AtuartigukAtaatsimiititaliat Savalimmiunut angalanerat pillugu tusagassiorfinnut nalunaarut
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Inatsisit atuutsinneqarnerannut suliassaqarfimmi oqartussaasut aamma Retsudvalgimi/Rættarnevndinimi suleqatit aamma lagmandip inatsisit atuutsinneqarnerannut naalakkersuisuusup allaffia pulaarniarlugit, sapaatip akunnerani qaangiuttumi Inatsisit Atuutsinneqarnerannut suliassaqarfimmut Naalakkersuisoq akisussaasuusoq, Naaja H. Nathanielsen, aamma Inatsisartut Inatsisinut Ataatsimiititaliaanni aamma Ilaqutariinnermut Peqqissutsimullu Ataatsimiititaliaanni ilaasortat Savalimmiuni paasiniaallutik angalasimapput.
Pinerluttulerineq pillugu inatsiseqartitsinerup akisussaaffigineqarnerata Danmarkimit tiguneqarnissaa taamatuttaaq Kalaallit Nunaata pilersaarutigimmagu, pillaatissiisarneq pillugu inatsiseqartitsinermut suliassaqarfiup tiguneqarneranut atatillugu Savalimmiormiut misilittagaasa ilinniarfigineqarnissaat, tikeraarnerup siunertaraa.
”Savalimmiuni iligisatsinni ullut ilinniarfiulluarfigisimavagut”, Naalakkersuisoq Naaja H. Nathanielsen oqarpoq. “Inatsisiliornermik tigusineq annertoorujussuusinnaasoq pingaaruteqartorujussuusinnaasorlu pillugu aalajangiinnginnermi, allat misilittagaat, ajortut ajunngitsullu, tusaallugit ilinniarfiusorujussuusimapput. Pinerluttulerineq- imaluunniit pillaatissiisarneq pillugu inatsisip takkuttussap qanoq isikkoqarnissaanik partiit qanoq takorluuisinnaanersut pillugit, politikkikkut oqallinnerit aallartissimavagut, aamma piaarnerpaamik paasisimasaqarluartut gruppiata, kissaatit pitsaanerpaamik aamma isumaqatigiissutinut atuuttunut naapertuuttumik naammassineqarnissaannik periarfissanik misissuisussat, pilersinneqarnissaa isumaliuutaavoq. Tamanna tunngavigalugu ataatsimiititaliani ilaasortat Københavnimi aamma isummersuisit Justitia aamma Inunnut Pisinnaatitaaffinnut Institutti paasiniaalluni angalanermut atatillugu ataatsimeeqatigisimavaat.”
Paasisaqarnerorusukkuit naalakkersuisup allattaa Jeannette L. Petersen, jalp@nanoq.gl-ikkut attavigiuk.
Pinerluttulerineq pillugu inatsiseqartitsinerup akisussaaffigineqarnerata Danmarkimit tiguneqarnissaa taamatuttaaq Kalaallit Nunaata pilersaarutigimmagu, pillaatissiisarneq pillugu inatsiseqartitsinermut suliassaqarfiup tiguneqarneranut atatillugu Savalimmiormiut misilittagaasa ilinniarfigineqarnissaat, tikeraarnerup siunertaraa.
”Savalimmiuni iligisatsinni ullut ilinniarfiulluarfigisimavagut”, Naalakkersuisoq Naaja H. Nathanielsen oqarpoq. “Inatsisiliornermik tigusineq annertoorujussuusinnaasoq pingaaruteqartorujussuusinnaasorlu pillugu aalajangiinnginnermi, allat misilittagaat, ajortut ajunngitsullu, tusaallugit ilinniarfiusorujussuusimapput. Pinerluttulerineq- imaluunniit pillaatissiisarneq pillugu inatsisip takkuttussap qanoq isikkoqarnissaanik partiit qanoq takorluuisinnaanersut pillugit, politikkikkut oqallinnerit aallartissimavagut, aamma piaarnerpaamik paasisimasaqarluartut gruppiata, kissaatit pitsaanerpaamik aamma isumaqatigiissutinut atuuttunut naapertuuttumik naammassineqarnissaannik periarfissanik misissuisussat, pilersinneqarnissaa isumaliuutaavoq. Tamanna tunngavigalugu ataatsimiititaliani ilaasortat Københavnimi aamma isummersuisit Justitia aamma Inunnut Pisinnaatitaaffinnut Institutti paasiniaalluni angalanermut atatillugu ataatsimeeqatigisimavaat.”
Paasisaqarnerorusukkuit naalakkersuisup allattaa Jeannette L. Petersen, jalp@nanoq.gl-ikkut attavigiuk.