsimmi § 66 naapertorlugu pisinnaatitsissummik pigisaqartut akuersissut malillugu suliassap ingerlatassallu naammassinissaannut sukkulluunniit pisariaqartunik teknikkikkut aningaasaqarnikkullu pisinnaasaqassapput. Allamut tunniussinerup kingorna pisinnaatitsissummik pigisaqartup akuersissummut pisussaaffiit tamaasa naammassisinnaassagai piumasaqaataavoq.
Aatsitassanut inatsimmi § 67 naapertorlugu pisinnaatitsissummik pigisaqartoq, inuit pisinnaatitsissummik pigisaqartumi aalajangiisuusumik sunniuteqarnermik piginnittuusut imaluunniit ingerlatsisuusut, aammalu inuit pisinnaatitsissummik pigisaqartup aqutsisuiniittut, ilanngullugit siulersuisuni, pisortaatitani, nakkutilliisoqarfimmi assigisaaniluunniit aqutsisuusuniittut, pinerluttuliorluni ingerlatanut arlalinnut ukiut kingulliit 4-t iluanni pineqaatissinneqarsimaqqusaanngillat imaluunniit akiliisinneqarnissamut imaluunniit allatut pillagaanissamut pineqaatissinneqarnissamulluunniit akuersisimaqqusaanatik. Pinerluttuliorluni ingerlatat taakkua tassaapput akiliilluni peqquserlutsitsineq, pinerluttut aaqqissuussaaneranni peqataaneq, ajortumeeriniarluni iliuuseqarnerit, pinerlunnikkut aningaasarsianik malunnarunnaarsaaneq, meeqqanik sulisoqarneq aammalu inunnik niueruteqarneq.
Aatsitassanut inatsimmi § 67 imm. 2 naapertorlugu pisinnaatitsissummik pigisaqartoq aammalu inuit aqutsisuniittut siuliani taaneqartut piffissaq akuersissuteqarfiusoq tamaat teknikkikkut aningaasaqarnikkullu pisariaqartumik pisinnaasaqarnissamut piumasaqaatit aammalu pinerluttuliornermut tunngatillugu pissutsit naammassisimasussaavaat.
Attaveqarfissaq
Tusagassiortut saaffiginnissutai: Jørgen T. Hammeken-Holm, tlf. 346800 imaluunniit asn@nanoq.gl
Saaffiginnissutit allat: Pisinnaatitsissutinut immikkoortortaqarfik, tlf. 346800 imaluunniit mlsa@nanoq.gl
Toqqaannanngitsumut allamut tunniussinerup kingunerisaanik ingerlatseqatigiiffiup akuersissummik pigisaqartup piginnittui allannguuteqarput, akuersissuterpiaq suli ingerlatseqatigiiffimmi tassani nalunaarsorsimaannarluni. Tamanna assersuutigalugu ingerlatseqatigiiffimmi qullersaqarfiusumi aktiaatinik tunisinermi pisinnaasarpoq. Toqqaannanngitsumut allamut tunniussineq taamaalilluni toqqaannartumik allamut tunniussinermiit allaaneruvoq, tassani akuersissut ingerlatseqatigiiffimmiit ingerlatseqatigiiffimmut allamut nuutinneqartarmat. Akuersissut pisinnaatitsissummik pigisaqartumiiginnartussaavoq, ingerlatseqatigiiffimmik aqutsineq aalajangiisuusumillu sunniuteqarneq allanngortinneqarlutik.
Nunanut Allanut, Inuussutissarsiornermut Aatsitassanullu Naalakkersuisoq, Múte B. Egede, oqarpoq:
”Kalaallit Nunaata kujataani Killavaat Alannguanni Tanbreez-imut aatsitassanik piiaanissamut akuersissutip toqqaannanngitsumik allamut tunniunneqarnissaa Naalakkersuisut akuereqqammerpaat. Kalaallit Nunaanni ingerlatseqatigiiffik Tanbreez Mining Greenland A/S suli akuersissummut pisinnaatitsissummik pigisaqartuuvoq. Akuersissuteqarnermi matumani piginnittut tunuliaqutaasut taamaallaat allanngortinneqarput.
