AtuartigukAalisarnermut akuersissutit ingerlaavartumik nutarterneqassapput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Inatsisartut aalisarnermut inatsisaat nutaaq nr. 29 af 23. maj 2024-meersoq, ulloq januaarip aallaqqaataa 2025 atuutilersoq, malillugu aalisartut angallatititk CVR-normumik GR-normunillu nalunaarsussagaat piumasaqaataavoq.
Takuuk: Umiatsiaararsortut 2026-mi aalisarsinnaanissaanut akuersissutit
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup CVR-nut angallatinullu nalunaarsukkanut paasissutissat ataavartumik katersorpai.
Akuersissutit siullermeerlugit nutarterneqarnissaat februaarip aallaqqaataani 2026 pilersaarutigineqaraluarpoq. Ulloq taanna aalisarnermut akuersissutit nutaamik normulerlugit siammarterneqarlutik.
Teknikkikkulli ajornartorsiuteqarneq pissutigalugit nutarterinerit pilersaarutigineqartutut suli ingerlanneqanngillat. Taamaattumik allamik nalunaaruteqartoqarnissaata tungaanut akuersissutip normua maannamut atorneqartoq tunisinermi atorneqartassaaq.
Akuersissutit nutarterneqarnissaat piffissami aggersumi ingerlanneqassaaq. Siullermik nutarterineq juunip aallaqqaataani 2026 ingerlanneqassaaq, aappassaaneerlunilu nutarterineq novemberip aallaqqaataani 2026 pissalluni.
Suliamut tunngatillugu ataavartumik paasissutissiineq ingerlanneqartassaaq.
Pisoq una persaqusersuutaasimassappat ajuusaarutigaarput.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl