AtuartigukQeqqata Kommuniani ukiuunerani umimmanniarneq tuttunniarnerlu
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Qeqqata Kommuniani silamik pissutsit taamaakkaluartut ukiuunerani umimmanniarneq aallartinneqalersoq piffissamilu februaarip 15-aniit marsip 7-at ilanngullugu sapaatip akunnerini pingasuni ingerlanneqartussaalluni Naalakkersuisoqarfimmiit matumuuna nalunaarutigineqarpoq.
Kangerlussuup qinnguani kangerlummi siku maannakkut qajannaatsuuvoq ingerlaarfigineqarsinnaallunilu, taamaattorli nunami suli aputeqanngilaq. Taamaammat Sisimiuniit ilummut Kangerlussuarmut anngussinnaanissaq umimmanniartartunut suli unammillernartussaassaaq, tassami nunap aputeqannginnera pissutigalugu assartuutinik motoorilinnik ingerlaarnissamut Qeqqata Kommunia ammaasinnaanngimmat.
Ilanngullugu Naalakkersuisoqarfik Piniarfik 2-mi – Sisimiut-Kangerlussuaq – piffissami tassani inuussutissarsiutigalugu tuttunniarnissamut periarfissamik aamma ammaassivoq, taamaaliornikkut aputeqarniarneq apeqqutaatinnagu inuussutissarsiutigalugu piniartunut periarfissaqarneq taamatullu aningaasanik isertitaqarsinnaaneq qulakkeerniarlugu.
Qeqqata Kommuniani ukiuunerani umimmanniarneq kinguartinneqarmalli Naalakkersuisoqarfiup, Qeqqata Kommuniata aamma inuussutissarsiutigalugu piniartut peqatigiiffiat SAPP-p akornanni oqaloqatigiittoqartarpoq Pinngortitaleriffimmiillu siunnersuineq tunngavigalugu aalajangiisoqarluni.
Sukumiinerusumik paasisaqarusukkaanni attavigiguk immikkoortortaqarfimmi pisortaq Amalie Jessen, e-mail: amalie@nanoq.gl
Kangerlussuup qinnguani kangerlummi siku maannakkut qajannaatsuuvoq ingerlaarfigineqarsinnaallunilu, taamaattorli nunami suli aputeqanngilaq. Taamaammat Sisimiuniit ilummut Kangerlussuarmut anngussinnaanissaq umimmanniartartunut suli unammillernartussaassaaq, tassami nunap aputeqannginnera pissutigalugu assartuutinik motoorilinnik ingerlaarnissamut Qeqqata Kommunia ammaasinnaanngimmat.
Ilanngullugu Naalakkersuisoqarfik Piniarfik 2-mi – Sisimiut-Kangerlussuaq – piffissami tassani inuussutissarsiutigalugu tuttunniarnissamut periarfissamik aamma ammaassivoq, taamaaliornikkut aputeqarniarneq apeqqutaatinnagu inuussutissarsiutigalugu piniartunut periarfissaqarneq taamatullu aningaasanik isertitaqarsinnaaneq qulakkeerniarlugu.
Qeqqata Kommuniani ukiuunerani umimmanniarneq kinguartinneqarmalli Naalakkersuisoqarfiup, Qeqqata Kommuniata aamma inuussutissarsiutigalugu piniartut peqatigiiffiat SAPP-p akornanni oqaloqatigiittoqartarpoq Pinngortitaleriffimmiillu siunnersuineq tunngavigalugu aalajangiisoqarluni.
Sukumiinerusumik paasisaqarusukkaanni attavigiguk immikkoortortaqarfimmi pisortaq Amalie Jessen, e-mail: amalie@nanoq.gl