AtuartigukAtaqqinartorsuup Kunngip Kalaallit Nunaanni tikeraarnissaanut PILERSAARUTAAGALLARTOQ
Nassiussisuuvoq: Naalakkersuisut Siulittaasuata Naalakkersuisoqarfia
Ataqqinartorsuup Kunngip Kalaallit Nunaat ulluni 18.-20. februar 2026 tikeraassavaa.
Kunngip tikeraarnini pingasunngornermi Nuummi aallartissavaa Nuullu mittarfianut pingasunngornerup ullaap tungaa tikissalluni, tassanilu Naalakkersuisup Siulittaasuanit Jens-Frederik Nielsenimit aamma Inatsisartut Siulittaasunit Kim Kielsenimit tikilluaqquneqassalluni. Kunngi pingasunngorneq tamakkerlugu Nuummiissaaq.
Kunngi sisamanngornermi Maniitsumut Kalaallit Nunaata kitaaniittumut, Nuummiillu 140 km missaanik avannarpasinnerusumiittumut tikeraassaaq. Ullup naanerani Kangerlussuarmut ingerlaqqissaaq.
Kunngi tallimanngornermi Kangerlussuarmiissaaq tassanilu Issittumi Tunngaviusumik Ilinniarfik pulaassallugu.
Sapaatip akunnerata tulliata aallartinnerani pilersaarut sukumiinerusoq saqqummiunneqarsinnaassaaq.
Tusagassiortunut ilisimatitsissutit
Tusagassiortut tikeraarnermi malinnaasussat angalanissaminnik najugaqarnissaminnillu namminneq isumaginninnissaat naatsorsuutigineqarpoq.
Kunngikkormiut Tusagassiisartui Naalagaaffiup Sinniisoqarfiani, Indaleeqqap Aqqutaani 3-mi 17. februar 2026 nal. 16.00, tusagassiortunik sivikitsumik ilisimatitsisoqassaaq tassani pilersaarutit pillugit erseqqinnerusumik ilisimatitsisoqassalluni, tassanittaaq tusagassiortut tikeraarnerup nalaani periarfissaat saqqummiunneqassallutik. Tusagassiortunik ilisimatitsinermi peqataaniartut uunga nalunaassapput akkreditering@kongehuset.dk kingusinnerpaamillu 17. februar nal. 12.00 nalunaareersimassallutik.
Tusagassiortut Naalakkersuisunut attaveqarfissaat: Naalakkersuisup allattaa Andreas Poulsen, oqarasuaat +299 345280 andp@nanoq.gl
Tusagassiortut kunngikkormiunut attaveqarfissaat: Siunnersortaaneq Lise Ann Knudsen, tlf. + 4540402413 imaluunniit LAK@kongehuset.dk