AtuartigukNunat Aqqinik Aalajangiisartunut ilaasortassanik toqqaaneq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Naalakkersuisut Nunat Aqqinik Aalajangiisartunut ilaasortassanik toqqaapput piffissami nutaami atuuttussanik, 1. januar 2026 – 31. december 2029.
1) Aviâja Rosing Jakobsen
2) Angutinnguaq Olsen
3) Uiloq Svensson Schmidt
4) Pele Blytmann
5) Jonas Petersen.
Nunat Aqqinik Aalajangiisartut pillugit Inatsisartut inatsisaat nr. 4, 1. juuni 2017-imeersumi § 4 malillugu Nunat Aqqinik Aalajangiisartut Naalakkersuisunit toqqarneqartarput suliffeqarfinnit soqutigisaqatigiinniillu inatsimmi taaneqartunit inassuteqartoqareerneratigut.
Nunat Aqqinik Aalajangiisartut tamarmiullutik ilisimasaqarfigissavaat nuanmi sumiiffiit, oqaluttuarisaaneq kulturilu, aamma ilaasortat Kalaallit Nunaanni aalajangersimasumik najugaqartuussapput. Ilaasortat ataasiakkaarlutik tamarmik piginnaaneqarfigissavaat aalajangiisartutut suliassaqarfinni sinniisuuffigisaminni immikkoortoq arlallilluunniit.
Nunat Aqqinik Aalajangiisartut ukiuni sisamani atuuttussatut toqqarneqartarput,namminnerlu siulittaasussartik toqqartarpaat. Oqaasileriffik Nunat Aqqinik Aalajangiisartunut allattoqarfiuvoq.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen imatut oqaaseqarpoq:
”Nunat Aqqinik Aalajangiisartuni piffissami atuuffimmi kingullermi ilaasortaasimasut angusaannut aallussilluarneranullu qutsavigerusuuppakka. Peqatigalugu ilaasortat nutaat aalajangiisartuni suliat nanginnissaanut malinnaaffigissallugu qilanaarpunga. Kissaappassilu tamassi pitsaasumik angusaqarfiusumillu suleqatigiikkumaartusi.”
Paasisaqarnerorusukkaanni allalluni attavigineqarsinnaapput, naalakkersuisup allattaa Kresten Lennert (Departementet for Uddannelse, Kultur, Idræt og Kirke) Toqq/direkte 34 5675, krlt@nanoq.gl