AtuartigukAvatangiisinut Aningaasaateqarfik suliassanut 2026-imi Kalaallit Nunaat minguinnerulersinniarlugu suliniutinut nukittorsaaviusussanut qinnuteqartoqarsinnaalerpoq
Nassiussisuuvoq: Pinngortitamut Avatangiisinullu Naalakkersuisoqarfik
Kalaallit Nunaat minguinnerulersinniarlugu avatangiisinut iluaqutaasussanik pitsaasunik isumassarsiaqarpit? Naalakkersuisut 2026-mi Avatangiisinut Aningaasaateqarfimmi pingaarnertut suliniuteqarfigisassat aalajangeqqammerpaat, suliniutinullu aningaasanik qinnuteqartoqarsinnaalerluni. Pingaarnertut eqqagassalerineq, imaani avatangiisit, piniariartarfiillu saligaatsuunissaat ukkataralugit pingaarnersiuinikkut pisariaqartitsiviunerpaaffiusuni – sapinngisamillu nuna tamaat isigalugu iluaqusiiffiusussanut sammtinniarneqassallutik.
10 mio. koruunit eqqakkanut, anartarfilerinermut, imaani avatangiisinut piniariarfinnilu saliinissamut atugassatut siunniunneqarput.
Avatangiisinut Aningaasaateqarfimmi avatangiisinut nuna tamakkerlugu pitsanngorsaanissamut piujuartitsiviusunillu nutaanik misileraaffiusunut pitsannguiniarluni suliniutinut pingaarutilinnut agguataarneqassapput. Avatangiisinut Aningaasaateqarfik Naalakkersuisut avatangiisinut politikkianni qitiusumik atortussatut inissisimavoq, nuna tamakkerlugu suliniutinut aalajangersimasunut avatangiisinullu pitsanngorsaavigineqarsinnaasunut atorneqarsinnaalissallutik. Kommunit, suliffeqarfiit, peqatigiiffiit, atuaqatigiiaat, innuttaasullu aningaasanik qinnuteqarsinnaapput.
2026-mi Naalakkersuisuni Avatangiisinut Aningaasaateqarfimmi politikkikkut pingaarnersiuinikkut aalajangersarneqarput. Aningaasat 10.028,164,91 koruunit suliniutinut nutaanut siunniutaammata, nunatsinni avatangiisinut nukingernartorsiorfiusinnaasunut aningaasat saliinissamut atorneqarnissaat siunnerfigineqarpoq, ukununnga: eqqagassalerineq, anartarfilerineq, imaani eqqakkat aammalu aalisarfinni piniariarfinnilu saliinissamut.
”Naalakkersuisut avatangiisinut politikkiat innuttaasunit takuneqarsinnaassaaq malugineqarsinnaassallunilu – aalajangersimasuussaaq ersarissallunilu. Uannut Avatangiisinut Aningaasaateqarfimmi politikkikkut aalajangiinerit nunaqarfinnut, illoqarfinnut pinngortitamullu politikkikkut aalajangiinerit pitsannguiniarnerillu pingaaruteqarput. 2026-mi Naalakkersuisuni eqqakkat, imartatsinni avatangiisit piniariartarfiillu pillugit nukingernartorsiorfiusinnaasunut aningaasaliinissamik salliutitsissaagut. Taakkunani nukingernartut ersarinnerpaammata – aammalu aaqqiissutissanik maannarpiaq pisariaqartitsiffiummata. Tamatuma peqatigisaanik aningaasaleeqataassuteqarnissamut piumasarineqartut appartissavagut, taamaalilluni amerlanerusut – taakkununngalu innuttaasut ilanngullugit – najukkaminni akisussaaffimmik tiguseqataasinnaalissammata. Taamaalilluta attanneqarsinnaasunik angusaqassaagut –taamaalilluta aamma suli amerlanerusut pinngortitami avatangiisinilu najukkatsinni eqqiluitsuutitsiniarnermi innuttaasut suleqataasinnaalernissaat angussavarput”, Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg oqarpoq.
Politikkikkut pingaarnersiuinikkut suliniutissat sisamat
2026-mi Avatangiisinut Aningaasaateqarfimmi pingaarnersiuinermi tulleriiarinikkut Avatangiisinut Aningaasaateqarfik pillugu Inatsisartut inatsisaat aamma Naalakkersuisut avatangiisit pillugit anguniagaat pingaarnerit tunngavigineqarput. Naalakkersuisuniit suliniuteqarfissat uku salliutinneqassasut aalajangerneqarpoq:
• Ikuallaavinnik eqqakkallu pillugit aaqqiissutissanik allanik pilersitsineq piorsaanerlu.