Toqqaannanngitsumik allamut tunniussereernerup kingorna ingerlatseqatigiiffik Critical Metals Corp, Tanbreez-imi aalajangiisuusumik sunniuteqalerpoq, tassani akuersissuteqarnissaq sioqqullugu Rimbal Pty Ltd. inissisimasimalluni.
Naalakkersuisut aatsitassanut akuersissummik allamut tunniussinissaq akuerippassuk, tamatuma Aatsitassanut inatsimmut naapertuuttumik pinissaa pingaaruteqarluinnarpoq. Naalakkersuisut tassunga atatillugu toqqaannanngitsumik allamut tunniussinissaq ataatsimoortumik nalilersorpaat, ilanngullugu aningaasaqarnikkut teknikkikkullu pisinnaasaqarnissamut piumasaqaat suli naammassineqaannassanersoq. Suliassap allamut tunniunneqarnerani tassunga tunngaviusut imaluunniit siunissami periarfissat ajorseriartinneqassanngillat, ilanngullugit inuiaqatigiinnut, avatangiisinut mianerinninnissaq aammalu piujuartitsiviusumik ineriartortitsinerup suli qulakkeersimaneqarnissaa.”
Pissusiviusut
Aatsitassanik piiaanissamut akuersissut suua?
Piiaanissamut akuersissummi ingerlatseqatigiiffik sumiiffimmi aatsitassanik peqarfimmut uppernarsarneqarsimasumut kisermaassisussaatitaalersinneqartarpoq. Piiaanissamut akuersissut ukiunik 30-nik piffissalerneqarajuppoq, sivitsorneqarnissaa periarfissaqartinneqartarluni. Taamaattoq piiaanissamut akuersissut aatsitassarsiorluni ingerlatassat aallartinnissaannut killeqanngitsumik periarfissaqalersitsinngilaq. Akuersissuteqarnerit arlallit inissitsinneqaqqaartussaapput.
Akuersissut sunut pisinnaatitaaffeqalersitsiva?
Akuersissummi aatsitassanik ingerlatseqatigiiffiup peqarfimmik uppernarsarsimasaannik piiaanerup ingerlannissaanut kiisalu inatsisinut atuuttunut naapertuuttumik ingerlatassanik tassunga atasunik suliaqarnissamut pisinnaatitsissummik pigisaqartoq periarfissinneqarpoq.
Aatsitassanik piiaanissamut akuersissut sumi inissisimava?
Aatsitassanik piiaanissamut akuersissut Kalaallit Nunaata kujataani Narsap kangiani sumiiffimmi Killavaat Alannguanni inissisimavoq. Ingerlatseqatigiiffik aatsitassamit eudialyt-imit aatsitassanik qaqutigoortunik piiaalersaarpoq. Tanbreez Mining Greenland A/S Avatangiisinut sunniutaasussanik nalilersuinerminnut (VVM), Inuiaqatigiinni piujuaannartitsisumik ingerlatsinermik nalilersuinerminut (VSB) aammalu Impact Benefit Agreement-imut (IBA) isumaqatigiissummut akuerineqareerpoq.
Akuersissummut piiaanermik suliaqarnerup aallartinnginnerani aatsitassarsiorfimmut pilersaarut aammalu matusinissamut pilersaarut akuerineqarsimasussaapput. Pilersaarutit taakkua inuiaqatigiinnut avatangiisinullu killissaliussat, VVM-imut aamma VSB-imut nalunaarusiani nassuiarneqartut, iluanniitinneqassapput. Aatsitassarsiorfimmut matusinissamullu pilersaarutit piiaanermik suliaqarnernut ingerlatseqatigiiffiup tamatuma kingorna ingerlassinnaasaannut killissaliipput, aammalu aatsitassarsiorfiup matunerani suliassami saliinissamut aningaasaqarnikkut qularnaveeqqusiinermik kinguneqartussaalluni. Ingerlatassat tamarmik Naalakkersuisunit akuerineqarsimasussaapput.
