Imarisassat tusarnaarlugit atuarlugitPiniarnermut allagartaq kingusinnerpaamik apriilip 30-iat 2026 akilerneqassaaq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Tuttunniarnissamut aamma umimmanniarnissamut akuersissutinik qinnuteqassagaanni piniarnermut allagartaq akilerneqartariaqarpoq. Piniarsinnaanermut allagartat pillugit Namminersorlutik Oqartussat nalunaarutaat naapertorlugit inuussutissarsiutigalugu aamma sunngiffimmi piniarsinnaanermut allagartallit ukiumi pineqartumi kingusinnerpaamik oktobarip ulluisa 15-iat pisatik nalunaarutiginissaat pisussaaffigaat.
Ukioq manna 2026-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarniaraanni piniarnermut allagartaq kingusinnerpaamik sisamanngornermi apriilip 30-anni 2026-mi akilerneqareersimassaaq.
Tamanna inuussutissarsiutigalugu piniartunut aamma sunngiffimmi pinialuttartunut atuuppoq. Piniarnermut allagartaq kingusinnerpaamik sisamanngornermi apriilip 30-anni 2026-mi akilerneqarsimanngippat 2026-mi tuttunniarnissamut umimmanniarnissamullu akuersissutinik qinnuteqartoqarsinnaassanngilaq.
Tuttunik aamma umimmannik pisanik nalunaaruteqareersimanissaq
Tuttut aamma umimmaat piniagaanerat illersugaanerallu pillugit Namminersorlutik Oqartussat nalunaarutaat nutaat 2025-mi atuutilersut naapertorlugit akuersissutinik qinnuteqarsinnaassagaanni ukiup siuliani pisanik nalunaaruteqareersimanissaq piumasaqaataavoq.
Taamaammat ukiumi 2025-mi tuttunik aamma umimmannik pisanik nalunaaruteqareersimasut kiisalu qinnuteqartut nutaat piumasaqaatinik naammassinnittut kisimik ukiumi 2026-mi tuttunniarnissamut aamma umimmanniarnissamut akuersissutinik qinnuteqarsinnaassapput. Ukiumiit 2025-miit tuttunik aamma umimmannik pisanik nalunaaruteqarnissaq kingusinnerpaamik sisamanngornermi apriillip 30-anni 2026-mi pisinnaassaaq.
Tuttunik aamma umimmannik pisanik nalunaaruteqarniaraanni tamanna kommunit kiffartuussiviinut akuersissummik utertitsinikkut imaluunniit www.sullissivik.gl aqqutigalugu imminut sullinnikkut pisinnaavoq.
Ukiuni marlunni najugaqarsimasuunissaq
Piniarneq aallaaniarnerlu pillugit Inatsisartut inatsisaat naapertorlugu Piniakkanut killilersukkanut, soorlu tuttunniarnissamut umimmanniarnissamullu akuersissutinik, qinnuteqartoqartillugu ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissaq piumasaqaataavoq. Tamannali sunngiffimmi pinialuttartunut taamaallaat atuuppoq.
Piniarnermut allagartamik qinnuteqarniaraanni tamanna kommunit kiffartuussiviini imaluunniit imminut sullinnikkut www.sullissivik.gl aqqutigalugu pisinnaavoq. Piniarnermut allagartamik akiliineq MitID atorlugu www.sullissivik.gl aqqutigalugu imaluunniit allakkerivinni pisinnaavoq.
Piniarnermut allagartamut akiliut 250 kr.-iuvoq.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail amalie@nanoq.gl
Ukioq manna 2026-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarniaraanni piniarnermut allagartaq kingusinnerpaamik sisamanngornermi apriilip 30-anni 2026-mi akilerneqareersimassaaq.
Tamanna inuussutissarsiutigalugu piniartunut aamma sunngiffimmi pinialuttartunut atuuppoq. Piniarnermut allagartaq kingusinnerpaamik sisamanngornermi apriilip 30-anni 2026-mi akilerneqarsimanngippat 2026-mi tuttunniarnissamut umimmanniarnissamullu akuersissutinik qinnuteqartoqarsinnaassanngilaq.
Tuttunik aamma umimmannik pisanik nalunaaruteqareersimanissaq
Tuttut aamma umimmaat piniagaanerat illersugaanerallu pillugit Namminersorlutik Oqartussat nalunaarutaat nutaat 2025-mi atuutilersut naapertorlugit akuersissutinik qinnuteqarsinnaassagaanni ukiup siuliani pisanik nalunaaruteqareersimanissaq piumasaqaataavoq.
Taamaammat ukiumi 2025-mi tuttunik aamma umimmannik pisanik nalunaaruteqareersimasut kiisalu qinnuteqartut nutaat piumasaqaatinik naammassinnittut kisimik ukiumi 2026-mi tuttunniarnissamut aamma umimmanniarnissamut akuersissutinik qinnuteqarsinnaassapput. Ukiumiit 2025-miit tuttunik aamma umimmannik pisanik nalunaaruteqarnissaq kingusinnerpaamik sisamanngornermi apriillip 30-anni 2026-mi pisinnaassaaq.
Tuttunik aamma umimmannik pisanik nalunaaruteqarniaraanni tamanna kommunit kiffartuussiviinut akuersissummik utertitsinikkut imaluunniit www.sullissivik.gl aqqutigalugu imminut sullinnikkut pisinnaavoq.
Ukiuni marlunni najugaqarsimasuunissaq
Piniarneq aallaaniarnerlu pillugit Inatsisartut inatsisaat naapertorlugu Piniakkanut killilersukkanut, soorlu tuttunniarnissamut umimmanniarnissamullu akuersissutinik, qinnuteqartoqartillugu ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissaq piumasaqaataavoq. Tamannali sunngiffimmi pinialuttartunut taamaallaat atuuppoq.
Piniarnermut allagartamik qinnuteqarniaraanni tamanna kommunit kiffartuussiviini imaluunniit imminut sullinnikkut www.sullissivik.gl aqqutigalugu pisinnaavoq. Piniarnermut allagartamik akiliineq MitID atorlugu www.sullissivik.gl aqqutigalugu imaluunniit allakkerivinni pisinnaavoq.
Piniarnermut allagartamut akiliut 250 kr.-iuvoq.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail amalie@nanoq.gl