AtuartigukNarsami inuussutissalerinermik ilinniarfimmi INUILI-mi/ Food College Greenland-imi pisortaq nutaaq atorfinitsinneqarpoq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup nuannaarutigalugu nalunaarutigissavaa Nivikka Brandt 1. april 2026 aallarnerfigalugu INUILI-mi pisortatut atorfinitsinneqarmat.
Nivikka Brandt Naalakkersiut Siulittaasoqarfiata Naalakkersuisoqarfiani immikkoortortaani HR-imik ineriartortitsinermi atorfeqarpoq, tassanilu Aqutsinermut tunngavissaat aamma Sulisut tunngavissaat ineriartortinneqarneranut akisussaasuusimavoq.
Nivikka inuussutissarsiutitigut ilinniartitaanerup iluani misilittagaqarpoq, soorlu siornatigut Imarsiornermik Ilinniarfimmi pisortaasimanermini.
Nivikka Brandt nunani avannarlerni ataatsimoorussamik suleqatigiinnermik aamma misilittagaqarpoq, aammalu aqqutissiuisuulluni nammineq pilersornermut, piniarnermut aalisarnermullu minnerunngitsumillu kalaallit pissarititaanik atuinerannut, tamannalu nerisassiornermik, nunalerinermik imminullu pilersornermik ilinniarfiup nutaap ilusilersornissaanut pingaaruteqarluinnarpoq.
Naalakkersuisoqarfiup pisortaq nutaaq suleqatigissallugu qilanaaraa.
Sukumiinerusumik paasisaqarusukkaanni attavigiguk Nuka Kleeemann nukkl@nanoq.gl tlf. 345683