• Anartarfilerinermi atortunik pilersitsineq piorsaanerlu.
• Suliffeqarfiit, sullissiviit, inissiat eqqaanni imaluunniit asimi eqqakkat isumagineqarneri.
• Aalisarfinni piniariarfinnilu saliineq.
Aningaasat immikkoortunut ukununnga agguarneqarput:
• 6 mio. koruunit ikuallaavinni eqqagassalerinermiluallani suliniutit aaqqiivigineqarnissaannut.
• 1 mio. koruunit anartarfilerinermi atortunik suliniutit aaqqiivigineqarsinnaasunut.
• 1,4 mio.kr. suliffeqarfiit, sullissiviit, inissiat eqqaanni imaluunniit asimi eqqakkanik isumaginninnermut.
• 1,4 mio. koruunit aalisarnermi piniutaarsiutinut imaanilu eqqakkanik isumaginninnermut.
• 228.164,91 koruunit aalisarfinni piniarfinnilu saliinermut.
Aningaasanik pitsaanerusumik atuinissamut piumasaqaatit iluarsineqarneri
Aningaasat pitsaasumik aammalu amerlanerpaanut atorneqarnissaat qulakkeerniarlugu, 2026-mi aningaasaleeqataassutissanut piumasaqaatit iluarsineqassasut siunnersuutigineqarpoq:
• 10.000 koruunit sinnerlugit qinnuteqarnermi 10 %-inik aningaasaleeqataasoqassaaq.
• 10.000 koruuninik taakkuluunniit inorlugit qinnuteqarnermi aningaasaleeqataanissaq piumasarineqanngilaq.
Avatangiisinut Aningaasaateqarfik politikkikkut aningaasaliinissamut sakkuuvoq
Avatangiisinut Aningaasaateqarfik 2026-imi aningaasaatit atorneqanngitsut nuutat ilanngunnerini katillugit 18,0 mio. koruuninik atugassaqartinneqarpoq. Aningaasat ilaat nuna tamakkerlugu suliniutinut annertunerusunut pituttorneqareerput, taakkununngalu ilaasut tassaapput eqqagassanut aaqqiissutissat, kommunit eqqagassalerineri aamma umiarsuakunik piiaaneq. Sinaakkusiussani sinneruttut suliniutinut nutaanut Naalakkersuisuni politikkikkut pingaarnersiuinermi tulleriiaarinerit malillugit atorneqarnissaat siunnerfigineqarput.
Avatangiisinut Aningaasaateqarfik pillugu uani annertunerusumik atuagaqarit qinnuteqarnissamullu immersugassamut linki nassaaralugu
Attaveqarfissaq
Annertunerusumik paasisaqarusunnermi Pinngortitamut Avatangiisinullu Naalakkersuisoqarfik pan@nanoq.gl aqqutigalugu attaveqarfigineqassaaq.
10 mio. koruunit eqqakkanut, anartarfilerinermut, imaani avatangiisinut piniariarfinnilu saliinissamut atugassatut siunniunneqarput.
Avatangiisinut Aningaasaateqarfimmi avatangiisinut nuna tamakkerlugu pitsanngorsaanissamut piujuartitsiviusunillu nutaanik misileraaffiusunut pitsannguiniarluni suliniutinut pingaarutilinnut agguataarneqassapput. Avatangiisinut Aningaasaateqarfik Naalakkersuisut avatangiisinut politikkianni qitiusumik atortussatut inissisimavoq, nuna tamakkerlugu suliniutinut aalajangersimasunut avatangiisinullu pitsanngorsaavigineqarsinnaasunut atorneqarsinnaalissallutik. Kommunit, suliffeqarfiit, peqatigiiffiit, atuaqatigiiaat, innuttaasullu aningaasanik qinnuteqarsinnaapput.
2026-mi Naalakkersuisuni Avatangiisinut Aningaasaateqarfimmi politikkikkut pingaarnersiuinikkut aalajangersarneqarput. Aningaasat 10.028,164,91 koruunit suliniutinut nutaanut siunniutaammata, nunatsinni avatangiisinut nukingernartorsiorfiusinnaasunut aningaasat saliinissamut atorneqarnissaat siunnerfigineqarpoq, ukununnga: eqqagassalerineq, anartarfilerineq, imaani eqqakkat aammalu aalisarfinni piniariarfinnilu saliinissamut.
