Ataqqinartorsuup Kunngip Kalaallit Nunaanni tikeraarnissaa

Ataqqinartorsuup Kunngip Kalaallit Nunaat ulluni 18.-20. februar 2026 tikeraassavaa.

Tikeraarneq Nuummi aallartinneqassaaq, Kunngi pingasunngorneq tamakkerlugu Nuummiissalluni. Kunngi Maniitsumut Kangerlussuarmullu sisamanngornermi tikeraassaaq. Tikeraarneq tallimanngorpat Kangerlussuarmi naggaserneqassaaq.

PILERSAARUT
Pilersaarut allanngortinneqarsinnaavoq. Piffissaliussat tamarmik missiliugaapput sumiiffinnilu nalunaaquttat malinneqarlutik.

Pingasunngorneq 18. februar
Nuup Mittarfianut pisortatigoortumik tikiffissaq Nal. 11.30 Kunngi Nuup Mittarfianut tikissaaq, tassani Kunngi Naalakkersuisut Siulittaasuannit Jens-Frederik Nielsenimit aamma Inatsisartut Siulittaasuannit Kim Kielsenimit tikilluaqquneqassalluni.

Hans Egedep Illuani ullup-qeqqasiorneq
Nal. 12.35
Naalakkersuisut Siulittaasuat Jens-Frederik Nielsen ullup-qeqqasiortitsissaaq.

Nuup ilinniarnertuunngorniarfiani takornarniartitsineq
Nal. 13.30
Kunngip Nuummi ilinniarnertuunngorniarfik GUX Nuuk pulaassavaa. Kunngi pulaarnermini atuarfimmi takornarniartinneqassaaq ilinniartunillu naapitsilluni.

Royal Greenlandimut pulaarneq
Nal. 14.10
Kunngi Nuummiinnermini Royal Greenlandimut pulaassaaq, suliffissuarmi takornarniartitsinermut peqataatinneqassalluni. Royal Greenland suliffeqarfiuvoq Kalaallit Nunaanni annerpaaq.

Issittumi Tunngaviusumik Ilinniarfimmi ilinniartunik naapitsineq
Nal. 14.50
Kunngip Nuup umiarsualiviani (umiarsuarmi alapernaarsuummi VÆDDEREN-imi) Issittumi Tunngaviusumik Ilinniarfimmi ilinniartut naapissavai. Issittumi Tunngaviusumik Ilinniarfimmi inuusuttut Kalaallit Nunaanni najugaqartut ilinniartinneqartarput, ilinniarnerminni Kalaallit Nunaanni suliassanik naammassinninnissamut illersornissamut upalungaarsimanissamullu piginnaasaqalernissaat anguniarlugu.

Issittumi Sakkutooqarfimmut pulaarneq
Nal. 15.15
Kunngi Nuummi Issittumi Sakkutooqarfiup allaffianut pulaassaaq.

Katuami kaffillerneq
Nal. 15.45
Kunngi kulturikkut illorsuarmi Katuami ileqquusutut kaffillertoqarneranut peqataassaaq. Kaffillerneq tamanut ammasuuvoq, tassani Kunngi Nuummi innuttaasunik naapitsinissamut periarfissaqartinneqarluni.

Hans Egedep Illuani nereqatigiinneq
Nal. 19.00
Naalakkersuisut Siulittaasuat, Jens-Frederik Nielsen, Nuummi Hans Egedep Illuani nereqatigiissitsissaaq.

Sisamanngorneq 19. februar

Maniitsumut tikinneq
Nal. 11.15
Kunngi Maniitsup Mittarfianut tikissaaq. tassani Qeqqata Kommuniani borgmesterip tullianit Gideon Lyberthimit tikilluaqquneqassalluni.

Kommunalbestyrelsimik ullup-qeqqasioqateqarneq Nal. 11.30

Kommunalbestyrelsi ullup-qeqqasiortitsisuussaaq.

Maniitsumi pulaarneq
Nal. 12.30
Kunngi illoqarfimmi takornarniartinneqassaaq, innuttaasunik ilassinninnissamut periarfissaqartillugu.

Suliffeqarfimmut Maniitsoq Lodges-imut pulaarneq
Nal. 13.05
Kunngi suliffeqarfimmut Maniitsoq Lodges-imut inuusuttunit aallarnisaasunit ingerlanneqartumut pulaassaaq. Tamatuma kingorna Kunngi Maniitsup eqqaani nunamut takornarniartinneqassaaq, tassani sumiiffimmi pinngortitamik uumasunillu paasisaqartinneqassalluni.

Maniitsup katersortarfiani kaffillerneq
Nal. 14.45

Kunngi Maniitsup katersortarfiani kaffillertoqarneranut peqataassaaq.

Kangerlussuarmut tikinneq
Nal. 17.30
Kunngi Kangerlussuup Mittarfianut tikissaaq

Kangerlussuarmi innuttaasunik ilassinninneq
Nal. 17.50
Kunngi Kangerlussuarmi KFUM soldaterhjemmemi illoqarfimmi innuttaasunik ilassinninnissamut periarfissaqartinneqassaaq.

Tallimanngorneq ulloq 20. februar
Kangerlussuarmi Issittumi Tunngaviusumik Ilinniarfimmut pulaarneq
Nal. 9.00

Kunngi Kangerlussuarmi Issittumi Tunngaviusumik Ilinniarfimmut 2024-mi ilinniartoqalertumut pulaassaaq.

Black Ridge-terræn-imi Issittumi Tunngaviusumik Ilinniarfimmut pulaarneq
Nal. 10.00
Ilinniartut najugaqarfimminnik takuniaatitsissapput sumiiffimmilu suliaqartarnerminni misilittakkatik oqaluttuaralugit.