Naalakkersuisoq Arctic Circle Forum-imi peqataavoq aammalu qaqutigoortumik Pave mit naapitsilluni

Assi: © Vatican Media.

Ulluni Martsip 3 – 4-aanilu 2026 Arctic Circle Forum, Roma-mi ingerlanneqarpoq. Tassani Nunanut Allanut Ilisimatusarnermullu Naalakkersuisoq, Vivian Motzfeldt ammaanersiornermi oqalugiartut ilagaat. Arctic Circle Forum nunani assigiinngitsuni ingerlanneqartarpoq uanilu naapinneq siullerpaamik Roma-mi pivoq.

”Piffissami unaminartumi pingaartutut isigaara nunatsinnut tapersersuillutik nalunaaruteqarsimasut qanimut oqaloqatigisarnissaat aammalu avatitsinniittunut nunarput sinnerlugu ersarissumik isummagut saqqummiuttarnissaat. Uani perifiarfissaq atorluarsimavara Italiamiunut oqariartuutigut isummersuutigullu anngunnissaat. Aammaattaaq nunatsinnut tapersersuinerannut nunat assigiinngitsut sinniisuinut pingaartitsinerput oqariartuutiginissaa pingaaruteqarpoq.
” Taamatut oqariartuuteqarpoq Vivian Motzfeldt.

Roma-mi taamatut oqalliffimmi Naalakkkersuisunut ilaasortap aamma naapippai Italiamiut nunanut allanut ministeri, Antonio Tajani, Italiami ilisimatusarnermut siunnersuisooqatigiivisa pisortaat, Finland-imiut nunanut allanut ministeria, Elina Valtonen, Arctic Circle Assembly siuttua, Olafur Ragnar Grimsson aammalu peqataasorpassuit nunatsinnut tapersersuillutit oqariartuteqarnerat maluginiagassaavoq.

Romami tikeraarnermi aamma nunatsinni naalakkersuisutigoortumik qaqutigoortumik pisoqarpoq Naalakkersuisuni ilaasortap Paavi Leo ilassimmagu sapaatip akunnikkaartumik audiens-eqartitsineranut immikkut qaaqqusatut Peterspladsemi, Sct. Peter-p Oqaluffissaarsuata saani. Tamassuma kingorna Vatikan-statep nunanut allanut ministeria, Ærkebiskop Paul Richard Gallagher naalakkersuisumut ilaasortap ataatsimeeqatigaa.

Annertunerusumik paasisaqarusunnermi saaffigineqarsinnaavoq Naalakkersuisumut allatsi, Suinni L. Johansen pissarsiarineqarsinnaavoq: sljo@nanoq.gl