AtuartigukKalaallit Nunaanni inuussutissarsiutinik ingerlataqartut, nunatsinni silap pissusianut periusissiassamut isummersuipput
Nassiussisuuvoq: Pinngortitamut Avatangiisinullu Naalakkersuisoqarfik
Pinngortitamut Avatangiisinullu Naalakkersuisoqarfiup Kalaallit Nunaanni inuussutissarsiutinik ingerlataqartut sinniisui, nunatsinni silap pissusianut periusissiassamut misilittakkaminnik isumassarsiaminnillu immersuinissaat pillugu suleqatigilerpai.
Kalaallit Nunaat 2024-mi Parisimi isumaqatigiissummut ilaalerpoq. Isumaqatigiissummi nunat namminneerlutik nunaminni silap pissusianut tapersiissutissaminnik aalajangiinissamut periarfissinneqarput. Taamaattumik Naalakkersuisut Kalaallit Nunaannut silap pissusianut periusissiaq suliaralugu aallartippaat. Suliap ingerlanerani, innuttaasut, inuiaqatigiinni inuinnaat, suliffeqarfiit pisortanilu sullissisut annertuumik akuutinneqarnissaannik qulakkeerinniffiusussaq atorneqarpoq. Taamaalilluni periusissiami Nunap Inoqqaavisa ilisimasaasa, najukkanit aallaaveqartut sivisuumillu atuuttussat aallaavigineqarnissaat qulakkeerniarneqarpoq.
Tamanna pissutigalugu januaarip naanerani, suliffeqarfinnit kiisalu suliniaqatigiiffinnit, ICC-tut aamma KNAPK-tut ittunit sinniisit sammisaqartitsinermut peqataatinneqarput. Taakkulu inuussutissarsiornermi misilittakkanik isumassarsianillu katersuineq, silap pissusianut periusissiassap ilusilernissaanut atorneqartussaq aallartippaat.
”Silap pissusiata allannguutai unammilligassarpassuarnik pilersitsipput. Tamakkulu sumiiffinniit sumiiffinnut aamma immikkoortortaniit immikkoor-tortanut assigiinngitsunik kinguneqarput. Taamaattumik Kalaallit Nunaanni inuussutissarsiutinik ingerlatalinnit sinniisit, assigiinngitsorpassuit misilittakkaminnik tapersiiniarlutik, kiisalu CO2-mik annikillisaaniarluni suliniutissanut silallu pissusianut naleqqussaanissamut isumassarsiatik tunngavigalugit, siunnersuuteqarniarlutik aalajangersimammata nuannaarutigaara,”, Aalisarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg oqarpoq.
”Nunatsinni silap pissusianut periusissiami siunertat pingaarnerit pingasuupput: Gassinik silaannarmik kissakkiartortitsisunik aniatitsinitsinnik annikillisitsinissamut periarfissat suunersut misissorneqassapput, inuiaqatigiit mingutsitsinngitsunut allannguiniarnerat qulakkeerneqassaaq, aammalu aningaasaqarnikkut siuariartorneq ingerlaannassaaq. Taamaattumik suliffeqarfiit, mikigaluarunik angigaluarunilluunniit, silap pissusianut periusissiap suliarineqarneranut akuutinneqarnissaat pingaaruteqarpoq,” Peter Borg nangippoq.
Suliffeqarfinnut peqataasunut Tusass ilaavoq. “Nunatsinni silap pissusianut periusissiornermut tapertaanissaq Tusass-ip pingaartippaa. Kalaallit Nunaata Parisimi isumaqatigiissummut ilaalersimanera, silallu pissusia pillugu suleqateqarnikkut peqataalluarnissamut, taamaalillutalu allanngueqataanissamut periarfissinneqarsimanerput tulluusimaarutigaarput,” Aviaja Bjerre Sørensen, Tusass-imi piujuartitsinermut siunnersortaaneq oqarpoq.
Silap pissusia pillugu suleqatigiiffiit tallimat pilersinneqarsimapput, taakkununngalu suliffeqarfinnik qitiusumillu sullissisunik allanik peqataasoqarpoq. Suliassaqarfiit uku sammineqarput: Nukissiutit allannguinerlu, Suliffissuaqarneq tunisassiornerlu, Illuliortiterneq sanaartornerlu, Assartuussineq niuernerlu, kiffartuussineq angerlarsimaffiillu. Suleqatigiiffiit tamarmik immikkut isumassarsiatik Naalakkersuisunullu inassuteqaatitik pillugit nalunaarusiussapput. Nalunaarusiat taakku ilaatigut immikkoortuni tamani immikkut annikillisitsiviusinnaasut, inuiaqatigiit aningaasaqarnerannut sunniutissat pillugit misissueqqissaarnernik, kiisalu suliniutissanut siunnersuutinik aalajangersimasunik atuutsitsilernissamullu piffissaliussanik imaqassapput.
Silap pissusia pillugu suleqatigiiffiit EU-mi ”Green Overseas Programme”-mut Ataatsimiititaliarsuarmit tapersersorneqarput.
