AtuartigukNaasupilummik spergel-imik akiuiniarneq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Spergel sunaava?
Spergel (Spergula arvensis) naasupiluuvoq nunamut eqqussaq, ammaannartumi siaruaatipallassinnaasoq. Naasoq nunatsinni naasunik nungutitsisinnaavoq, aamma imaani, ivigalinni nunaleriffiusunilu ajornartorsiortitsilersinnaalluni.
Spergel sooq akiorniarneqarpa?
- Naatsiiassat aqqutigalugit siaruaattarpoq
- Uumassusillit assigiinngisitaartuunerat annikillisittarpaa
- Narsani ivigartorfiusuni tunngavinnilu iluanaarutaasinnaasut pitsaassutsillu ajornerulersittarpai
- Naalluarsimagaangami nungutsikkuminaassinnaavoq
Spergel imatut akiorneqarsinnaavoq
Inunnut ataasiakkaanut
- Naatsiiassat iliorartinnagit naasoq peeruk
- Sorlaata peerneqarnissa pisariaqanngilaq, naasorli naatsiiassanitsinneqassanngilaq
- Spergelip naateqqinneqarnissaa pinngitsoortiguk – naasoq iginneqassaaq
- Eqqakkat, issoq atortullu aqqutigalugit naatsiiassat siammarternaveersaakkit
Nunalerisunut
- Naatsiiassaq ineritsinnagu sapinngisamik piaarnerpaamik akiuiniartoqassaaq
- Ukiup ingerlanerani utikattumik akiuiniartoqartariaqarpoq
- Atortorissaarut (nalimmassaat) atorlugu siusissukkut akiuiniarneq sunniuteqarnerpaasarpoq
- Maskiinat, nerukkaatissat issumillu nuussinerit aqqutigalugit siammarternaveersaaruk
- Naatsiiassaq ukiuni arlaqartuni nunami atasinnaavoq
- Pitsaaliuineq naatsiiassanillu annikillisaaneq ukkatarineqartariaqarput
Nunalerisutut inuussutissarsiuteqartut spergel-imik naasupilunnillu allanik akiuiniarneq pillugu Nunalerinermik Siunnersorteqarfimmut siunnersortissarsiorsinnaapput.
Ataatsimoortumik akisussaaffik
Spergel-imik akiuiniarneq ataatsimoorunneqartariaqarpoq. Siusissukkut iliuuseqarneq pitsaaliuinerlu siammarterneqarnerata killilerneqarnissaanut Kalaallillu Nunaanni pinngortitamik nunalerifffiusunillu illersuinissamut aalajangiisuulluinnarput.
Spergel kartoffelip naatsiiviani (Henrik Frederiksen, Nunalerinermut Siunnersorteqarfik)
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl