AtuartigukNorgemut 2026-mu aalisarneq pillugu isumaqatigiissuteqarneq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Kalaallit Nunaat Norgemut 2026-mut aalisarneq pillugu isumaqatigiissuteqarpoq. Isumaqatigiissummi Kalaallit Nunaata Norgep imartaani aamma Norgep Kalaallit Nunaata imartaani aalisarnera aalisarnermi nunat marluk suleqatigiinnerat aalajangersarneqarput.
Barentshavet-mi saarulliit pillugit ilisimatuussutsikkut siunnersuut suli appariartorpoq, Tamannalu tunngavigalugu Kalaallit Nunaannut saarullinnik, kullerinik sejinilu Norgep imartani pisassiissutit 780 tonsinik, 142 tonsinik aamma 121 tonsinik ikilisinneqarput. Taamaammat Norgemut Kalaallit Nunaata Kitaani qaleralinnik pisassiissutit 100 tonsinik, Tunumi qaleralinnik pisassiissutit 70 tonsinik, Tunumi nataarnanik pisassiissutit 15 tonsinik, suluppaakkanik pisassiissutit 100 tonsinik, tinguttuunik pisassiissut 180 tonsinik kiisalu imminnguanik pisassiissutit 50 tonsinik ikilisinneqarput.
Ukiumoortumik isumaqatigiinniarnerit atorfilinnit internetikkut ulluni 6. - 8. januar ingerlanneqarput. Kalaallit Nunaata aallartitai, Kalaallit Nunaata Aalisarnermik Piniarnermillu Nakkutilliivimmit, Aningaasaqarnermut Akileraartarnermullu Naalakkersuisoqarfimmit, Pinngortitaleriffimmit aamma aalisarnermik inuussutissarsiuteqartut sinnissaanit peqataaffigineqartumik Aalisarnermut Piniarnermut, Nunalerinermut Imminullu Pilersornermut Naalakkersuisoqarfimmit siuttuuffigineqarput.
Isumaqatigiissummut ilassut nutaaq kalaallisut nutserneqariarpat apn.gl-imi tamanut nalunaarutigineqassaaq.
2026-imi ukiullu siuliinik pisassiissutinik paarlaasseqatigiinnerit tabelimi ataaniittumi takutinneqarput.
Annertunerusunik paasisaqarusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik apn@nanoq.gl attavigiuk