AtuartigukNittartakkat DDoS-inut saassussinermit eqqorneqartut
Nassiussisuuvoq: Pinngortitamut Avatangiisinullu Naalakkersuisoqarfik
Massakkorpiaq nittartakkat arlallit eqqorniarlugit DDoS-inut saassusisoqaqattaarpoq. Saassussinerit uloriananngillat paasissutissanullu ajoqusiinatik, kisianni piffissami sivikinnerusumi nittartakkat iserfigineqarsinnaanerinut akornusersuisinnaallutik.
Digitalinngortitsinermut Aqutsisoqarfiup aamma Inuiaqatigiinni Isumannaallisaanermut Aqutsisoqarfik ilisimatitsivoq, maannarpiaq kalaallit nittartagaat eqqorniarlugit DDos-inut saassusisoqaqattaartoq. DDoS-it (Distributed Denial-of-Service) saassunneqarnerini nittartagaq piffissami sivikinnerusumi sivisunerusumiluunniit iserfigineqarsinnaajunnaartarput, kisiannili saassussinerit paasissutissaatinik atortunilluunniit saassunneqartunik aseruisinnaanngillat. Amerlanertigut saassussinerit piffissap sivikitsuinnaap iluani aaqqinneqarsinnaapput sakkortuunillu kingunerluuteqartussaanatik.
“Pisut malinnaaffigeqqissaarpagut, aammalu oqartussaasut attuumassutillit pisumut misissuileruttorput ingerlaavartumillu attaveqarfigaagut, . Saassussinerit taamaattut uloriananngimmata erseqqissassallugu pingaaruteqarpoq. Pisumut ingerlaavartumik paasissutissiisassaagut”, Aalisarnermut, Piniarnermut, Nunalerinermut, Imminullu Pilersornermut Avatangiisinullu Naalakkersuisoq Peter Borg taama oqarpoq.
Attaveqarfissaq
Annertunerusumik paasisaqarusunnermi Pinngortitamut Avatangiisinullu Naalakkersuisoqarfik pan@nanoq.gl aqqutigalugu attaveqarfigineqassaaq.