”Naalakkersuisut avatangiisinut politikkiat innuttaasunit takuneqarsinnaassaaq malugineqarsinnaassallunilu – aalajangersimasuussaaq ersarissallunilu. Uannut Avatangiisinut Aningaasaateqarfimmi politikkikkut aalajangiinerit nunaqarfinnut, illoqarfinnut pinngortitamullu politikkikkut aalajangiinerit pitsannguiniarnerillu pingaaruteqarput. 2026-mi Naalakkersuisuni eqqakkat, imartatsinni avatangiisit piniariartarfiillu pillugit nukingernartorsiorfiusinnaasunut aningaasaliinissamik salliutitsissaagut. Taakkunani nukingernartut ersarinnerpaammata – aammalu aaqqiissutissanik maannarpiaq pisariaqartitsiffiummata. Tamatuma peqatigisaanik aningaasaleeqataassuteqarnissamut piumasarineqartut appartissavagut, taamaalilluni amerlanerusut – taakkununngalu innuttaasut ilanngullugit – najukkaminni akisussaaffimmik tiguseqataasinnaalissammata. Taamaalilluta attanneqarsinnaasunik angusaqassaagut –taamaalilluta aamma suli amerlanerusut pinngortitami avatangiisinilu najukkatsinni eqqiluitsuutitsiniarnermi innuttaasut suleqataasinnaalernissaat angussavarput”, Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg oqarpoq.
Politikkikkut pingaarnersiuinikkut suliniutissat sisamat
2026-mi Avatangiisinut Aningaasaateqarfimmi pingaarnersiuinermi tulleriiarinikkut Avatangiisinut Aningaasaateqarfik pillugu Inatsisartut inatsisaat aamma Naalakkersuisut avatangiisit pillugit anguniagaat pingaarnerit tunngavigineqarput. Naalakkersuisuniit suliniuteqarfissat uku salliutinneqassasut aalajangerneqarpoq:
• Ikuallaavinnik eqqakkallu pillugit aaqqiissutissanik allanik pilersitsineq piorsaanerlu.
• Anartarfilerinermi atortunik pilersitsineq piorsaanerlu.
• Suliffeqarfiit, sullissiviit, inissiat eqqaanni imaluunniit asimi eqqakkat isumagineqarneri.
• Aalisarfinni piniariarfinnilu saliineq.
Aningaasat immikkoortunut ukununnga agguarneqarput:
• 6 mio. koruunit ikuallaavinni eqqagassalerinermiluallani suliniutit aaqqiivigineqarnissaannut.
• 1 mio. koruunit anartarfilerinermi atortunik suliniutit aaqqiivigineqarsinnaasunut.
• 1,4 mio.kr. suliffeqarfiit, sullissiviit, inissiat eqqaanni imaluunniit asimi eqqakkanik isumaginninnermut.
• 1,4 mio. koruunit aalisarnermi piniutaarsiutinut imaanilu eqqakkanik isumaginninnermut.
• 228.164,91 koruunit aalisarfinni piniarfinnilu saliinermut.
Aningaasanik pitsaanerusumik atuinissamut piumasaqaatit iluarsineqarneri
Aningaasat pitsaasumik aammalu amerlanerpaanut atorneqarnissaat qulakkeerniarlugu, 2026-mi aningaasaleeqataassutissanut piumasaqaatit iluarsineqassasut siunnersuutigineqarpoq:
• 10.000 koruunit sinnerlugit qinnuteqarnermi 10 %-inik aningaasaleeqataasoqassaaq.
• 10.000 koruuninik taakkuluunniit inorlugit qinnuteqarnermi aningaasaleeqataanissaq piumasarineqanngilaq.
Avatangiisinut Aningaasaateqarfik politikkikkut aningaasaliinissamut sakkuuvoq
Avatangiisinut Aningaasaateqarfik 2026-imi aningaasaatit atorneqanngitsut nuutat ilanngunnerini katillugit 18,0 mio. koruuninik atugassaqartinneqarpoq. Aningaasat ilaat nuna tamakkerlugu suliniutinut annertunerusunut pituttorneqareerput, taakkununngalu ilaasut tassaapput eqqagassanut aaqqiissutissat, kommunit eqqagassalerineri aamma umiarsuakunik piiaaneq. Sinaakkusiussani sinneruttut suliniutinut nutaanut Naalakkersuisuni politikkikkut pingaarnersiuinermi tulleriiaarinerit malillugit atorneqarnissaat siunnerfigineqarput.
Avatangiisinut Aningaasaateqarfik pillugu uani annertunerusumik atuagaqarit qinnuteqarnissamullu immersugassamut linki nassaaralugu
Attaveqarfissaq
Annertunerusumik paasisaqarusunnermi Pinngortitamut Avatangiisinullu Naalakkersuisoqarfik pan@nanoq.gl aqqutigalugu attaveqarfigineqassaaq.