Imarisassat tusarnaarlugit atuarlugitKuummiuni qimmit qimuttut tuniluusinnaasumik nappaateqarsorineqartut
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Kalaallit Nunaani Uumasunut Nakorsaqarnermut Inuussutissalerinermullu Oqartussaaffik (UNIO) Kuummiuni qimmit qimuttut tuniluussinnaasumik nappaateqarneranik pasitsaassilluni allakkanik 9. april 2026 tigusaqarpoq. Pasitsaanneqartut tassaapput qimmiaqqat pingasut qimmeqatigiinnit assigiinngitsunit marlunneersut. Pasitsaaneqartut aappaani qimmiaqqat marluk 3-6 qaammatillit pineqarput pasitsaassallu aappaani qimmiaraq sapaatit akunnerinik 6-inik utoqqaassusilik naappaaateqarsorineqartoq pineqarpoq.
Nappaatit suli suussuserneqanngillat parvoviruseqartoqarneratigulli aseruuttoortoqarsimanissaa pasitsaanneqarluni qimmiaqqammi qimminit inersimasunit taamatut eqqugaanissaminnut qaninnerusarmata.
Kuummiuni kapuuinerit qanittukkut ingerlanneqarput, kapuuinissamullu maleruagassat Tasiilami oqartussat Kuummiunilu kapuuisartoq suleqatigalugit piffissap ilaanni sukateriffigineqarsimapput.
Nappaatinut qimminit pingasuneersunut tunngatillugu annertuumik tunillaassuuttoqalersinnaanissaa aarleqqutigisariaqanngitsoq UNIO-mit oqaatigineqarpoq.
Qimminik qimuttunik akiuussutissanik kapuuinerit tamarmik UNIO-mit aqunneqarput. Kapuuinikkut parviovirus-mut, qimmit nappaataanut tingukkullu aseruuttoorsinnaanissamut akiuussutissanik ukiuni pingasuni atuuttussanik kapiusoqartarpoq. Qimmiaqqat suli akiuussuserneqarsimanngitsut tunillatsissinnaanissamut aarlerinartorsiornerpaasarput.
Parvovirus-eqalersimanermut tunngatillugu ersiutaasartut ilaatigut tassaasarput qasoqqaneq, kissarneqalerneq, neriumajunnaarneq aattalimmik meriarlunilu anartalernermik, imerusunnermik oqilinermillu kinguneqartartoq. Nappaat qimminut toqqutaakkajuttarpoq, inunnulli tunillaasinnaagani.
UNIO-mit erseqqissaatigineqarpoq Kalaallit Nunaani tamarmi qimmit akiuussutissanik kapineqartarnissaat inatsisitigut piumasaqaataammat. Qimminik qimuttunik qimmeqarfiusuni kapuuinerit piginnittunit aningaasartuutigineqarneq ajorput. Qimmitit akiuussutissanik kapineqarsimanngippata kommuunerisat saaffigiuk.
Tusagassiutinut nalunaarummut apeqqutissaqartoqaruni uumasullu nappaateqarlersimanerinik pasitsaassinermi Uumasunut Nakorsaqarnermut Inuussutissalerinermullu Oqartussaaffik attavigineqassaaq e-mail uumasut@nanoq.gl aamma oqarasuaat 34 50 00 aqqutigalugit.
Nappaatit suli suussuserneqanngillat parvoviruseqartoqarneratigulli aseruuttoortoqarsimanissaa pasitsaanneqarluni qimmiaqqammi qimminit inersimasunit taamatut eqqugaanissaminnut qaninnerusarmata.
Kuummiuni kapuuinerit qanittukkut ingerlanneqarput, kapuuinissamullu maleruagassat Tasiilami oqartussat Kuummiunilu kapuuisartoq suleqatigalugit piffissap ilaanni sukateriffigineqarsimapput.
Nappaatinut qimminit pingasuneersunut tunngatillugu annertuumik tunillaassuuttoqalersinnaanissaa aarleqqutigisariaqanngitsoq UNIO-mit oqaatigineqarpoq.
Qimminik qimuttunik akiuussutissanik kapuuinerit tamarmik UNIO-mit aqunneqarput. Kapuuinikkut parviovirus-mut, qimmit nappaataanut tingukkullu aseruuttoorsinnaanissamut akiuussutissanik ukiuni pingasuni atuuttussanik kapiusoqartarpoq. Qimmiaqqat suli akiuussuserneqarsimanngitsut tunillatsissinnaanissamut aarlerinartorsiornerpaasarput.
Parvovirus-eqalersimanermut tunngatillugu ersiutaasartut ilaatigut tassaasarput qasoqqaneq, kissarneqalerneq, neriumajunnaarneq aattalimmik meriarlunilu anartalernermik, imerusunnermik oqilinermillu kinguneqartartoq. Nappaat qimminut toqqutaakkajuttarpoq, inunnulli tunillaasinnaagani.
UNIO-mit erseqqissaatigineqarpoq Kalaallit Nunaani tamarmi qimmit akiuussutissanik kapineqartarnissaat inatsisitigut piumasaqaataammat. Qimminik qimuttunik qimmeqarfiusuni kapuuinerit piginnittunit aningaasartuutigineqarneq ajorput. Qimmitit akiuussutissanik kapineqarsimanngippata kommuunerisat saaffigiuk.
Tusagassiutinut nalunaarummut apeqqutissaqartoqaruni uumasullu nappaateqarlersimanerinik pasitsaassinermi Uumasunut Nakorsaqarnermut Inuussutissalerinermullu Oqartussaaffik attavigineqassaaq e-mail uumasut@nanoq.gl aamma oqarasuaat 34 50 00 aqqutigalugit.