Attaveqarfissaq
Annertunerusumik paasisaqarusunnermi Pinngortitamut Avatangiisinullu Naalakkersuisoqarfik pan@nanoq.gl aqqutigalugu attaveqarfigineqassaaq.
Kalaallit Nunaat 2024-mi Parisimi isumaqatigiissummut ilaalerpoq. Isumaqatigiissummi nunat namminneerlutik nunaminni silap pissusianut tapersiissutissaminnik aalajangiinissamut periarfissinneqarput. Taamaattumik Naalakkersuisut Kalaallit Nunaannut silap pissusianut periusissiaq suliaralugu aallartippaat. Suliap ingerlanerani, innuttaasut, inuiaqatigiinni inuinnaat, suliffeqarfiit pisortanilu sullissisut annertuumik akuutinneqarnissaannik qulakkeerinniffiusussaq atorneqarpoq. Taamaalilluni periusissiami Nunap Inoqqaavisa ilisimasaasa, najukkanit aallaaveqartut sivisuumillu atuuttussat aallaavigineqarnissaat qulakkeerniarneqarpoq.
Tamanna pissutigalugu januaarip naanerani, suliffeqarfinnit kiisalu suliniaqatigiiffinnit, ICC-tut aamma KNAPK-tut ittunit sinniisit sammisaqartitsinermut peqataatinneqarput. Taakkulu inuussutissarsiornermi misilittakkanik isumassarsianillu katersuineq, silap pissusianut periusissiassap ilusilernissaanut atorneqartussaq aallartippaat.
”Silap pissusiata allannguutai unammilligassarpassuarnik pilersitsipput. Tamakkulu sumiiffinniit sumiiffinnut aamma immikkoortortaniit immikkoor-tortanut assigiinngitsunik kinguneqarput. Taamaattumik Kalaallit Nunaanni inuussutissarsiutinik ingerlatalinnit sinniisit, assigiinngitsorpassuit misilittakkaminnik tapersiiniarlutik, kiisalu CO2-mik annikillisaaniarluni suliniutissanut silallu pissusianut naleqqussaanissamut isumassarsiatik tunngavigalugit, siunnersuuteqarniarlutik aalajangersimammata nuannaarutigaara,”, Aalisarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg oqarpoq.
”Nunatsinni silap pissusianut periusissiami siunertat pingaarnerit pingasuupput: Gassinik silaannarmik kissakkiartortitsisunik aniatitsinitsinnik annikillisitsinissamut periarfissat suunersut misissorneqassapput, inuiaqatigiit mingutsitsinngitsunut allannguiniarnerat qulakkeerneqassaaq, aammalu aningaasaqarnikkut siuariartorneq ingerlaannassaaq. Taamaattumik suliffeqarfiit, mikigaluarunik angigaluarunilluunniit, silap pissusianut periusissiap suliarineqarneranut akuutinneqarnissaat pingaaruteqarpoq,” Peter Borg nangippoq.
Suliffeqarfinnut peqataasunut Tusass ilaavoq. “Nunatsinni silap pissusianut periusissiornermut tapertaanissaq Tusass-ip pingaartippaa. Kalaallit Nunaata Parisimi isumaqatigiissummut ilaalersimanera, silallu pissusia pillugu suleqateqarnikkut peqataalluarnissamut, taamaalillutalu allanngueqataanissamut periarfissinneqarsimanerput tulluusimaarutigaarput,” Aviaja Bjerre Sørensen, Tusass-imi piujuartitsinermut siunnersortaaneq oqarpoq.
Silap pissusia pillugu suleqatigiiffiit tallimat pilersinneqarsimapput, taakkununngalu suliffeqarfinnik qitiusumillu sullissisunik allanik peqataasoqarpoq. Suliassaqarfiit uku sammineqarput: Nukissiutit allannguinerlu, Suliffissuaqarneq tunisassiornerlu, Illuliortiterneq sanaartornerlu, Assartuussineq niuernerlu, kiffartuussineq angerlarsimaffiillu. Suleqatigiiffiit tamarmik immikkut isumassarsiatik Naalakkersuisunullu inassuteqaatitik pillugit nalunaarusiussapput. Nalunaarusiat taakku ilaatigut immikkoortuni tamani immikkut annikillisitsiviusinnaasut, inuiaqatigiit aningaasaqarnerannut sunniutissat pillugit misissueqqissaarnernik, kiisalu suliniutissanut siunnersuutinik aalajangersimasunik atuutsitsilernissamullu piffissaliussanik imaqassapput.
Silap pissusia pillugu suleqatigiiffiit EU-mi ”Green Overseas Programme”-mut Ataatsimiititaliarsuarmit tapersersorneqarput.
Attaveqarfissaq
Annertunerusumik paasisaqarusunnermi Pinngortitamut Avatangiisinullu Naalakkersuisoqarfik pan@nanoq.gl aqqutigalugu attaveqarfigineqassaaq.