2026-mi saattuartassat uiluittassat qaleralittassallu avataasiorluni aalisartunut tamarmiusut aalajangersaaffigineqarneri

Nunatta Kitaani 2026-mi saattuartassat, qaleralittassat uiluittassallu tamarmiusut Naalakkersuisunit 18. december aalajangersaaffigineqarput. 2026-mi pisassat tamarmiusut uani takuneqarsinnaapput: Naalakkersuisut.gl

Saattussat
NAFO-mi sumiiffimmi 1-imi saattuaqatigiit pillugit ilisimatuussutsikkut siunnersuineq ukiumut ataatsimut siunnersuinertut Pinngortitaleriffimmit suliarineqartarpoq.

Saattuartassanut aqutsinissamut pilersaarut 1. januar 2025 – 31. december 2030-mut atuuppoq. Pisassat tamarmiusut aqutsinissamut pilersaarutit tunuliaqutaralugit aalajangersarneqartarput. Avataani sinerissallu qanittuani pisassat tamarmiusut ataatsimuulersinneqarput. Sinerissap qanittuani taamaallaat siunnersuisoqassatillugu, sinerissap qanittuani pisarineqarsinnaasut tamarmiusut pillugit siunnersuineq tunngavigalugu siunnersuisoqartassaaq. Immikkoortoq 3 pineqartillugu aqutsinermut pilersaarutip piffissami atuuffiani pisassiissutit aalajangersimasut naleqqussaanermik aqutsineq tunngavigalugu aalajangersarneqartassapput.

Aqutsinissamik pilersaarummi malittarisassat tunngavigalugit aamma Aalisarneq pillugu Siunnersuisoqatigiinnut tusarniaareernermi 2026-mut saattuartassat tamarmiusut tullinnguuttumisut aalajangersarnerat inissinneqarput:

Uiluiit
Uiluinnut ilisimatuussutsikkut siunnersuutinik saqqummiisoqarneq ajorpoq. Pisassiissutaasartut ukiorpanngortuni tamakkerlugit pisarineqartanngillat. Uiluinnut TAC piffissami 2019-2025 assigalugu 2.520 tonsit aalajangiusimaneqassapput. Uiluinnut TAC ukiut siuliini agguaasseriaatsinut aqutsiveqarfinnut agguarneqassapput.

Qalerallit
2026-mut TAC Kalaallit Nunaata Kitaani avataasiorluni qaleralittassat 17.664 tonsit Naalakkersuisut akuersissutigaat. 2025-miit 1.161,5 tonsinik amerlanerupput.

Aalisagaqatigiinnut ilisimatuussutsikkut siunnersueriaaseq nutaaq 2026-mut atorneqalerpoq, TAC-mut siunnersuinermut aalajangersaanermut periuserineqarluni Fmsy (maximum sustainable yield).
Kalaallit Nunaat aamma Canada aalisarnermi MSC-mik meqqeqartitsisarput.

Taamaattumik Canada qanittumik suleqatigineqarlunilu ataqatigissaaqatigineqartarpoq, assigiimmik TAC-mik aalajangiisarneq qulakkeerniarlugu, TAC kitaani qaleralinnut aqutsinissamut pilersaarummi periuseritinneqartumut naapertuutinneqassalluni.

Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl