AtuartigukSuleqatigiissitap immikkut ilisimasalinni inuttallip siunissami sorarnerussutisiaqartitsinermik aaqqissuussineq pillugu suliani allartippai
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Ulloq 13. aamma 14. januar 2026 suleqatigiissitap immikkut ilisimasalinnik inuttallip ataatsimiinnini siulleq ingerlappaa. Suleqatigiissitap immikkut ilisimasalinnik inuttaqartup soraarnerussutisiaqartitsinermik aaqqissuusseqqinnermik annertuumik ataqatigiittumillu kaammattuutinik suliaqarnissamik Naalakkersuisunit pilersinneqarpoq. Pisortat utoqqalinermi soraarnerussutisiarititaat soraarnerussutisianillu aaqqissuussinerit allat sulinermut ilaatinneqarput, siunissamullu isumannaakkamik isumaginninnikkullu oqimaaqatigiittumik soraarnerussutisiaqartitsinermik aaqqissuussinermik piareersaanissaq siunertaavoq.
Ataatsimiinnermi siullermi suleqatigiissitap sulinerup ingerlaqqinnissaanut sinaakkutit erseqqinnerusut aalajangersarpai, tassani ukiuni aggersuni sulinissamut anguniakkat qitiusumillu sammisassat ilanngullugit.
Aaqqissuusseqqinnerup pisariinnerusumik eqaannerusumillu pisortat ingerlatsiveqarnissaannik politikikkut anguniagaq ikorfartussavaa, peqatigisaanillu soraarnerussutisiaqartitsinermik aaqqissuusamik patajaatsumik siunissamullu isumannaagaq qulakkiissavaa, tassani utoqqalinermi soraarnerussutisiat isumaginninnikkut nukittuumik suli qulakkeerisuullutillu,innuttaasunut utoqqarnut – aamma siunissami amerlanerit soraarnerussutisiaqartuuneranni – toqqissisimanermik inuuniarnermilu atukkanik naapertuuttunik ilapittuissalluni.
Suleqatigiissitami immikkut ilisimasalinnik inuttalimmi siulittaasoq Malîna Abelsen, ataatsimeeqqarnermi ima oqaaseqarpoq:
“Maanna ataatsimiinnerput siulleq ingerlassimaleratsigu, suleriaqqinnissamullu patajaatsumik toqqammaviliinerput annertuumik iluarisimaarpara. Suliap pisariunera inuiaqatigiinnullu pingaarutaa paaseqatigiiffiulluarpoq. Kattuffinnik soqutigisaqaqatigiiffinnillu allanik atituumik oqaloqateqarneq suliap ilagissavaa pingaarutilik, taamaalilluni kaammattuutit suliatigut patajaatsuullutillu piviusumi atorneqarsinnaasuussallutik.”
Sulinermi pisortat aningaasaqarnerannut innuttaasunilu eqimattani assigiinngitsuni aningaasatigut kinguneqaatinik misissueqqissarnerit ilaapput. Tamatuma saniatigut innuttaasut soqutigisaqaqatigiillu akuutinnissaat sulinermi pingaarutilittut ilaassaaq, ilaatigut sammisaqarluni workshopernertigut, maaji ingerlanneqartussatut pilersaarusiorneqartutigut.
Suleqatigiissitap immikkut ilisimasalinnik inuttallip kaammattuutai 2027-p allartinnerani saqqummiunneqassasut ilimagineqarpoq, taakkulu ataatsimut soraarnerussutisiaqartitsinermik aaqqissuusseqqinnermi politikikkut suliap ingerlateqqinneranut toqqammaviliissapput.
Suleqatigiissitami immikkut ilisimasalinnik inuttaqartumi siulittaasup tullia Jon Kvist ima oqaaseqarpoq:
“Kalaallit Nunaanni innuttaasut ukiumikkut katitigaaneri annertuumik allanngoraluttuarput, soraarnerussutisiaqartitsisarnermillu aaqqissuussinerup taakku isumaginninnikkut akisussaassusilimmik aningaasaqarnikkullu attanneqarsinnaasumik passussinnaassavai.
Suleqatigiissitap immikkut ilisimasalinnik inuttaqartup aalajangigassani toqqagassanut patajaatsumik toqqammavissamik pilersitsinissaq suliassaraa.”