Piiaanissamut akuersissutinik allamut tunniussinissaq aammalu pisinnaatitsissummik pigisaqartumut piumasaqaatit pillugit Aatsitassanut inatsimmi qanoq aalajangersaasoqarpa?
Toqqaannartumik imaluunniit toqqaannanngitsumik allamut tunniussinissaq pillugu qinnuteqaatit suliarineqarneranni inatsimmi piumasaqaatit naammassineqarsimanersut Naalakkersuisut ataatsimoortumik nalilersuisarput, ilanngullugu pingaartumik piginnittoqarneranik nakkutiginninnermut pisinnaatitsissummillu pigisaqartup suli piukkunnassuseqarneranut tunngatillugu.
Aatsitassanut tunngasunik suliaqarneq pillugu Inatsisartut inatsisaat nr. 26, 13. Juni 2023-meersoq malillugu akuersissutip allamut tunniunneqarnera atuutissappat Naalakkersuisunit akuerineqarsimasussaavoq, takuuk § 69. Piiaanissamut akuersissutinut pisinnaatitsissummik pigisaqartut sukkulluunniit Kalaallit Nunaanni aallaaveqarnissaat, Naalakkersuisut akuersissuteqarneranni allanngortinneqanngilaq. Allamut tunniussinerup kingorna piiaanissamut akuersissutinut pisinnaatitsissummik pigisaqartut suli aktiaatileqatigiiffiussapput Kalaallit Nunaanni angerlarsimaffeqartutut nalunaarsorsimasut, takuuk § 45 imm 1. Aammattaaq aktiaatileqatigiiffimmi aqutsisut suli Kalaallit Nunaanni inissisimasussaapput, takuuk § 45 imm. 2.
Aatsitassanut inatsimmi § 66 naapertorlugu pisinnaatitsissummik pigisaqartut akuersissut malillugu suliassap ingerlatassallu naammassinissaannut sukkulluunniit pisariaqartunik teknikkikkut aningaasaqarnikkullu pisinnaasaqassapput. Allamut tunniussinerup kingorna pisinnaatitsissummik pigisaqartup akuersissummut pisussaaffiit tamaasa naammassisinnaassagai piumasaqaataavoq.
Aatsitassanut inatsimmi § 67 naapertorlugu pisinnaatitsissummik pigisaqartoq, inuit pisinnaatitsissummik pigisaqartumi aalajangiisuusumik sunniuteqarnermik piginnittuusut imaluunniit ingerlatsisuusut, aammalu inuit pisinnaatitsissummik pigisaqartup aqutsisuiniittut, ilanngullugit siulersuisuni, pisortaatitani, nakkutilliisoqarfimmi assigisaaniluunniit aqutsisuusuniittut, pinerluttuliorluni ingerlatanut arlalinnut ukiut kingulliit 4-t iluanni pineqaatissinneqarsimaqqusaanngillat imaluunniit akiliisinneqarnissamut imaluunniit allatut pillagaanissamut pineqaatissinneqarnissamulluunniit akuersisimaqqusaanatik. Pinerluttuliorluni ingerlatat taakkua tassaapput akiliilluni peqquserlutsitsineq, pinerluttut aaqqissuussaaneranni peqataaneq, ajortumeeriniarluni iliuuseqarnerit, pinerlunnikkut aningaasarsianik malunnarunnaarsaaneq, meeqqanik sulisoqarneq aammalu inunnik niueruteqarneq.
Aatsitassanut inatsimmi § 67 imm. 2 naapertorlugu pisinnaatitsissummik pigisaqartoq aammalu inuit aqutsisuniittut siuliani taaneqartut piffissaq akuersissuteqarfiusoq tamaat teknikkikkut aningaasaqarnikkullu pisariaqartumik pisinnaasaqarnissamut piumasaqaatit aammalu pinerluttuliornermut tunngatillugu pissutsit naammassisimasussaavaat.
Attaveqarfissaq
Tusagassiortut saaffiginnissutai: Jørgen T. Hammeken-Holm, tlf. 346800 imaluunniit asn@nanoq.gl
Saaffiginnissutit allat: Pisinnaatitsissutinut immikkoortortaqarfik, tlf. 346800 imaluunniit mlsa@nanoq.gl