Paasissutissat erseqqinnerusut kissaatigigaanni, suleqatigiissitami immikkut ilisimasalimmik inuttaqartumi siulittaasoq Malîna Abelsen mabelsen@gmail.com saaffigineqarsinnaavoq.
Suleqatigiissitap immikkut ilisimasalinnik inuttaqartup sulinera Naalakkersuisut.gl Isumaginninnermut, Suliffeqarnermut Nunamullu Namminermut Naalakkersuisoqarfiup ataani ingerlaavartumik malinnaavigineqarsinnaavoq.
Ataatsimiinnermi siullermi suleqatigiissitap sulinerup ingerlaqqinnissaanut sinaakkutit erseqqinnerusut aalajangersarpai, tassani ukiuni aggersuni sulinissamut anguniakkat qitiusumillu sammisassat ilanngullugit.
Aaqqissuusseqqinnerup pisariinnerusumik eqaannerusumillu pisortat ingerlatsiveqarnissaannik politikikkut anguniagaq ikorfartussavaa, peqatigisaanillu soraarnerussutisiaqartitsinermik aaqqissuusamik patajaatsumik siunissamullu isumannaagaq qulakkiissavaa, tassani utoqqalinermi soraarnerussutisiat isumaginninnikkut nukittuumik suli qulakkeerisuullutillu,innuttaasunut utoqqarnut – aamma siunissami amerlanerit soraarnerussutisiaqartuuneranni – toqqissisimanermik inuuniarnermilu atukkanik naapertuuttunik ilapittuissalluni.
Suleqatigiissitami immikkut ilisimasalinnik inuttalimmi siulittaasoq Malîna Abelsen, ataatsimeeqqarnermi ima oqaaseqarpoq:
“Maanna ataatsimiinnerput siulleq ingerlassimaleratsigu, suleriaqqinnissamullu patajaatsumik toqqammaviliinerput annertuumik iluarisimaarpara. Suliap pisariunera inuiaqatigiinnullu pingaarutaa paaseqatigiiffiulluarpoq. Kattuffinnik soqutigisaqaqatigiiffinnillu allanik atituumik oqaloqateqarneq suliap ilagissavaa pingaarutilik, taamaalilluni kaammattuutit suliatigut patajaatsuullutillu piviusumi atorneqarsinnaasuussallutik.”
Sulinermi pisortat aningaasaqarnerannut innuttaasunilu eqimattani assigiinngitsuni aningaasatigut kinguneqaatinik misissueqqissarnerit ilaapput. Tamatuma saniatigut innuttaasut soqutigisaqaqatigiillu akuutinnissaat sulinermi pingaarutilittut ilaassaaq, ilaatigut sammisaqarluni workshopernertigut, maaji ingerlanneqartussatut pilersaarusiorneqartutigut.
Suleqatigiissitap immikkut ilisimasalinnik inuttallip kaammattuutai 2027-p allartinnerani saqqummiunneqassasut ilimagineqarpoq, taakkulu ataatsimut soraarnerussutisiaqartitsinermik aaqqissuusseqqinnermi politikikkut suliap ingerlateqqinneranut toqqammaviliissapput.
Suleqatigiissitami immikkut ilisimasalinnik inuttaqartumi siulittaasup tullia Jon Kvist ima oqaaseqarpoq:
“Kalaallit Nunaanni innuttaasut ukiumikkut katitigaaneri annertuumik allanngoraluttuarput, soraarnerussutisiaqartitsisarnermillu aaqqissuussinerup taakku isumaginninnikkut akisussaassusilimmik aningaasaqarnikkullu attanneqarsinnaasumik passussinnaassavai.
Suleqatigiissitap immikkut ilisimasalinnik inuttaqartup aalajangigassani toqqagassanut patajaatsumik toqqammavissamik pilersitsinissaq suliassaraa.”
Paasissutissat erseqqinnerusut kissaatigigaanni, suleqatigiissitami immikkut ilisimasalimmik inuttaqartumi siulittaasoq Malîna Abelsen mabelsen@gmail.com saaffigineqarsinnaavoq.
Suleqatigiissitap immikkut ilisimasalinnik inuttaqartup sulinera Naalakkersuisut.gl Isumaginninnermut, Suliffeqarnermut Nunamullu Namminermut Naalakkersuisoqarfiup ataani ingerlaavartumik malinnaavigineqarsinnaavoq.